Firefox براؤزر دا Apple Safari دے نال ویورا

سلامتی تے رازداری
نجی براؤزنگ موڈ
ڈیفالٹ نال تریجھا فریق کوکیاں بلاک کریندے
کریپٹومیننگ سکرپٹ بلاک کریندے
سماجی ٹریکراں کوں بلاک کریندے

پرائیویسی ٹیک کمپنیاں کیتے ہک سفید گرم موضوع بݨ ڳیا ہے کیوں جو انہاں کوں احساس تھیندا ہے جو زیادہ توں زیادہ لوک ڈیٹا دیاں خلاف ورزیاں، اشتہاری ٹریکرز تے ہیکرز جیہاں چیزاں کیتے اپݨے آپ کوں کمزور محسوس کریندے پئے ہن۔ لیکن جݙاں اصل ٹولز دی ڳالھ آندی ہے جیڑھے لوک اصل انٹرفیس کوں نیویگیٹ کرݨ کیتے استعمال کریندے ہن، تاں کیا ایہ سبھ ڳالھیں کریندے ہن یا او واقعی تہاݙے ڈیٹا کوں محفوظ رکھݨ کیتے کارروائی کریندے پئے ہن؟

جیویں جو پہلے اشارہ کیتا ڳیا ہے، Apple انہاں کمپنیاں وِچوں ہک ہے جنہاں حالیہ اپݨی پرائیویسی گیم کوں ودھاوݨ دا فیصلہ کیتا ہے۔ کجھ عرصہ پہلے، Apple Safari وِچ کراس سائٹ ٹریکنگ دی روک تھام کوں نافذ کیتا، جیڑھا اشتہاراں کوں انٹرنیٹ تے تہاݙا پیچھا کرݨ کنوں روکیندا ہے۔ جݙاں تساں کہیں وی ویب سائٹ تے نویں اکاؤنٹ کیتے سائن اپ کریندے او تاں Safari ہک مضبوط پاس ورڈ تجویز وی پیش کریندا ہے۔ تے جے تساں iCloud ایکو سسٹم وِچ سرمایہ کاری کیتی ہے، تاں ایہ ایں پاس ورڈ کوں تہاݙے ٻئے آلات دے نال محفوظ طریقے نال ہم آہنگ کریندا ہے، لہذا تہاکوں حقیقت وِچ اینکوں یاد رکھݨ دی لوڑ کائنی۔

Safari دی طراں، اساں Firefox تے رازداری تے سیکیورٹی تے توجہ مرکوز کرݨ دا ہک نقطہ بݨایا ہے۔ پر Safari دے اُپٹھ، اساں ہک طویل عرصے کنوں پرائیویسی صابݨ باکس تے کھڑے ہیں۔ درحقیقت، Mozilla (اساݙی بنیادی کمپنی) ٹیک کمیونٹی وِچ آن لائن رازداری کیتے خطرے دی گھنٹی وڄاوݨ والیاں پہلیاں آوازاں وِچوں ہک ہئی۔

اساݙا پرائیوٹ براؤزنگ موڈ ٹریکرز کوں بلاک کریندا ہے تے جݙاں وی تساں اینکوں بند کریندے او تہاݙے پاس ورڈز، کوکیاں تے تاریخ کوں مٹا ݙیندا ہے۔ لیکن تساں باقاعدہ براؤزنگ موڈ وِچ وی اساݙی جدید راداری دیاں خصوصیات دا تجربہ کر سڳدے او۔ Firefox دے نویں نکور ایڈیشن دے نال، بہتر ٹریکنگ دی ݙک ٹھلھ بذریعہ ڈیفالٹ آن ہے۔ ایہ کراس سائٹ ٹریکرز جیویں چیزاں کوں تہاݙی پیروی کرݨ کنوں روکیندا ہے جݙاں تساں ویب تے چھلانگ مریندے او۔ نال، Facebook پرائیویسی دے مسائل دی وجہ توں تقریباً روزانہ ای پکڑیئے ویندے ہن، اساݙی Facebook Container ایکسٹینشن ٻہوں معنی خیز ہے۔ ایہ Facebook کیتے ویب تے تہاکوں ٹریک کرݨ مشکل بݨا ݙیندا ہے — جیویں جو Safari کراس سائٹ ٹریکنگ کو روکݨ کیتے کریندا ہے — لیکن Firefox اصل وِچ الڳ تھلڳ کر ݙیندا ہے تہاݙا Facebook سیشن ہک علیحدہ کنٹینر وِچ Facebook کوں ایہ ٹریک کرݨ کنوں روکیندا ہے جو تساں ٻیاں ویب سائٹاں تے کیا کریندے او۔ انہاں کوں ایہ ڄاݨݨ دی لوڑ کیوں ہے جو اونویں وی تساں WebMD تے کیا ݙیکھدے او؟

جے تائیں سیکیورٹی دا تعلق ہے، اتھاں وی Firefox ٹھوس ہے۔ جݙاں وی تساں Firefox وِچ ہوو، تساں پاس ورڈ دی فیلڈ وِچ سڄا کلک کر تے محفوظ طریقے نال پاس ورڈ بھرݨ دے آپشن دا استعمال کریندے ہوئے مضبوط پاس ورڈ تیار کر سڳدے او۔ جݙاں تساں اپݨا نواں پاس ورڈ ہتھیکڑا کریندے او، تاں اساں تہاکوں ایندے پہلے کنوں موجود پاس ورڈ مینیجر، Lockwise وِچ ہتھیکڑا کرݨ دا اشارہ کریسو۔ اساں صارفین تے اکاؤنٹ ہولڈرز کوں ہک ٻیا مفت تے کارآمد پروڈکٹ دے نال وی پیش کریندے او جینکوں Monitor آکھیا ویندا ہے جیڑھا تہاکوں آپوں ڄاݨ الرٹ کریندا ہے جے تہاݙا ڈیٹا کہیں معلوم ڈیٹا دی خلاف ورزی وِچ شامل ہے۔

جے تساں Safari استعمال کرݨ دا انتخاب کریندے او، تاں تساں اوں وقت تائیں محفوظ ہتھاں وِچ او جے تائیں تساں Apple آلہ استعمال کریندے پئے او۔ لیکن Safari صرف Apple آلات تے کم کریندا ہے، جݙاں جو Firefox Windows، macOS، iOS، Android تے Linux تے کم کریندا ہے۔ لہذا ایندے نال کوئی فرق نہیں پوندا جو تساں جیڑھا وی آپریٹنگ سسٹم منتخب کریندے او، Firefox تہاکوں اساݙی حفاظت تے رازداری دے تحفظات دا احاطہ کیتا ہے۔