Hìaj nachrâj ñûnj ‘ngō internet gā hue’ê doj

Chrēj nun ruhuâ ahui ñûnj huin sisī da’ui internet nī gūchij riña daran’ chre guìi mà riña yumiguìi. ‘Ngō ingernet ginūn ña’ān ruhuâ ni’in guìi da’ gahuin chrūn ma’an nej si gachē nun si, gahuin chrūn si dugumîn si ma’an si riña web.

Riña Mozilla nī, ‘ngō yi’nïn’ duguî’ mà da’ huā ngè riña yumiguìi ni’in guendâ tecnología, riràa nī nadi’gi’ñûn nuguàn’àan huin ñûnj nī nù huin ñûnj da’ gā hue’ê internet nī ga ni’nïn riña daran’ chre nê’, dànj nānj huin ruhuâ ñûnj sisī guruguì’ doj duguî’ nakāj dugui’ ngà ñûnj da’ ga’ue nagi’iaj nìko nê’ doj web. Anïn ruhuâ ñûnj sisī sun ruguñu’ūnj dugui’ chre riña plataforma nan nī a’nïn da’ gachīj daran’ chre nê’ doj, asi da’ riña go’ngō nê’.

Gahiā sinuguàn’ Mozilla da’ gini’înt doj nej chrēj ni’ñānj nikò’ ñûnj nī nej nuguan’ nikò’ ñûnj da’ a’ue ri ñûnj ‘ngō sun nan.

• Nakāj dugui’ gi’iaj sunt ngà ñûnj

  Si ruhuât nī ga’ue ruguñu’ūnj chrêt riña da’āj si área nej ñûnj

• Nej sa gini’iājt

  Danè’ ‘na’ ñûnj nī daj guchi’ ñûnj riña nūn ñûnj akuan’ nïn.

• Nej foro

  Riña nej nuguan’ nan ‘na’ soporte, rasūun nī tecnología.

• Dukuán ‘iaj sun ñûnj

  Dàj ‘iaj sun ñûnj, dàj uchra’ da’aj ñûnj suun riña dugui’ ñûnj nī dàj nìko mân nej duguì’ ñûnj.