Firefox FAQ

Ehekávo peteĩ kundahára ipya’e ha tembipurupyahu isãso omo’ãva ne ñemigua, ko’ã porandu py’ỹigua oĩ ko’ápe ombohovái hag̃ua umi mba’e oikovéva ha ojokupytýva Firefox ndive.

  • ¿Mba’épa Firefox?

    Firefox Browser ha’e kundahára ha’evéva oykekóva peteĩ atyguasu viru’ỹgua nohepyme’ẽiva ne mba’ekuaarã teéva umi maranduñemuguávape ha ne pytyvõ emo’ã hag̃ua ne marandu teéva. Eikuaave Firefox Kundahára y ambue apopyre. rehegua

  • ¿Mba’éicha arekokuaa Firefox Browser?

    Emboguejykuaa pya’e kundahára mohendahápe g̃uarã Firefox ápe. Firefox Oiko Windows, Mac ha Linux mba’e’okápe, ha avei eipurukuaa Android ha iOS. Ehecháke emboguejyha ore kundahára peteĩva ore kuatiarogue rojeroviaha Mozilla/Firefox guive.

  • ¿ReiguápaFirefox?

    ¡Héẽ! Firefox Browser noñehepyme’ẽi. Reietegua. Ndaipóri jehepyme’ẽ kañymby. Nerejehepyme’ẽi eipuru hag̃ua, ha norohepyme’ẽi ne mba’ekuaarã teéva.

    Porandu ojuehegua: ¿Firefox Browser reigua, ¿Firefox hepýpa?
  • ¿Chrome iporãvépa Firefox-gui?

    Nahániri, ndoro’éi Chrome iporãveha Firefox-gui, ha kóva rupive: tapichakuéra oporandu vove mba’e kundahárapa iporãve, avei oñeporandu mba’e kundahárapa ipya’e ha hekorosãve. Firefox hekopyahu ñavõ jasýpe eikuaa hag̃ua erekoha kundahára ipya’evéva ha omomba’éva ne rekoñemi ijehegui.

    Mba’éicha oñemoñondive Firefox Chrome ndive.

    Porandu ojokupytýva: Firefox iporãve Chrome-gui, Firefox iporãve Google-gui, Firefox hekorosãve Chrome-gui, Firefox hekoñemive Chrome-gui
  • ¿Hekorosãpa Firefox mboguejy?

    Ne ñemigua ñemo’ã ha’e ore roipotavéva, ha rojapo pe Firefox ñemohenda ne mba’e’okápe hekorosã hag̃ua — hákatu tapiaite emboguejyva’erã peteĩ tendágui Mozilla/Firefox hekorosãva, techapyrãramo ore mboguejyha kuatiarogue.

  • ¿Hekorosãpa Firefox?

    Firefox nahekorosã’añói, nepytyvõ ereko hag̃ua mba’ekuaarã tekorosãme, avei ne marandu ñemiguáva. Firefox Browser ojoko ijehegui tapykuehoha mbohapyháva ojekuaáva, ava ñandutieta rapykuehoha, criptominero ha kuãhũ kuaaukaha moheñoihára (fingerprinters) ani hag̃ua ombyaty ne mba’ekuaarã. Eikuaave ore apopyre rekoñemi.

    Porandu ojokupytýva: Firefox iporãve tekoñemíme, hekorosã, ha iporãve ñemiguápe
  • ¿Firefox ohepyme’ẽ ne mba’ekuaarã teéva?

    Ndajapói araka’eve, araka’eve ndajapomo’ãi. Ha romo’ãta heta maranduñemurã ojapóvagui. Umi Firefox apopyre oñemboguata omo’ã hag̃ua ne ñemigua. Péva rojapóta.

  • ¿Mba’ére Firefox imbeguete?

    Firefox naimbeguéi… ko’ág̃a. Ary 2017-pe, rojapojey pe kundahára mongu’eha (hérava Quantum) ikatu hag̃uáicha Firefox oñorairõ ambue kundahára ndive. Ha ore jokoha rapykuehoha oipytyvõ kuatiaroguekuérape henyhẽvo pya’eve. Péicha Firefox ipya’eterei omboyke’ỹre ne rekoñemi.

  • ¿Firefox ojeko Chromium rehe?

    Firefox noñemopyendái Chromium rehe (pe kundahára apopyrã ijayvu jurujáva Google mbytépe Chrome). Upévare, ore hína peteĩva umi kundahára tuicháva oreko’ỹva. Firefox oku’e ore kundahára mongu’eha Quantum oñemoheñóiva Firefox peg̃uarã, roguerekotaha ne mba’ekuaarã poyhu ha tekoñemíme.

  • ¿Firefox oipuru Google?

    Google ha’e kundahára ijypykuéva Firefox pegua, he’iséva ikatuha eheka ñandutípe pe kundaharape renda guive. Eikuaave jehekaha eguerohoryvéva ha emoambue pe ñemboheko ijypykuéva.

  • ¿Firefox oguereko VPN ojuajúva?

    Firefox ndoguerekói VPN (red privada virtual) ojuajupáva, hákatu oĩ mokõi apopyre Mozilla/Firefox eipurukuaáva avei Firefox Browser ndive omo’ãkuaáva (Firefox Private Network) térã pe mba’e’okápe jeike (Mozilla VPN) WiFi ndive, péicha avei nde IP kundaharape.

    Porandu ojuehegua: ¿Firefox oñomi nde IP?
  • ¿Mávapa Firefox jára?

    Firefox omoheñói Mozilla Corporation, peteĩ hesegua ha’éva atyguasu viru’ỹ rehegua mba’éva Mozilla Foundation, ha oguatáva pe Mozilla Jehaipyre he’iháicha. Eikuaave Firefox apopyre rehegua ko’ápe.

    Porandu ojojoguáva: mávapa Firefox jára, mávapa Firefox Browser jára, ha’e Firefox Google mba’e, Mozilla Firefox Google mba’e