Firefox براؤزر تے Opera منظر دے ݙو ابتائی براؤزر ہن جیڑھے ہݨ وی وار وار اپ ڈیٹس جاری کریندے ہن۔ جݙاں جو Opera صارف کوں اپناوݨ دی ایں سطح تائیں نہیں پڄدا جیویں جو Firefox یا Google Chrome، ایہ نستباً مستحکم ہے۔ تے ہک مستقل مدت وِچ وفادار بنیاد۔ ایں جائزے وِچ، اساں سیکیورٹی تے رازداری، افادیت، تے پورٹیبلٹی دے لحاظ نال Opera براؤزر دا اساݙے Firefox براؤزر نال موازنہ کریسن تاں جو تہاکوں ایہ انتخاب کرݨ وِچ مدد ملے جو کیڑھا براؤزر بہترین تھی سڳدا ہے۔ تہاݙے کیتے فٹ۔
سلامتی تے رازداری
| سلامتی تے رازداری |  |
 |
|---|---|---|
| نجی براؤزنگ موڈ |  |
|
| ڈیفالٹ نال تریجھا فریق کوکیاں بلاک کریندے | |
|
| کریپٹومیننگ سکرپٹ بلاک کریندے | |
|
| سماجی ٹریکراں کوں بلاک کریندے | |
 |
Opera دی رازداری دی پالیسی ایندی وضاحت وِچ کجھ خاصیت دا فقدان ہے جو ایہ کیڑھے قسم دیاں معلومات کٹھیا کریندی ہے تے کیویں۔ بعض جاہیں تے، ایہ آہدا ہے جو او اکاؤنٹ ہولڈرز دے ناں، IP پتے تے تلاش دیاں اصطلاحواں جمع کریندے ہن۔ جیڑھی چیز مبہم تے پریشان کن معلوم تھیندی ہے او بین الاقوامی ڈیٹا دی منتقلی دے متعلق سیکشن ہے۔ کݙاں، کتنی واری تے کیوں انہاں کوں بین الاقوامی سطح تے تہاݙا ڈیٹا منتقل کرݨ دی ضرورت ہے ایندی وضاحت نہیں کیتی ڳئی۔
Firefox دی راز داری پالیسی ایہ بیان کرݨ وِچ ٻہوں شفاف ہے جو اساں کیڑھیاں ذاتی معلومات کٹھیاں کریندے ہیں ایندا کلھا مقصد تہاکوں آن لائن سانجھی کیتی ونڄݨ والی معلومات تے زیادہ کنٹرول ݙیوݨ ہے۔ .
جے تائیں Opera براؤزر وِچ پرائیویسی دے اصل تحفظات دا تعلق ہے، ایہ ہک مضبوط پرائیوٹ موڈ پیش کریندا ہے جیڑھا تہاکوں براؤزر دے تہاݙی سرگرمی کوں ٹریک کیتے بغیر ویب تے سرفنگ کرݨ دی اجازت ݙیندا ہے۔ عام براؤزنگ موڈ وِچ وی، تساں ایڈ بلاکر کوں فعال کرݨ تے ٻیاں سیکیورٹی خصوصیات کوں ایڈجسٹ کرݨ کیتے ترتیباں وِچ کھَٹ تے ڈیٹا کٹھا کرݨ دیاں کجھ خصوصیات کوں وی بند کر سڳدے او۔
Firefox دے نویں نکور ورژن دے نال، بہترین ٹریکنگ پروٹیکشن عام براؤزنگ موڈ وِچ بطور ڈیفالٹ آن تھیندا ہے، ایں سانگے تہاکوں ترتیباں وِچ الجھݨ دی لوڑ کائنی۔ صرف اپݨے آپ کوں ٹریکرز کنوں بچاوݨ کیتے۔ بہترین ٹریکنگ پروٹیکشن دے نال، Firefox ہزاراں تریاکل ٹریکرز کوں فعال طور تے روکیندا ہے جیڑھے ویب تے تہاݙا پیچھا کرݨ دی کوشش کریندے ہن۔ تہاکوں ہک ذاتی تحفظ دی رپورٹ فراہم کیتی ویندی ہے جیڑھی ایہ ظاہر کریندی ہے جو جݙاں تساں ویب براؤز کریندے او تاں کتنی واری Firefox تریاکل کوکیاں، سوشل میڈیا ٹریکرز، فنگر پرنٹنگ ٹولز تے کریپٹومائنرز کوں بلاک کیتا۔
