Tik'ul Firefox Browser richin Chromebook

¿Aruma toq k'o chi nik'ul Firefox richin Chromebook?

Jun Chromebook k'o chik Chrome ruyakon richin niqasäx chuqa' nokisäx Firefox ruma chi awokik'amaya'l nub'än jujun taq rutzil chawäch:

  • Tzijon chik pe ri chajinïk chuwäch ojqanem, Firefox nusamajij ri Nimirisan Chajinïk chuwäch Ojqanem (ETP) richin ye'achajij ri taq atzij chi kiwa ri rojqanela' eltzijol etaman kiwa, aj winäq ojqanela' chuqa' ruskript kriptominer yatkojqaj pa ajk'amaya'l.
  • K'amonem rik'in ri yonil na'ob'äl: ruma chi b'ama ronojel nima'q taq okik'amaya'l yesamäj rik'in ri Chromium, e jub'a' ok ri man nikik'äm ta ki' rik'in ri kisamajib'al nima'q taq na'ob'äl. Firefox to'on ruma jun moloj majun ch'akoj rojqan chuqa' nisamäj richin nunük' ri k'amaya'l. Toq nawokisaj ri Firefox yatok richin.

¿La k'ayew niyak Firefox richin Chromebook?

Ütz ta ri man k'ayew ta, po ri Chromebook nrajo' chi yak'oje' pa rekosistema' Google Play. Niqana'ojij chi k'o rejqalem chi niyak ri Firefox okik'amaya'l pa Chromebook – e k'o taq tob'äl richin yatruto' we yek'atzin chawe. Ka'i' rub'eyal richin nak'ül ri Firefox pan awokisab'al.

Tiyak Firefox k'o pa Google Play Store: pa k'ak'a' ruwa Chrome OS (x86 xe'elin Chromebook rik'in Chrome OS 80 o chi rij), yatikïr nacha' nayäk ri chokoy Firefox richin Android chokoy. Re chokoy re' nuk'un richin oyonib'äl taq okisab'äl.

Tawichinaj chi sipanïk pa Google Play

Tiyak Firefox achi'el jun ruchokoy Linux: nawoqaj re b'ey re' yaruk'waj pa ch'aqa' chik taq xak, po yalan jeb'ël. Toq nayäk ri rokik'amaya'l Firefox achi'el jun ruchokoy Linux, nak'ül ri ajch'atal rokik'amaya'l Firefox chuqa' ronojel ri taq rutzil, achi'el ri chajinïn chuwäch nïm ojqanem, tz'aqatisan jun runuk'samajel ewan tzij, okem pa k'ïy taq tz'aqat (tz'aqatisan ri ruq'atob'al eltzijol UBlock Origin), chuqa' taq wachinel richin nichinäx ri rub'anikil ri awokik'amaya'l. Tetamäx ch'aqa' chik pa ruwi' rub'eyal niyak ri ajch'atal rokik'amaya'l Firefox richin Chromebook.