L'estáu de Mozilla

Entrugues frecuentes

¿Cuálos son los proyectos clave de Mozilla pal próximu añu? ¿Cómo planiáis influyir nel mercáu pal futuru?

El restolador web Firefox ye y siguirá siendo pieza fundamental nel impulsu de la web y avance de la misión de Mozilla.

Firefox OS ye'l sistema operativu móvil de Mozilla basáu dafechu en HTML5. Güei, el 50% de los 2.300 millones de persones apuerten a la rede dende un preséu móvil y esi númberu ta previstu que medre. Con Firefox OS, Mozilla desenvolvió un estándar Web dafechu abiertu qu'actúa como una plataforma pa la innovación. Desenvolvimos les teunoloxíes y APIs que faen de la Web un llugar meyor y tamos dafechu comprometíos cola adopción d'HTML5 como plataforma pa la industria móvil.

Col programa de Mozilla Webmaker tenemos como oxetivu mover milenta persones d'usuarios web haza creadores web activos que construyirán les próximes grandes esperiencies. La meta ye crear un planeta con más conocencia web pente ferramientes y programes d'enseñu qu'alimenten la creatividá na web.

¿Cómo midís l'ésitu?

En Mozilla midimos l'ésitu por lo muncho que tamos faciendo por ameyorar y fortalecer l'estáu de la Web, y promover los intereses de los usuarios y desendolcadores. Tenemos ésitu cuando construyimos productos que presten a la xente y cuando otres organizaciones de la competencia incorporen nos sos productos les carauterístiques y funciones que nos importen. Por exemplu, vemos que Google Chrome implementó apocayá la carauterística Nun rastrexar de la que fuimos pioneros y pola que consiguimos un gran ésitu pa Mozilla y la nuesa misión.

A diferencia de los nuesos máximos competidores, Mozilla algama l'ésitu ayudando a más xente a facer escoyetes tocante a qué software quieren usar, qué nivel de participación deberíen tener en llinia y cómo involucrase en construyir un internet meyor. Cuando vemos l'espoxigue na comunidá de collaboradores, traductores de software y un mercáu de restoladores competitivu, por exemplu, sabemos que tamos algamando los nuesos finxos y vemos l'espoxigue neses árees.

¿Cuálos foron los ingresos totales de Mozilla pal 2011?

Los beneficios informaos y consolidaos por Mozilla (Fundación Mozilla y toles sosidaries) pal 2011 foi de 163 millones de dólares d'estaos xuníos, un incrementu próximu al 33% de los 123 millones de dólares en 2010.

¿Cómo xenera ingresos Mozilla?

La mayoría de beneficios de Mozilla xenérense dende la funcionalidá de gueta y comerciu incluyida nel nuesu productu Firefox pente los mayores socios fornidores de gueta incluyendo Google, Bing, Yahoo, Yandex, Amazon, eBay y otros. Los beneficios informaos por Mozilla tamién inclúin donaciones y sovenciones perimportantes de particulares y corporaciones que espoxiguen de mou significativu, amás d'otres formes d'ingresos que vienen del nuesu patrimoniu d'inversión.

¿Tais esplorando oportunidaes d'asociación pa diversificar el vuesu fluxu d'ingresos?

Anguaño tenemos delles asociaciones clave y tamos activamente esplorando nueves, amás d'otres oportunidaes potenciales oportunidaes de beneficiu. Siguiremos construyendo grandes productos qu'ayuden a la xente a esfrutar de la bayura d'internet y tamos enfotaos en qu'esto permítirámos identificar les fontes de beneficiu afayadices qu'atiendan a la nuesa misión y usuarios.

Dellos proyeutos clave de la Fundación Mozilla como Collusion, recibieron sovenciones d'organizaciones como la Fundación Ford.

¿Cuálu ye l'estáu de la organización na gueta d'asociaciones?

Anguaño tenemos asociaciones con un númberu de fornidores de gueta que difieren por cada mercáu. N'avientu del 2011 anunciemos un alcuerdu nuevu con Google como'l nuesu fornidor de gueta por defeutu en Firefox. Esti alcuerdu nuevu estiende la rellación llarga con Google polo menos 3 años más. Los términos específicos d'esti alcuerdu comercial tán suxetos a requirimientos de confidencialidá tradicional y nun tenemos la llibertá de revelalos.