اساں تساں جیہیں لوکاں کیتے Firefox بݨیندے ہیں، جیڑھا ذاتی رازداری تے سلامتی دا ٻہوں خیال رکھیندے ہن۔ ایں سانگے اساں صارفین دے بارے وِچ ٻہوں گھٹ معلومات کٹھیاں کریندے ہیں تے ایں بارے شفاف ہیں جو اساں معلومات کوں کیویں استعمال کریندے ہیں۔ ایہ ڄاݨݨ مشکل ہے جو Opera رازداری دے نقطہ نظر نال کیویں کم کریندا ہے۔ بھانویں جو پرائیویسی دیاں تکڑیاں خصوصیات موجود ہن، پر او خود تہاݙا ڈیٹا کیویں کٹھا تے سانجھا کریندے ہن ایہ مشکوک ہے۔ Firefox تہاݙی رازداری دے تحفظ کیتے جیڑھا کجھ اساں آہدے ہیں تے جیڑھا کجھ کریندے ہیں ایندے وِچ مطابقت رکھیندا ہے۔
افادیت
| افادیت | |
|
|---|---|---|
| آٹو پلے بلاک تھیندا پئے | |
|
| ٹیب براؤز کرݨ | |
|
| نشانی منیجر | |
|
| آپݨے آپ فارم بھریندے | |
|
| ڳولݨ انجݨ اختیارات | |
|
| عبارت کنوں ٻولݨ | |
|
| پڑھݨ آلا موڈ | |
|
| ہجیاں دی پڑتال | |
|
| ویب ایکسٹینشن / ایڈ آن | |
|
| براؤزر وچ سکرین شاٹ ٹُول | |
|
ایندے وِچ کوئی بحث کائنی جو Opera ہک صاف صارف انٹرفیس تے مضبوط ضرورت موجب اختیارات دے نال خصوصیت نال بھریا براؤزر ہے۔ جیویں جو Opera کوں Chromium تے بݨایا ڳیا ہے، ایں سانگے ایہ زیادہ تر Google Chrome دی وسیع ایکسٹینشن لائبری کنون فائدہ چا سڳدا ہے۔ Firefox وِچ ہک وݙی براؤز کرݨ کیتے ایکسٹنشن لائبریری دی وی خصوصیت ہے، پر اتنی وݙی کائنی جتنی Chrome دی ہے۔
Firefox دی طراں، Opera سکرولنگ ٹیب دا تجربہ فراہم کریندا ہے، جیندا مطلب ایہ ہے جو جݙاں تساں سکرین تے فٹ تھیوݨ نال زیادہ ٹیباں کھولیندے ہن، تاں ایہ انہاں کوں مسلسل سنگوڑݨ دے بجائے سکرین کنوں آف کر ݙیندا ہے۔ نال Firefox تے Opera ݙوہیں دے کول سکرین شاٹ ٹول ہے جیڑھا تہاکوں اپݨی سکرین یا ورقے دے کجھ حصے دا سنیپ شاٹ گھنݨ ݙیندا ہے۔ بھل جو، Opera ٹول تہاکوں پورے ویب پیج دی ہک وݙی کیپچر بݨاوݨ دی صلاحیت نہیں ݙیندا، صرف نظر آوݨ والا حصہ۔
Opera اپݨے سادہ تے قابل انتظام انٹرفیس وِچ ٻہوں ساری ڳجھی افادیت فراہم کریندا ہے۔ مثال دے طور تے میسجنگ ایپس کیتے بلٹ ان سپورٹ موجود ہے، جیویں Facebook میسنجر۔ ہک نیوز ریڈر وی ہے جیڑھا تہاݙیاں من بھانوݨیاں سائٹاں تے نیوز آؤٹ لیٹس کنوں مضمون کٹھے کریندا ہے۔ Firefox تے ایندے متوازی فیچر کوں Pocket سݙیا ویندا ہے۔ Pocket Firefox اکاؤنٹ ہولڈرز کیتے ہک مفت سروس ہے جیڑھی پوری ویب کنوں دلچسپ مضمون تے ویڈیوز کوں ڳولݨ تے ہتھیکڑا کرݨ آسان بݨیندی ہے۔ ایندے علاوہ، ایہ مختلف ونکی دے مضموناں دی سفارش کریندا ہے جیڑھے حقیقی، سوچݨ سمجھݨ والے انساناں دے ذریعے تیار کیتے تہاݙے علم دی بنیاد کوں ودھیندے ہن۔
ہیڈ ٹو ہیڈ یوٹیلیٹی دے لحاظ نال، Opera تے Firefox قریبی حریف ہن۔ Opera کوں Chrome دی وݙی ایکسٹینشن لائبریری دے نال مطابقت تے رسائی دے نال ہک پہلو وِچ فائدہ تھی سڳدا ہے۔ پر غور کرݨ کیتے ہک اہم عنصر ایہ ہے جو Opera، کیوں جو ایہ Chromium تے بݨایا ڳیا ہے، ہک پروسیسر کنوں بُکھا براؤزر ہے جیندی RAM دی کھپت Chrome دے مقابلے وِچ ہے۔ جیڑھا اپݨے CPU دے زیادہ استعمال کیتے ڄاتا ویندا ہے۔
