VPN (wirtuelna priwatna seś) jo njewuzbytna za wašu priwatnosć a wěstotu online, gaž swój Mac wužywaśo. Zadobywarje a internetne póbitowarje mógu wašu aktiwitu online wusnuchliś abo waše wósobinske daty kšadnuś.
Móžo śěžko byś, dobru VPN namakaś. Někotare su pómałe, njespušćobne a protokolěruju samo wašu aktiwitu online. Togodla smy wuwili Mozilla VPN, malsnu, wěstu a dowěry gódnu VPN wót luźi, kótarež su wam Firefox pśinjasli.
Z Mozilla VPN móžośo:
- Wobstarajśo priwatnosć jadnogo kliknjenja z jadnorym a za wužywarje pśigódnym wužywaŕskim pówjerchom.
- Zwěžćo až do 5 rozdźělnych rědow z jadnym abonementom, mjazy nimi Mac, ale teke iOS, Windows, Linux a Android.
- Wužywajśo našu VPN tak wjele ako cośo. Na rozdźěl wót VPN, kótarež jano wěstu tšochu datow na mjasec šćitaju, njewobgranicujomy waš wobchad. Wšojadno, kak wjele datow wužywaśo, šćitaju se pśecej.
- Wobstarajśo se koděrowanje na rowninje rěda za swój wobchad. Na rozdźěl wót rozwězanjow, kótarež jano wobchad wašogo wobglědowaka koděruju, Mozilla VPN wšykno koděrujo, šćita waš internetny wobchad, wšojadno, kótare nałoženje jo zapśimjete.
- Zajźujśo tomu, až internetne póbitowarje websedła abo słužby drosluju abo blokěruju, kótarež se nim njespódobaju abo kótarež ze swójskimi póbitowanjami konkurěruju. Za dalšne informacije móžośo se wó seśowej neutralnosći informěrowaś.
Cogodla Mozilla VPN?
Mozilla jo organizacije, kótaraž źěła, aby internet wótwórjony a za kuždego pśistupny źaržała, a zepěramy se wót za wše wužytneje organizacije. Gaž Mozilla VPN wužywaśo, nješćitaśo jano samogo online, ale pódpěraśo teke misiju Mozilla. Mozilla VPN jo wěsta, wótwórjonego žrědła a wuwija se wót wěstotnych ekspertow a stwóriśelow Firefox.
Mozilla njeprotokolěrujo, ku kótarym websedłam se woglědujo abo njepśepytujo waše komunikacije. Mamy teke 30dnjowsku garantiju wrośenja pjenjez: žedna wobuza, žedno riziko.