Una web pa toos

Darréu que la web s'espande p'algamar a billones de persones nueves y tocar les nueses vides en formes nueves, fíxose una parte esencial del nuesu espoxigue individual y futuru coleutivu. Y esa web ye la que la comunidá de Mozilla se compromente protexer: una plataforma que forne d'oportunidaes, coneutividá ya inspiración pa toos.

Caltenemos activos los nuesos principios creando productos, fortaleciendo comunidaes, enseñando habilidaes y dando forma a entornos pa construyir l'internet que'l mundu precisa.

Nel Mozilla Summit d'esti añu, 2000 persones que representaben 90 países y 114 llingües estremaes aconceyaron pa desendolcar un entendimientu compartíu de quién somos y qué ye lo qu'algamaremos xuntos. Embaxo hai un exemplu de perspeutives de los líderes del proyeutu.

Impulsáu por mozilleros

Los Mozillianos son un grupu de pensadores, creadores, educadores y hackers con un propósitu compartíu de dar apertura, llibertá y participación n'internet. El nuesu esfuerciu coleutivu mundial llevó a Firefox OS d'un conceutu a teléfonos comerciales en 2 años, agospió 1.6000 eventos en trés meses pa enseñar la web y munchos más llogros. Tamos cellebrando'l nuesu viaxe y el camín prometedor que tenemos per delantre.

Sostenibilidá

Xunto con esti informe añal, espublizamos el nuesu estáu financieru auditáu pa 2012. Tanto dende'l puntu de vista financieru como organizativu, Mozilla caltiénse en bona posición pa poder avanzar cola nuesa misiń.

La mayoría de los nuesos ingresos remanecen de la funcionalidá de gueta del restolador Firefox al traviés d'un númberu d'importantes socios qu'inclúi Google, Bing, Yahoo, Yandex, eBay y Amazon. L'estáu financieru de 2012 inclúi los ingresos d'un conveniu de mutuu beneficiu comercial con Google, el nuesu mayor fornidor de gueta, que se robló n'avientu de 2011 y que va prollongase al menos trés años más.

Un creciente porcentaxe de los nuesos ingresos tamién remanecen del sofitu del públicu, incluyíes sovenciones y donaciones particulares de persones como tú. Estes aportaciones son direutamente destinaes a importantes proyeutos como Webmaker, Open Badges y Mozilla-Knight Open News que permiten estender la influyencia de Mozilla hacia nueves árees.