სახლში იმყოფებით, სამსახურში თუ რამე სასაცილო სახელს იგონებთ ყავის შეკვეთისას მოლარესთან, თქვენი ინტერნეტუსაფრთხოების დაცვა უმთავრესია Mozilla-სთვის. გონიერი ტექნოლოგიების მრავალი ნაწარმის მსგავსად, Android-მოწყობილობებსაც გააჩნია უსაფრთხოების ჩაშენებული საშუალებები, რომლებიც გიცავთ. VPN Android-ზე Mozilla-სგან კი დაგეხმარებათ უსაფრთხოების კიდევ უფრო მაღალ დონეზე აყვანაში თითის ერთი შეხებით.
სწრაფი და დაცული WireGuard VPN-ოქმის მეშვეობით, ჩვენს VPN-ს შეუძლია თქვენს მოწყობილობასა და VPN-ქსელს შორის მიმოცვლილი მონაცემების დაშიფვრა. შედეგად, ვებსივრცეში თქვენ მიერ გაგზავნილი და მიღებული მონაცემები იქნება დაცული, სადაც არ უნდა იმყოფებოდეთ. ეს ჰგავს თავსახურს, რომელიც იცავს თქვენს თაფლიან მწვანე ჩაის მაგიდის ირგვლივ მობზუილე მწერებისგან.
როგორ იცავს VPN ჩემს Android მოწყობილობას?
VPN დაგეხმარებათ თავიდან აიცილოთ:
- ინტერნეტში თქვენი საქმიანობის შესახებ ინფორმაციის გამჟღავნება და შემდეგ გაყიდვა ან სარეკლამოებისთვის გაზიარება.
- ვიდეოს დაბალი ხარისხი თქვენი ინტერნეტმომსახურების მომწოდებლისგან (ISP) შემცირებული და შეზღუდული გამტარუნარიანობის გამო
- თქვენი პირადი მონაცემების ხელყოფა საჯარო WiFi-ქსელით სარგებლობისას.
რატომ უნდა გადმოვწერო Mozilla VPN Android-ზე?
- იმოგზაურეთ ინტერნეტში ადგილმდებარეობის გამხელის გარეშე.
- მეტად თავდაჯერებულად გამოიყენეთ საჯარო WiFi კაფეებში, აეროპორტებში და ა. შ.
- აირიდეთ ადგილმდებარეობის საფუძველზე შემოთავაზებული მომაბეზრებელი რეკლამები.
Mozilla VPN-ის მობილური აპლიკაცია მცირე ზომისაა, ასე რომ, არ დატვირთავს მეხსიერებას ზედმეტად, არ შეანელებს ტელეფონს და არ დაცლის ბატარეას.
უფასო VPN-ისა და პროქსის საიტებისგან განსხვავებით, რომლებიც შესაძლოა, თავიანთი სერვერების საფასურს თქვენი თვალთვალითა და ინფორმაციის გაყიდვით ფარავდნენ, Mozilla არ აღრიცხავს, თუ რას ნახულობთ და რას აკეთებთ.