Linux jo dermotny, wótwórjonego žrědła a dajo se pśiměriś, ale njejo imuny pśeśiwo problemam z wěstotu a priwatnosću online. Kaž wužywarje drugich źěłowych systemow stoje wužywarje Linux pśed censuru, doglědowanim a zadobywanim do kompjuterow.
Co jo Mozilla VPN?
Mozilla VPN jo słužba wirtuelneje priwatneje seśi, kótaraž moderne koděrowanje wótwórjonego žrědła wužywa a wašu seśowu aktiwitu njeprotokolěrujo, njepśeslědujo abo njeźěli. Zmóžnja wam, z wušej 500 serwerami we wušej 30 krajach zwězaś.
Cogodla Mozilla VPN za Linux wubraś?
- Malsny a spušćobny: Mozilla VPN protokol WireGuard® wužywa, kótaryž lěpše wugbaśe a stabilnosć ako druge protokole VPN bitujo.
- Žedne protokole: Mozilla VPN protokole wašeje seśoweje aktiwity njewobchowajo; njezapisujomy, ku kótarym websedłam se woglědujośo a njepśepytujomy waš wobchad.
- Pśidatne wěstotne funkcije: Wužywamy blokěrowanje DNS, aby wabjenje, pśeslědowaki a škódnu software blokěrowali. Wobglědowak pak móžo jano tomu zajźowaś, až wam websedła škódnu software pódsuwaju a wam slěduju.
- Koděrowanje na rowninje rěda: Na rozdźěl wót VPN, kótarež jano wobchad wašogo wobglědowaka koděruju, Mozilla VPN wšen wobchad wašogo rěda koděrujo, inkluziwnje wšykne waše nałoženja a graśa.
- Multi-hop routing: Za pówušenje šćita móžo Mozilla VPN waš wobchad koděrowaś a jen pó dwěma stojnišćoma město jadnogo stojnišća wjasć, což za kuždego póśěžujo, wašej aktiwiśe online slědowaś.
- Jadnory a intuitiwny wužywaŕski pówjerch: Zwěžćo ze serwerom z jadnym kliknjenim. Móžośo teke waše nastajenja pó swójich žycenjach pśiměriś.
- Pomaga seśowu neutralitu wótnowiś: Mozilla VPN wam pomaga, wam kontrolu nad wašymi aktiwitami online za tym slědk daś, až tomu zajźujo, až internetne póbitowarje wašu šyrokosć pasma drosluju abo websedła abo słužby blokěruju, kótarež se jim njespódobaju abo kótarež ze swójskimi póbitowanjami konkurěruju.
- Klient z grafiskim pówjerchom: Mozilla VPN ma klient z grafiskim pówjerchom, mjaztym až někotare druge póbitowarje jano wersiju za pśikazowu smužku póbituju.
Z Mozilla VPN móžośo kontrolu nad swójimi aktiwitami online slědk dostaś a swóju priwatnosć a daty šćitaś. Ześěgniśo Mozilla VPN źinsa a wužywajśo 30dnjowsku garantiju wrośenja pjenjez bźez protokolow, bźez wobuze a bźez rizika.
Kak Mozilla VPN na Linux instalěrowaś?
Jolic jadnu z pódprětych wersijow Ubuntu wužywaśo, stej dwě móžnosći oficielne pakety mozillavpn instalěrowaś, kótarež se na Launchpad: góspoduju
- Modus pśikazoweje smužki Ubuntu: Za detailěrowane instrukcije wó tom kak móžośo Mozilla VPN z pomocu rědow modusa pśikazoweje smužki instalěrowaś, cytajśo Kak Mozilla VPN na licadle Linux instalěrowaś.
- Grafiski wužywaŕski pówjerch Ubuntu: Woglědajśo se k toś tomu nastawkoju a slědujśo instrukcijam we wótrězku Pśidawanje wósobinskich paketowych archiwow.
Mimo togo móžośo za njepódprěte distribucije Linux žrědłowy kod z oficielnego repozitoriuma Github wześ a kompilěrowaś.