Сем лепшых браўзераў у прамым параўнанні

Добры інтэрнэт-браўзер павінен мець неабходную вам функцыянальнасць, даступнасць на розных прыладах і прыватнасць, якую вы заслугоўваеце.

Паколькі ваш браўзер - гэта шлюз да Інтэрнэту, хуткасць, бяспека, прыватнасць і зручнасць маюць першараднае значэнне. У апошнія гады Google Chrome стаў выбарам для многіх. Але ў той час, калі онлайн-рэклама, здаецца, ідзе за намі паўсюль, а ўцечкі дадзеных з'яўляюцца ў загалоўках навін, шмат людзей пачынае патрабаваць большай прыватнасці і павагі ад свайго браўзера.

Такім чынам, ці ваш браўзер лепшы для ўсяго, што вы робіце ў Інтэрнэце? Правільны браўзер можа змяніць успрыманне таго, як вы карыстаецеся Інтэрнэтам. Такім чынам, без дадатковых словаў, давайце параўнаем Google Chrome, Firefox, Safari, Opera, Brave, Microsoft Internet Explorer і Edge — і паглядзім, які найлепш адпавядае вашым патрэбам.

Бяспека і прыватнасць

Які браўзэр найлепш дбае пра вашу прыватнасць?

Бяспека і прыватнасць
Рэжым прыватнага аглядання
Тыпова блакуе трэцебаковыя кукі сачэння
Блакуе крыптамайнінгавыя скрыпты
Блакуе трэкеры сацыяльных сетак

Разумна чакаць высокага ўзроўню абароны дадзеных і прыватнасці ад прадуктаў, якія мы рэгулярна выкарыстоўваем у Інтэрнэце. Як мінімум, браўзер павінен прапанаваць магчымасць “рэжыму прыватнага аглядання”, які аўтаматычна выдаляе вашу гісторыю прагляду і пошуку, каб іншыя карыстальнікі на тым жа камп'ютары не маглі атрымаць доступ да яе. У гэтай вобласці ўсе шэсць параўнаных браўзераў аднолькавыя.

Тое, што вы робіце ў Інтэрнэце, не павінна кранаць нікога, апроч вас.

Яшчэ адна асаблівасць браўзера, якую варта ўлічваць — гэта магчымасць забараніць вэб-сайтам і кампаніям асочваць вашы дадзеныя аглядання і пакупак — нават у звычайным рэжыме аглядання.

Выкарыстанне браўзера, які блакуе трэкеры трэцяга боку, не толькі важна для прыватнасці — звычайна гэта азначае, што ён і працуе значна хутчэй. Большасць трэкераў — гэта проста скрыпты, якія працуюць у фонавым рэжыме на шэрагу вэб-сайтаў. Вы не можаце бачыць іх, але вы можаце адчуць, як яны запавольваюць ваш браўзер. Пачынаючы з версіі 67, Firefox таксама блакуе лічбавыя адбіткі і крыптамайнеры. Калі вы не знаёмыя з крыптамайнерамі, вось прыклад таго, як яны могуць паўплываць на вас: магчыма, вы заўважалі, што ваш камп'ютар раптам награваецца, альбо акумулятар разраджаецца хутчэй, чым звычайна. Гэта часты пабочны прадукт крыптамайнераў, якія прабраліся на вашу прыладу.

Зручнасць

Што ваш браўзер зрабіў для вас у апошні час?

Зручнасць
Блакаванне аўтапрайгравання
Падтрымка картак
Менеджар закладак
Аўтаматычнае запаўненне форм
Налады пошукавых сістэм
Тэкст у маўленне
Рэжым чытання
Праверка арфаграфіі
Вэб-пашырэнні/дадаткі
Убудаваны інструмент для здымкаў экрана

Акрамя абароны прыватнасці, якая ў значнай ступені праходзіць на фоне браўзера, ключавымі кампанентамі добра зробленага браўзера з'яўляюцца актуальны карыстальніцкі інтэрфейс і функцыянальнасць. Амаль усе сем браўзераў роўныя, калі гаворка ідзе пра падтрымку картак, кіраванне закладкамі, аўтаматычнае дапаўненне, арфаграфію і пашырэнні. Firefox, Edge і Opera таксама прапануюць функцыю хуткага здымка экрана, якая аказваецца вельмі зручнай, і безумоўна тым, недахоп чаго вы заўважыце пры пераходзе на браўзер без яе.

