Mozilla VPN za Mac se ześěgujo…

Wašo ześěgnjenje Mozilla VPN měło se awtomatiski startowaś. Jolic se to njestawa,
startujśo ześěgnjenje znowego abo wrośćo se k ześěgnjenjeju za drugi rěd

  1. 1. Wócyńśo dataju

    Pśejźćo k swójomu zarědnikoju ześěgnjenjow a klikniśo dwójcy na dataju .pkg.

  2. 2. Startujśo nałoženje

    Slědujśo kšacam, kótarež se w instalaciskem programje Mozilla VPN wopisuju, aby nałoženje startował

  3. 3 Pśizjawśo se abo registrěrujśo se

    Zapódajśo swóju e-mailowu adresu, aby se pśizjawił abo registrěrował a zachopśo

  4. 4. Zmóžniśo VPN

    Wubjeŕśo dopórucone stojnišćo za malsny, stabilny zwisk abo wubjeŕśo swójo póžedane stojnišćo manuelnje a suniśo pón šalter na Zašaltowany.

Trjebaśo pomoc, aby zachopił?

How su někotare z nejcesćejšych pšašanjow wó konfiguraciji Mozilla VPN

Cogodla Mozilla VPN wužywaś?

Dokulaž se něnto wěcej wšednego dnja pśez internet stawa, stej priwatnosć a wěstota dalej a wažnjejšej. VPN, Wirtuelny priwatna seś, skoděrowany tunel mjazy wašymi rědami a internetom napórajo a zawěsćujo, až waš zwisk wěsty a priwatny wóstawa, mjaztym až was na dwě wažnej wašni šćita:

  1. Waša IP-adresa se schowajo: Tak pomaga, wašu identitu šćitaś a cyni wašo stojnišćo k njepóznaśeju za websedła, ku kótarymž se woglědujośo.
  2. Koděrowanje wašogo internetnego wobchada: Tak nichten w seśi njamóžo wašu aktiwitu online wusnuchliś.

Kak wěm, až VPN funkcioněrujo?

Mozilla VPN wizuelne indikatory swójogo aktualnego statusa ako w symbolowej rědce tak teke na startowej wobrazowce nałoženja pokazujo, což wam wólažcujo zgóniś, lěc waša aktiwita online se šćita abo nic. Toś te indikatory wam zmóžnjaju wobkšuśiś, gaž waša nawigacija jo priwatna a wěsta. Mimo togo móžośo, mjaztym až sćo zwězany, se k https://monitor.mozilla.org woglědowaś, aby wobkšuśił, lěc waša IP-adresa jo maskěrowana. Za dalšne drobnostki glejśo pšosym Kak mógu k wěsći daś, lěc Mozilla VPN jo zwězany?.

Kak mógu dalšny rěd pśidaś?

Pśidawanje dalšnego rěda jo tak lažke ako ześěgowanje a instalěrowanje software Mozilla VPN a pón pśizjawjenja pla wašogo eksistěrujucego konta Konto Mozilla na nowem rěźe. Za dalšne drobnostki glejśo pšosym Kak wašomu abonementoju Mozilla VPN rědy pśidaś.

Co su nejlěpše praktiki VPN?

Jolic waš cel jo, waš internetny wobchad šćitaś a weto wusoku malsnosć wobchowaś, jo pśecej nejlěpjej, stojnišćo serwera wubraś, kótarež jo tak blisko wašogo fyziskego stojnišća ako móžno. To spušćobnosć a malsnosć wašogo zwiska pówušyjo, dokulaž waš internetny wobchad njetrjeba wjelika wokołodroga wześ, nježli až jogo wótglědany cel we webje dojśpiwa.

Jolic waš cel jo, internet dožywiś, ako by był w někakem drugem źělu swěta, móžośo tam stojnišća wubraś a wšykne websedła, ku kótarymž se woglědujośo, se pokazuju, ako by wy tam był.

Jolic cośo se hyšći wěcej šćitaś, móžośo šćit pśeśiwo wabjenjeju, wabjeńskim pśeslědowakam a škódnej software pśez Nastajenja > Funkcije priwatnosći aktiwěrowaś. Pšosym źiwajśo na to, až to móžo zawinowaś, až websedła korektnje njefunkcioněruju abo se njezacytaju, togodla musyśo snaź toś ten šćit znjemóžniś, jolic na toś ten problem starcyjośo.

Naslědku móžośo VPN na pódprětych rědach wěcej inteligentny cyniś, gaž wěste nałoženja (na pś. Netflix) z VPN wuzamkujośo.

Trjebaśo pitśku wěcej pomocy?

Móžośo se direktnje z nałoženja Mozilla VPN z teamom pomocy do zwiska stajiś, gaž na Nastajenja > Pomoc wobstaraś > Pomoc skontaktěrowaś klikaśo. Móžośo se teke z nami na našom boku pomocy do zwiska stajiś.