Windows jo jaden z nejwěcej woblubowanych źěłowych systemow na swěśe. Togodla su rědy Windows zwětšego wjelgin cesto cel zadobywarjow a mógu wósebnje napadojte byś, jolic pśigódne wěstotne napšawy njecynje. Móžośo swóje digitalne žywjenje šćitaś, gaž VPN wužywaśo, kótaraž wašu aktiwitu online koděrujo, a někotare druge kšace kaž na pśikład, až swóju software aktualnu źaržyśo, jadnorazowe a mócne gronidła napórajośo a maski Relay wužywaśo, aby swóju e-mail šćitał.
VPN skoděrowany „tunel“ za waše internetne daty mjazy wašym licadłom Windows a internetom napórajo a maskěrujo wašo stojnišćo pśed websedłami, ku kótarymž se woglědujośo. To pomaga, tśeśe póbitowarjam a seśowym špionam zawoboraś, až wěcy wó was zgóniju, wó kótarychž njesměju nic wěźeś.
Kótare su lěpšyny ześěgowanja Mozilla VPN na mójom rěźe Windows?
- Wobiniśo se, až se waša aktiwita online gromaźi a se z tśeśimi póbitowarjami abo wabjarjami źěli.
- Jolic wjelgin cesto streaming wideo abo muziki online wužywaśo, móžośo snaź pśez wužywanje VPN tomu zajźowaś, až waš póbitowaŕ internetneje słužby wašu šyrokosć pasma wobgranicujo abo droslujo.
- Móžośo wěste nałoženja z rozdźěloneju tunelujuceju funkciju wuzamknuś. To groni, až někotare nałoženja pśez VPN běže, mjaztym až druge zwenka tunela wóstawaju.
- Gaž rěd Windows w zjawnej, njewěstej seśi WLAN wužywaśo, budu waše informacije wó internetnem wobchaźe napadojte na seśowe špiony a VPN móžo pomagaś, waše daty pśez to priwatne źaržaś, až mócnu šćitnu rowninu pśidawa.
Nałoženje Mozilla VPN pśewjele składa wašych rědow Windows njepśetrjebujo, wašo licadło njespómałšujo abo žywjenje wašeje baterije njeskrotcujo.
Mozilla VPN se na Windows 10 a Windows 11 pódpěra a móžośo jen na až do pěś rědach wužywaś. Aby zachopił, móžośo se na mozilla.org pśizjawiś a nałoženje na swójom rěźe Windows ześěgnuś.