Lěc sćo doma, na źěle abo se žortne mě za swóju kafejowu skazanku w knigłach gósći wumyslujośo, šćitanje wašeje wěstoty online ma za Mozilla nejwušu prioritu. Kaž wjele inteligentnych technologiskich produktow maju rědy Android zatwarjone šćitne funkcije, kótarež waš rěd zawěsćuju. Z VPN za Android wót Mozilla móžośo z jano jadnym dotyknjenim palca dalej wjasć.
Z pomocu malsnego a wěstego protokola VPN WireGuard, móžo naš VPN internetny wobchad mjazy wašym rědom a seśu VPN serwerow koděrowaś. To nam pomaga, waš webwobchad dalej šćitany źaržaś, gaž sćo pó droze. Jo kaž wěcko, kótarež waš zeleny tej z mjodom pśed muchu šćita, kótaraž wokoło blida byrcy.
Kak VPN mój rěd Android šćita?
VPN pomagaju se wobinuś:
- Až waša internetna aktiwita jo widobna a se pón pśedawa abo z wabjarjami źěli.
- Niska kwalita streamowanja wideo dla pómalšeje a wobgranicowaneje šyrokosći pasma wót wašogo póbitowarja internetneje słužby (ISP)
- Waše wósobinske daty, kótarež se kšadnu, gaž zjawnu WLAN-seś wužywaśo.
Cogodla Mozilla VPN za Android ześěgnuś?
- Pśeglědujśo internet, bźez togo, aby swójo stojnišćo pśeraźił.
- Wužywajśo radnje zjawny WLAN w kafejownjach, lětanišćach a wěcej.
- Wobiniśo se šarowatego na stojnišćo póśěgowanego wabjenja.
Mobilne nałoženje Mozilla VPN jo małe, tak až pśewjele składa njewužywa a njebuźo waš telefon spómałšyś abo wašu bateriju prozni.
Na rozdźěl wót dermotnych VPN abo proksywych sedłow, kótarež mógu snaź za swóje serwery pśez to płaśiś, až was wusnuchliju a waše informacije pśedawaju, Mozilla njeprotokolěrujo, źož sćo pó droze a což cyniśo.