Пераноснасць

Наколькі добра працуе ваш браўзер на вашых прыладах?

Пераноснасць
Даступнасць для АС
Даступнасць для мабільных АС
Сінхранізацыя з мабільным
Кіраванне паролямі
Галоўны пароль

Першае, што трэба адзначыць пра пераноснасць, — гэта тое, што не ўсе браўзеры працуюць на ўсіх аперацыйных сістэмах. У той час як Firefox, Chrome, Edge, Brave і Opera працуюць на ўсіх асноўных сістэмах і іх лёгка ўсталяваць, Internet Explorer і Safari працуюць толькі ў сістэмах Microsoft і Apple. Мабільная версія Safari загадзя ўсталявана на мабільных прыладах Apple, а большасць прылад Android пастаўляюцца з папярэдне ўсталяваным браўзерам, змененым вытворцам прылады. Firefox, Chrome, Brave, Edge і Opera лёгка могуць быць усталяваны і нават выкарыстаны поруч.

Практычна ўсе браўзеры, параўнаныя тут, дазваляюць сінхранізацыю паміж камп'ютарам і мабільнай прыладай. Для гэтага вам спатрэбіцца ўліковы запіс, які вы можаце выкарыстоўваць для ўваходу ў браўзер на ўсіх прыладах і для сінхранізацыі такіх рэчаў, як паролі, гісторыя аглядання, закладкі і налады.

Выснова:

І пераможца - гэта…

Зыходзячы з крытэрыяў, якія мы акрэслілі — прыватнасць, зручнасць і пераноснасць — ёсць толькі адзін браўзер, які трымае марку, і гэта Firefox. Сапраўдная яго асаблівасць — не ў функцыянальнасці, а ў прыватнасці. Firefox — самы прыватны браўзер, які не замыкае вас у экасістэме. Выкарыстоўвайце яго ў любой аперацыйнай сістэме, на ўсіх сваіх прыладах і адчувайце сябе ў бяспецы пры гэтым.

Браўзеры прайшлі доўгі шлях з моманту, калі Chrome быў прадстаўлены і ўзяў долю рынку. Большасць сучасных браўзераў закрылі разрыў у пераноснасці і функцыянальнасці, а ў некаторых галінах, напрыклад, па хуткасці і прыватнасці, фактычна пераўзышлі Chrome. Тым не менш, вызначэнне таго, які браўзер падыходзіць для вас, заўсёды будзе залежыць ад вашых індывідуальных патрэб і ад таго, што вы цэніце больш за ўсё пры навігацыі ў Інтэрнэце.

Прыведзеныя тут параўнанні былі зроблены з прадвызначанымі наладамі ў наступных версіях браўзераў:
Firefox (81) | Chrome (85) | Edge (85) | Safari (14) | Opera (67) | Internet Explorer (11) | Brave (1.14.81)
Гэтая старонка абнаўляецца двойчы на квартал, каб улічваць апошнія версіі, і можа не заўсёды адлюстроўваць апошнія абнаўленні.

Firefox падтрымліваецца некамерцыйнай арганізацыяй Mozilla.

Firefox ставіць вашу прыватнасць на першае месца — ва ўсім, што мы робім. Мы лічым, што вы маеце права самастойна вырашаць, якім чынам і з кім вы будзеце дзяліцца вашай асабістай інфармацыяй. Firefox збірае як мага менш дадзеных і ніколі не прадае іх. Нешматлікія звесткі, якія мы збіраем, выкарыстоўваюцца толькі для паляпшэння прадуктаў і функцый. Ніякіх сакрэтаў. Але шмат празрыстасці і сапраўднай прыватнасці.

Сцягнуць Firefox — Беларуская