پی ڈی ایف ایڈیٹر Firefox نال مفت پی ڈی ایف آں وچ تبدیلی کرو
ڄیکر تُہاکوں پی ڈی ایف دستاویز وِچ شئیں رَلاوݨ دی لوڑ ہِے، ہُݨ تُساں اِیکوں Firefoxدے نال آن لائن کر سڳدے ہِیوے۔ پی ڈی ایف کوں Firefoxوِچ کھولو اَتے آپݨی دستاویز وِچ بَدلیاں کرݨ کِیتے اُتلی سَڄّی نُکّڑ وِچ متن یا ڈرا بٹݨ اُتے دباؤ۔ فائل کوں آپݨیاں بدلیاں دے نال محفوظ کرݨ کِیتے ڈاؤن لوڈ کرو۔
پرنٹنگ تے سکیننگ دے بغیر آن لائن فارم پُر کرو
اَساں ساریاں اِین٘دا سامھݨاں کِیتا ہِے: تُہاکوں ہِک اِین٘جھا فارم پُر کرݨ دی لوڑ ہِے جہڑا پی ڈٰ ایف ہووے، پَر اِیہ ترمیم دے قابل کائنی۔ پِچھوکڑ وِچ، تُہاݙا کَلّھا چوݨ اِیہ ہَئی جو اِیکوں موئے ہوئے وَݨ اُتّے چھاپو، سیاہی نال شئیں رلاؤ، اَتے وَل اِیکوں آپݨے کمپیوٹر وِچ وَلا سکین کرو۔
ٻس! ہُݨ، تُہاکوں ٻس پی ڈی ایف وِچ آن لائن ترمیم کرݨ دی لوڑ ہِے Firefoxدے نال، اِیکوں محفوظ کرو، اَتے اِیکوں آپݨے کمپیوٹر نال ای میل کرو۔
عبارت شامل کرو
پی ڈی ایف کوں Firefox وِچ کھولو۔ جین٘دے وِچ دستاویز وِچ تُساں متن رلاوݨاں چاہن٘دے ہِیوے اِیکوں چُݨن کنوں پہلاں رنگ اَتے متن دا سائز چُݨن کِیتے ٹیکسٹ بٹݨ اُتے دباؤ۔ اِیہ ایݙا سَوکھا ہِے!
ڈرائنگ شامل کرو(یا آپݨے دستخط)
پی ڈی ایف کوں Firefox وِچ کھولو۔ دستاویز اُتے ڈرا کرݨ دے قابل تِھیوݨ کنوں پہلاں رنگ، موٹائی اَتے دُھندلا پُݨاں دا چوݨ کرݨ کِیتے ڈرا آئیکن اُتے دباؤ۔ اِیہ شئیت تُہاݙے معمول دے دستخط کنوں ڈھیر کوجھا کائناں ہوسی!
آلٹ عبارت نال تصویر شامل کرو
پی ڈی ایف کوں Firefox وِچ کھولو۔ تصویر دے آئیکن اُتے دباؤ، جہڑا وَل تُہاکوں تصویر اَپ لوڈ کرݨ دا اشارہ کریسی۔ لوڑ مطابق آپݨی تصویر دے سائز اَتے جاء کوں مُرتّب کرو۔ آپݨی پی ڈی ایف کوں ٻِیا رسائی دے قابل بݨاوݨ کِیتے تصویر دی تفصیل رلاوݨ کِیتے تصویر اُتے موجود "Alt text" بٹݨ اُتے دباؤ۔
ہک ہائی لائٹ بݨاؤ
پی ڈی ایف کوں Firefox وِچ کھولو۔ اُوہ متن چُݨو جیکوں تُساں نُمایاں کرݨاں چاہن٘دے ہِیوے، وَل تُہاݙی چوݨ دے تلّے ظاہر تِھیوݨ آلے ہائی لائٹ آئیکن اُتّے دباؤ، یا سیاق و سباق دے مینیو وِچ ہائی لائٹ چوݨ لبّھݨ کِیتے سَڄّا بٹݨ دباؤ۔ پی ڈی ایف دے سیکشنز کوں فری ہینڈ ہائی لائٹ کرݨ کِیتے اُتّے سَڄّے پاسے آئیکن اُتے دباؤ۔