¿Cuálu ye l'estáu de la vuesa rellación comercial con Bing?

Bing ye'l guetador de la versión americana de Firefox. Esti alcuerdu inclúi unos ingresos compartíos basaos nel tráficu unviáu de Firefox al serviciu de busca de Bing.

¿Qué asocedió con Yandex?, ¿pue avanzanos daqué sobre esti alcuerdu?

Google ye'l guetador por defeutu de Firefox en Rusia. Yandex va permanecer na llista pre- instalada de plug-ins de busca. El cambéu ye parte de la renovación global y Mozilla empezó con Google, siendo ésti'l so guetador por defeutu.

Mozilla y Yandex van siguir esplorando posibles alcuerdos incluyendo la edición personalizada de Yandex y la integración de los servicios de gueta de Yandex n'otres versiones rexonales.

¿Qué clase d'alcuerdos comerciales tienen nel sector móvil?

Mozilla has announced a commercial partnership with Telefónica for Firefox OS. The specific terms of the agreement are subject to traditional confidentiality requirements. We are developing new partnerships with additional OEMs and operators, which will be announced in due course through 2012 and into 2013. We also have numerous arrangements with app publishers who will be included in Firefox Marketplace.

¿Qué ingresos cree que va tener Mozilla nel próximu añu y cuál va ser el modelu empresarial de los alcuerdos?

Nun ufiertamos previsiones nesti momentu. El nuesu principal oxetivu céntrase en crear y ufiertar productos que cubran les necesidaes del usuariu, desendolcador y operador. Coles mesmes, tamos de siguío esplorando nuevos modelos d'ingresos que respuendan tantu a les necesidaes del usuariu como a la misión de Mozilla.

¿Qué fai pensar a Mozilla que pue aprucir nel mercáu de los teléfonos intelixentes cuando yá esisten 2 xugadores claramente dominantes?

Mozilla camienta que la Web ye la meyor plataforma pa la innovación, pa tar coneutaos, compartir y construyir el mundu que queremos. Con Firefox OS, Mozilla ta creando un sistema operativu basáu dafechu nos estándares d'una Web Abierta. HTML5 ye una teunoloxía que crez n'importancia y que cada vegada más desendolcadores tán adoutando. Hai amás un ecosistema de desendolcadores que tán creando aplicaciones pa navegadores d'escritoriu, mientres munches aplicaciones AppStore y Android yá se desenvolvieron en HTML5.

¿Con cuántos operadores zarró Mozilla alcuerdu pa Firefox OS?

Los primeros preseos que funcionen con Firefox van tar disponibles en Llatinoamérica a empiezos de 2013 de la mano de Telefónica. Amás anunciemos el sofitu d'otros operadores globales como Deutsche Telekom, Etisalat, Smart, Sprint, Telecom Italia y Telenor, polo que va haber más preseos y noticies relatives al sistema operativu mientres 2013.

¿Con qué OEMs van tar trabayando?

TCL Communication Technology (a quien pertenez la marca Alcatel) y ZTE son socios líderes nel desenvolvimientu de los primeros preseos que van funcionar con Firefox OS y esperamos anunciar el sofitu de nuevos OEMs bien aína.

¿Cuándo vamos poder ver el llanzamientu de preseos n'Estaos Xuníos? ¿Y n'Europa?

Los primeros preseos basaos na Web Abierta van llanzase en Llatinoamérica a principios de 2013. El llanzamientu n'otros países inda nun s'anunció.

¿Cuál ye'l modelu de negociu pal so mercáu d'aplicaciones?

La tienda de Firefox va ufiertar a los desendolcadores oportunidaes d'afayar, distribuyir y monetizar les aplicaciones y amás éstes van poder personalizase de la mano de los nuesos socios. Por exemplu, con Telefónica, vamos ufiertar la posibilidá de facturar direutamente dende'l preséu nel casu de que los propietarios de les aplicaciones quieran facturar a los veceros de Telefónica. Pero los desendolcadores d'aplicaciones son llibres pa usar los sos propios sistemes de facturación. Si quies tener más información al respeutive, pues lleer la Guía de Telefónica sobre'l pagu na tienda.

¿Cuálos son les sos previsiones de crecimientu en 2013 pa escritoriu, móvil y OS?

Nun ufrimos previsiones nesti momentu.