Linux er gratis, open kjeldekode og kan tilpassast, men det er ikkje immunt mot sikkerheitsproblem og personvern på nettet. Akkurat som brukarar av andre operativsystem, møter Linux-brukarar sensur, overvaking og hacking.
Kva er Mozilla VPN?
Mozilla VPN er ei teneste for virtuelle private nettverk som brukar open kjeldekode og toppmoderne kryptering, og som verken loggar, sporar eller deler nokon av nettverksaktivitetane dine. Den lèt deg kople til over 500 serverar i over 30 land.
Kvifor velje Mozilla VPN for Linux?
- Rask og påliteleg: Mozilla VPN brukar WireGuard®-protokollen, som gir betre yting og stabilitet enn andre VPN-protokollar.
- Ingen loggar: Mozilla VPN lagrar ingen loggar over nettverksaktiviteten din. Vi registrerer ikkje kva nettstadar du besøkjer, og vi inspiserer heller ikkje trafikken din.
- Ytterlegare tryggingsfunksjonar: Vi brukar DNS-blokkering for å blokkere annonsar, sporarar og skadeleg programvare. Ein nettlesar kan berre forhindre at nettstadar gir deg skadeleg programvare og sporar deg.
- Kryptering på einingsnivå: I motsetning til VPN som berre krypterer nettlesartrafikken din, krypterer Mozilla VPN all trafikk på eininga di, inkludert alle applikasjonar og spel.
- Ruting via fleire nodar: For ekstra vern kan Mozilla VPN kryptere trafikken din og sende han gjennom to stadar i staden for eitt, noko som gjer det vanskelegare for nokon å spore nettrafikken din.
- Enkelt og intuitivt grensesnitt: Kople til ein server med eitt klikk. Du kan også tilpasse innstillingar og preferansar etter behov.
- Det bidreg til å gjenopprette nettnøytralitet: Mozilla VPN hjelper deg med å ta tilbake kontrollen over nettaktivitetane dine ved å forhindre at internettleverandørar avgrensar bandbreidda di, eller blokkerer nettstadar eller tenester dei ikkje liker, eller som konkurrerer med deira eigne tilbod.
- GUI-klient:Mozilla VPN har ein GUI-klient (grafisk brukargrensesnitt), medan nokre VPN-leverandørar berre tilbyr ein CLI-versjon (kommandolinje).
Ved å bruke Mozilla VPN kan du ta tilbake kontrollen over nettaktivitetane dine og ta vare på personvernet og dataa dine. Last ned Mozilla VPN i dag og nyt ein 30-dagars pengane-tilbake-garanti utan loggar, problem og risiko.
Korleis installere Mozilla VPN på Linux
Om du brukar ei av dei støtta Ubuntu-utgivingane, finst det to måtar å installere offisielle mozillavpn-pakkar som ligg på Launchpad:
- Ubuntu-kommandolinjemodus: For detaljerte instruksjonar om korleis du installerer Mozilla VPN ved hjelp av kommandolinjemodusverktøy, sjå Slik installerer du Mozilla VPN på ei Linux-datamaskin.
- Grafisk brukargrensesnitt for Ubuntu: Gå til denne artikkelen og følg instruksjonane i delen Leggje til personlege pakkearkiv.
I tillegg, for Linux-distribusjonar som ikkje blir støtta, kan du hente og kompilere kjeldekoden frå det offisielle GitHub-repositoriet.