Mozilla دا منشور ضمیمہ
صحت مند انٹرنیٹ کیتے عہد
کھلا، عالمی نیٹ سبھ توں طاقتور مواصلات تے تعاون دا وسیلہ ہے جیڑھا اساں کݙاہیں ݙٹھا ہے۔ ایہ انسانی ترقی کیتے اساݙیاں کجھ امیداں کوں مجسم کریندا ہے۔ ایہ سیکھݨ، مشترکہ انسانیت دا احساس پیدا کرݨ، تے ہر جاہ لوکاں کوں درپیش اہم مسائل کوں حل کرݨ دے نویں مواقع فراہم کریندا ہے۔
پچھلے ݙہاکے وِچ اساں ایں وعدے کوں کئی طریقیاں نال پورا تھیندا ݙٹھا ہے۔ اساں انٹرنیٹ دی طاقت کوں وی ݙٹھا ہے جیندا استعمال تفرقہ انگیزی کوں ودھاوݨ، تشدد کوں ہوا ݙیوݨ، نفرت کوں فروغ ݙیوݨ، تے ڄاݨ ٻجھ تے حقیقت تے حقیقت وِچ ہیرا پھیری کیتے کیتا ویندا ہے۔ اساں سکھیا ہے جو اساکوں انٹرنیٹ دے انسانی تجربے کیتے اپݨیاں خواہشاں کوں زیاہ واضح طور تے بیان کرݨا چاہیدا ہے۔ اساں ہݨ ایویں کریندے ہیں۔
- اساں ہک اینجھے انٹرنیٹ کیتے سرٻدھ ہیں جیندے وِچ دھرتی تے سبھے لوک شامل ہن —جتھاں کہیں ڄݨے دیاں آبادیاتی خصوصیتاں انہاں دی آن لائن رسائی، مواقع یا تجربے دے معیار دا تعین نہیں کریندیاں۔
- اساں ہک اینجھے انٹرنیٹ کیتے سرٻدھ ہیں جیڑھی مہذب گفتگو، انسانی وقار تے انفرادی اظہار کوں فروغ ݙیندا ہے۔
- اساں ہک اینجھے انٹرنیٹ کیتے سرٻدھ ہیں جیڑھا تنقیدی سوچ، معقول دلیل، مشترکہ علم، تے قابل تصدیق حقائق کوں بلند کریندا ہے۔
- اساں ہک اینجھے انٹرنیٹ کیتے سرٻدھ ہیں جیڑھا سانجھی چنڳائی کیتے رل تے کم کرݨ والیاں ونو ون بیادریاں دے وچال تعاون کوں متحرک کریندا ہے۔
ساݙے 10 اصول
-
اصول 1
انٹرنیٹ جدید زندگی دا ہک لازمی حصہ ہے — تعلیم، مواصلات، تعاون، کاروبار، تفریح تے مجموعی طور تے معاشرے وِچ ہک اہم جزو۔
-
اصول 2
انٹرنیٹ ہک عالمی عوامی وسیلہ ہے جہڑا کھلا تے پہنچ وچ رہوݨا چاہیدا ہے۔
-
اصول 3
انٹرنیٹ کوں انفرادی انسانی حیات کوں بہتر بݨاوݨاں چاہیدا ہے۔
-
اصول 4
انٹرنیٹ تے افراد دی سلامتی تے رازداری بݨیادی ہن، انہاں کوں اختیاری کائنی سمجھݨاں چاہیدا۔
-
اصول 5
افراد کوں انٹرنیٹ تے اوں تے آپݨے تجربے تشکیل کرݨ دی صلاحیت ہووݨی چاہیدی ہے۔
-
اصول 6
عوامی وسائل دے طور تے انٹرنیٹ دی تاثیر دا انحصار انڈر آپریبلٹی (پروٹوکول، ڈیٹا فارمیٹس، مواد) جدت طرازی تے دنیا بھر وِچ مرکز گریز شرکت تے ہے۔
-
اصول 7
مفت تے کھلا ماخذ سافٹ ویئڑ عوامی وسیلے دی حیثیت نال انٹرنیٹ دی ترقی کوں فروغ ݙیندن۔
-
اصول 8
برادری تے مبنی شفاف اعمال شرکت، احتساب تے اعتماد کوں فروغ ݙیندن۔
-
اصول 9
انٹرنیٹ دی ترقی وِچ تجارتی شمولیت ٻہوں سارے فائدے آنیندی ہے۔ تجارتی منفاع تے عوامی فائدے دے درمیان توازن ضروری ہے۔
-
اصول 10
انٹرنیٹ دے عوامی فائدے دے پُکھاں کوں ودھاوݨ ہک اہم مقصد ہے، جیڑھا، وقت، توجہ تے عزم دے لائق ہے۔