Rutz'etik ri b'anatajnäq. Rutz'etik ri chwa'q kab'ij.

Ri Mozilla k'o richin nuya' rutzijol ri tikirib'äl, ri tz'ukuj chuqa' ri samaj kichin konojel pa K'amaya'l.
Tatz'eta' ri öj achike röj, achi'el chuqa' ri jujun qaq'i'on chuqa' ri nima'q q'i'oj.

  • 01

    Ri Mozilla nimasamaj xtz'uk ruma Netscape ri 31 q'ij chi re ri rox rik' ri juna' 1998, akuchi' k'o niya' chi kiwäch ri winaqi' chuqa' nitikirisäx ri tz'ukuj pan Ajk'amaya'l.

  • 02

    Mozilla nuna' ri' ruma chi jun moloj ri man rutzeqelb'en ta ch'akoj, ri yerunük' taq tikojil achi'el Firefox, akuchi' k'o ri taqel rutaqanem chi ri winaqi' chijun ruwach'ulew tik'oje' kuchuq'a' pa Ajk'amaya'l.

  • 03

    Ri q'ij toq xqelesaj Firefox 1.0 pa 2004, jotöl chi re ri 10 xo'il to'onela' xkito' ri taqel qataqanem rik'in ri xkitöj jun rutzijol ri rumejon jun tz'aqät ruxaq ruwuj The New York Times.

  • 04

    Mozilla e k'o ruto'onela' pa ronojel ri taq setul, achi'el pa Riqi' (akuchi' ri 80% ruwinaq nikokisaj Firefox).

  • 05

    Ri taq rutz'aqat Firefox nikiya' q'ij chawe' richin nawichinaj chuqa' nik'oje' pan aq'a' ri awetamab'al pa Ajk'amaya'l. Xeqasäx yan jotöl chi re ri 4 xo'il t'ijtäq taq tz'aqat.

  • 06

    Mozilla ajk'amöl b'ey pa ruwi' ri ichinanem pa k'amaya'l rik'in taq tz'ukuj pa okik'amaya'l achi'el Do Not Track chuqa' Lightbeam, akuchi' nuya' q'ij chi ke riwinaqi' yekichajij ri taq kitzij.

  • 07

    Ri qamoloj aj ruwach'ulew eto'oyon chi rutzalq'omaxik Firefox jotöl chi re ri 70 taq ch'ab'äl, akuchi' niya' pa kiq'a' jotöl chi re ri 90% ruwinaq ri ruwach'ulew.

  • 08

    Pa 2008 e 8.002.530 winaqi' xkicha' ri Firefox xa xe pa jun q'ij akuchi' xjikibäx ri Guinness aj ruwach'ulew etal richin “Jotöl ruqasaxik jun ruchokoy kema' pa 24 ramaj.”

  • 09

    Ri Mozilla festival, ja ri' ri nïm qamolojri'ïl pa juna', akuchi' nikimöl ki' wok'altäq chi na'owinäq taq winäq richin niq'i' ronojel ri ruchuq'a' chuqa' ruchuq'ab'il Ajk'amaya'l.

  • 10

    Ri rurayb'al Mozilla Webmaker ja ri nisamäj pa ruwi' jun utziläj kajulew, akuchi' e k'ïy ketaman pa ruwi' ri kematz'ib', chuqa' akuchi' niya' taq samajib'äl chuqa' taq nimasamaj, ri yekito' ri winaqi' chi tik'oje' pa kiq'a' ri kik'aslema kik'in kematz'ib'.

  • 11

    Firefox richin Android nuk'äm pe ri retamab'al Firefox richin ajkematz'ib' pa taq oyonib'äl chuqa' pa taq tz'alamkem. Wachel pa Google Play, qasan chik jotöl chi re ri 80 t'ijtäq mul.

  • 12

    Ri Mozilla Developer Network jun ajtinamït ajk'amaya'l tob'äl, akuchi' nuya' chi kiwäch jotöl chi re ri 2 t'itäq tz'etonela' pa jun ik' ri cha'on wujil, ri jeb'ël taq soletamab'äl chuqa' ri k'ak'a' taq samajib'äl e k'o.

  • 13

    Nisamäj ri Mozilla chuqa' numäy chi ja ta chi ri Ajk'amaya'l junelïk tok jun komonin kitob'al winaqi' richin qutzil qonojel.

  • 14

    Pa 2013 xqelesaj pe Firefox OS richin niqaq'alajisaj ronojel ri ruchuq'a' Ajk'amaya'l pa na'owinäq taq oyonib'äl, nusüj ri chajinïk chuqa' okinäq jun k'ak'a' kalk'walaxnem ri winaqi' ye'apon pa K'amaya'l.

  • 15

    Ri rusamaj Mozilla nib'anatäj kuma xo'il xipanela' chuqa' to'onela': winaqi' ri achi'el rat, nikina'ojij chi ri Ajk'amaya'l k'o chi junelïk jaqäl chuqa' okel chi qawäch qonojel.