Firefox براؤزر نال Brave دا ویورا کریندا پئے

سلامتی تے رازداری
نجی براؤزنگ موڈ
ڈیفالٹ نال تریجھا فریق کوکیاں بلاک کریندے
کریپٹومیننگ سکرپٹ بلاک کریندے
سماجی ٹریکراں کوں بلاک کریندے

Braveبراؤزر، ٻہوں سارے ٻنہاں وانگوں، Google دے اوپن سورس Chromium کوڈ تے بݨایا ڳیا ہے۔ اوپن سورس دا مطلب ایہ ہے جو کوئی ویی اپݨی مرضی دے مطابق سورس کوڈ تے اوندے اتے پگی بیک استعمال کر سڳدا ہے — جیویں Opera تے Edge براؤزرز۔ لیکن ایندا مطلب ایہ کائنی جو تمام Chromium تے مبنی براؤزرز برابر ہن یا خود اوپن سورس ہن۔

Brave ٻئے Chromium براؤزرز کنوں صارف دی رازداری تے توجہ مرکوز کر تے - خاص طور تے ٹریکرز، سکرپٹس تے اشتہاراں کوں بطور ڈیفالٹ بلاک کر تے۔ لہذا جݙاں تساں Brave براؤزر استعمال کریندے او، تاں ویب سائٹ دے او حصے جیڑھے عام طور تے اشتہاراں کوں ظاہر کریندے ہن خالی جاہیں دے طور تے پدھرے تھیندے ہن۔ بعض صورتاں وِچ، ورقے صحیح طریقے نال لوڈ نہیں تھیندے، جیندی وجہ توں تہاکوں یا تاں ہک مختلف براؤزر دا انتخاب کرݨا ہوسے یا 'شیلڈز اپ' دی ترتیب کوں 'شیلڈز ڈاؤن' تے ولݨا پوسے جیڑھا رازداری تے حفاظتی تحفظ کوں بند کر ݙیندا ہے۔

انٹرنیٹ کوں مجموعی طور تے وݙے پیمانے تے ڈسپلے اشتہاراں دے ذریعے ادا کیتا ویندا ہے، جیڑھا اصل مواد کوں تساں مفت اِچ ݙیکھݨ چاہندے او۔ Brave اپݨے صارفین کوں Brave دے اپݨے انعامی نظام وِچ آپٹ کرݨ دی ترغیب ݙے تے ایں ماڈل کوں برقرار رکھݨ دی کوشش کیتی ہے، جیڑھا حقیقت وِچ اوندا اپݨا اشتہار پلیٹ فارم ہے۔ ہک واری جݙاں صارف آپٹ ان کر گھندا ہے، تاں Brave ظاہر کریسے جو جینکوں او "رازداری دے احترام والے اشتہارات" آہدے ہن جیندے کیتے تساں اینکوں ݙیکھ تے حاصل کر سڳدے او جینکوں او بنیادی توجہ دا ٹوکن آہدے ہن جینکوں او BAT آہدے ہن۔ ایں مقام کنوں Brave صارفین اپݨے BATs کوں اپݨی پسند دیاں سائٹاں یا انفرادی شراکت داراں دی حمایت تے خرچ کرݨ دا انتخاب کر سڳدے ہن، جو بدلے وِچ BATs کوں حقیقی کرنسی وِچ تبدیل کر سڳدے ہیں۔

بھانویں جو ایہ ڳنجھل لڳدا ہے یا ہک زبردست آئیڈیا دی طراں، شاید انٹرنیٹ تے ڈسپلے اشتہاراں کیتے تہاݙی توہین دی سطح تے منحصر ہے۔ زیادہ تر انٹرنیٹ استعمال کرݨ والے سمجھدے ہن جو چنڳے مواد تے پیسہ خرچ تھیندا ہے، تے ایں حقیقت دے نال ٹھیک ہے جو پیسہ اشتہاراں کنوں آندا ہے۔

سکے دے ݙوجھے پاسوں، Firefox براؤزر دے نال، اساں چیزاں کوں سادہ رکھݨ کوں ترجیح ݙیندے ہیں۔ Firefox ٻہوں سارے تریجھے فریق ٹریکرز، cryptominers تے فنگر پرنٹنگ ٹریکرز کوں بطور ڈیفالٹ تہاݙی پیروی کرݨ کنوں روکیندا ہے۔ بھل جو، Firefox، پرائیویٹ براؤزنگ موڈ کنوں ٻاہر، ڈسپلے اشتہاراں کوں ظاہر تھیوݨ کنوں روکݨ دا انتخاب نہیں کریندا۔ یعنی، جے تائیں تساں ایں مقصد کیتے خاص طور تے تیار کردہ ایکسٹینشنز وِچوں ہک انسٹال نہیں کریندے۔

ہائی لائٹ کرݨ دے قابل Brave وِچ کجھ حفاظتی خصوصیات ہن، جیویں جو ایندے خودکار HTTPS کنکشن اپ گریڈ (جیڑھا Firefox extension دے ذریعے وی پیش کریندا ہے۔ )۔ Brave تے Firefox ݙوہیں صارفین کوں ہک مقامی پاس ورڈ مینیجر تے کہیں وی ویلھے اوندے حفاظتی انگ اکھر چیک کرݨ دی اہلیت پیش کریندے ہن۔ Brave جݙاں وی تساں کوئی نواں ٹیب کھولیندے ہن تاں ایندے بلاک کردہ ٹریکرز دی تعداد جیہیں انگ اکھر ݙیکھیندا ہے۔ Firefox ایں طراں دیاں معلومات ݙیکھیندا ہے جݙاں تساں اپݨی رازداری دی رپورٹ ݙیکھدے ہن جیندے تائیں ایڈریس بار وِچ شیلڈ تے کلک کرتے کہیں وی ویلھے رسائی حاصل کیتی ونڄ سڳدی ہے۔

منڈھلی ڳالھ ایہ ہے کہ بھانویں جو بنیادی توجہ ٹوکن دے نال Brave دا ریونیو ماڈل ٻہوں سارے صارفین کیتے ٻہوں پیچیدہ تھی سڳدا ہے، مجموعی طور تے ݙوہیں Brave تے Firefox براؤزرز محفوظ تے نجی براؤزنگ دے تجربے کنوں لطف اندوز تھیوݨ دے مختلف طریقے پیش کریندے ہن۔