VPN (ვირტუალური კერძო ქსელი) აუცილებელია ინტერნეტში თქვენი პირადულობისა და უსაფრთხოებისთვის Mac-ით სარგებლობისას. ჰაკერებსა თუ ინტერნეტმომწოდებლებს საშუალება აქვთ თვალყური ადევნონ თქვენს მოქმედებებს ან ხელყონ თქვენი პირადი მონაცემები.
მიუხედავად ყველაფრისა, სათანადო VPN-ის პოვნა არაა ადვილი. ზოგიერთი მათგანი ნელია, არასაიმედოა და თქვენი საქმიანობის შესახებ აღრიცხვებსაც შეიძლება ინახავდეს. სწორედ ამიტომ შევქმენით Mozilla VPN, სწრაფი, დაცული და სანდო VPN იმ ხალხისგან, რომლებმაც დღემდე მოიყვანეს Firefox.
Mozilla VPN-ით შეგიძლიათ:
- უზრუნველყოთ პირადულობა ერთი დაწკაპებით მარტივი და მოსახერხებელი სამუშაო გარსით.
- გამოიყენოთ 5-ამდე სხვადასხვა მოწყობილობაზე ერთი ხელშეკრულებით, მხარდაჭერილია როგორც Mac, ასევე iOS, Windows, Linux და Android.
- გამოიყენოთ ჩვენი VPN შეუზღუდავად. ზოგიერთი VPN-ისგან განსხვავებით, რომელიც თვეში მხოლოდ გარკვეული მოცულობის მონაცემების უსაფრთხოებას უზრუნველყოფს, ჩვენ არ გვაქვს დადგენილი ზღვარი თქვენი ინფორმაციის მიმოცვლისთვის. არ აქვს მნიშვნელობა, რა ოდენობის მონაცემებს ცვლით, მუდამ დაცული იქნება.
- მოწყობილობის დონეზე დაშიფროთ მიმოცვლილი მონაცემები. სხვა გადაწყვეტებისგან განსხვავებით, რომლებიც მხოლოდ ბრაუზერის კავშირებს შიფრავს, Mozilla VPN სრულიად ინტერნეტკავშირს შიფრავს და გიცავთ იმისდა მიუხედავად, რა პროგრამას იყენებთ.
- არ მისცეთ ინტერნეტმომწოდებელს გამტარუნარიანობის შემცირების ან იმ ვებსაიტებისა თუ მომსახურებების შეზღუდვის საშუალება, რომლებიც მათთვის მიუღებელია ან მათსავე შემოთავაზებებს უწევს მეტოქეობას. ვრცლად შეგიძლიათ იხილოთ ქსელის მიუკერძოებლობის შესახებ.
რატომ Mozilla VPN?
Mozilla არის დაწესებულება, რომელიც მუშაობს ინტერნეტის გახსნილობისა და საყოველთაო ხელმისაწვდომობის შენარჩუნებისთვის, ჩვენი ფინანსური მხარდამჭერი კი არამომგებიანი ორგანიზაციაა. როდესაც იყენებთ Mozilla VPN-ს, თქვენ არა მხოლოდ იცავთ საკუთარ თავს ინტერნეტში, არამედ ხელს უწყობთ Mozilla-ს მიზნების მიღწევასაც. Mozilla VPN დაცული, ღია წყაროს მქონეა და იგი შექმნილია უსაფრთხოების ექსპერტებისა და Firefox-ის შემქმნელების მიერ.
Mozilla არ აღრიცხავს, რომელ საიტებს ეწვევით და არ იკვლევს თქვენი კავშირის საშუალებებს. ჩვენ ასევე გვაქვს 30-დღიანი თანხის დაბრუნების შესაძლებლობა: არავითარი უსიამოვნება, არავითარი საფრთხე.