پورٹیبلٹی
| پورٹیبلٹی | |
|
|---|---|---|
| او ایس دستیابی | |
|
| موبائل او ایس دستیابی | |
|
| موبائل نال ہم وقت | |
|
| پاس ورڈ منیجمنٹ | |
|
| بنیادی پاس ورڈ | |
|
ݙوہیں Firefox تے Opera ہر پلیٹ فارم تے مطابقت رکھیندے ہن بشمول Windows، macOS، Linux، Android تے iOS۔ Firefox اکاؤنٹ ہولڈرز آسانی نال اپݨیاں نشانیاں، پاس ورڈز، کھلیاں ٹیباں، تے براؤزنگ ہسٹری کوں اپݨے تمام سائن ان تھئے آلات تے ہم آہنگ کر سڳدے ہن۔ اکاؤنٹ والے Opera صارفین کیتے وی ایہا ڳالھ ہے۔ بھل جو، ٻہوں ساریاں سائٹاں، خاص طور تے پراݨیاں سائٹاں جیڑھیاں سالھاں توں اپ ڈیٹ نہیں تھیاں، Opera دے نویں نکور ورژن کوں مکمل طور تے بلاک کر ݙیندیاں ہن۔ لہذا جے تہاݙے سابق دے پراݨے بلاگ جیہاں جاہیں تے ونڄݨ ضروری ہے، تاں ہوشیار رہو، جے تساں Opera استعمال کریندے او تاں تساں انٹرنیٹ دیاں کجھ دھندھلیاں چنڈیں تائیں رسائی حاصل نہ کر سڳسو۔
باقاعدہ موبائل ایپ دے علاوہ Opera دے کول اپݨے براؤزر دے ݙو ٻئے موبائل ورژن ہن: Touch تے Mini۔ ٹچ خصوصیات تے ہلکا ہے پر اینکوں صرف ہک ہتھ نال چلدے پھردے استعمال کرݨ کیتے ڈیزائن کیتا ڳیا ہے۔ منی ورژن دا مقصد ڈیٹا دے استعمال کوں گھٹ کرݨ تے تصویراں کوں گھٹ کر تے اتے مواد کوں ہٹا تے سست روابط تے رفتار وِچ اضافہ کرݨا ہے۔ اساں اپݨی Firefox موبائل ایپ دا ہک اضافی، تجرباتی ورژن وی پیش کریندے ہن، Firefox پیش نظارہ ، جیڑھا رفتار تے حفاظت تے مرکوز ہے۔
انہاں ݙینہاں زہادہ تر وݙے براؤزر، Safari کوں چھوڑ تے، تمام پلیٹ فارمز تے براؤزر وِچ بغیر کہیں رکاوٹ دے کم کریندے ہن۔ Opera تے Firefox ݙوہیں براؤزر ہر ڈیوائس تے بہترین پورٹیبلٹی فراہم کرݨ دے نال مستثنیٰ کائنی۔
مجموعی جان٘چ
مجموعی طور تے، Opera ہک ٹھوس براؤزر ہے، جیندے وِچ صاف ستھرا انٹرفیس تے ٻہوں ساریاں مفید خصوصیات دستیاب ہن۔ بھل جو، پرائیویسی دے کجھ سنگین بھئو ہن تے نال ای ایندے وِچ ٻہوں زیادہ پروسیسنگ پاور دا استعمال کریندے ہوئے ہک مسئلہ ہے۔ بھانویں جو Opera وِچ استعمال دی کجھ ٻہوں ای زبردست آسانی ہے، لیکن اساں وت وی یقین رکھیندے ہیں جو Firefox کارکردگی دی بنیاد تے اتے صارف دی رازداری دے شفاف موقف تے سخت رازداری دے تحفظات دے نال ہک اعلیٰ براؤزر بݨیندا ہے۔
اتھاں کیتا ڳیا موازنہ طے شدہ ترتیباں دے نال تے براؤزر دے ریلیز ورژن وِچ ہیٹھ درج دے نال کیتا ڳیا ہا:
Firefox (81) |
Opera (67)
ایہ ورقہ نویں نکور ورژن دی عکاسی کرݨ کیتے ادھ ترائے ماہی وِچ اپ ڈیٹ کیتا ویندا ہے تے تھی سڳدا ہے جو ہمیشاں نویاں نکور اپ ڈیٹاں دی عکاسی نہ کرے۔