Deg 2008, Google iger-d Chrome, ayen i d-yeglan s waṭas deg usnulfu deg tetiknulujit n yiminig. Yella d arurad deg usali n yismal, yettwai drus n umkan daɣen yettmuddu-d agrudem n useqdac ur ǧǧin yella d afessas uqbel.
Ar tura, ibeddel wudem n temsizzelt gar yiminigen, ddeqs n yimdanen bdan steqsayen ɣef wayen i iḍerrun d yisefka-nsen deg uzeṭṭa am umazray n tunigin, awalen uffiren akked telɣa-nniḍen tibaḍniyin. Aṭas i ibeddlen seg 2008 mi d-ikcem Chrome ɣer wannar. Deg Firefox, nella iqeṛṛa d akessar, nxeddem akken ad nales afeṣṣel i ugrudem-nneɣ daɣen akken ad d-nmudd i yiseqdacen amḍan meqqren n usnerni deg tbaḍnit akked temlellit yellan d iwurmanen s wudem amezwer akked waṭas n yifecka n yiminig ilaqen.
Aql-aɣ da, ṭṭrad n yiminigen yuɣal-d daɣen yettali, d lawan n wallus n uktazal d userwes gar Firefox Browser d Google Chrome.
Taɣellist d Tabaḍnit
| Taɣellist d tbaḍnit |  |
 |
|---|---|---|
| Askar n tunigin tusligt |  |
|
| Issewḥal inagan n tuqqna n uḍfar n uḥric wis kraḍ s wudem amezwer | |
 |
| Issewḥal isekripten n uwgelhan | |
|
| Issewḥal ineḍfaren n yiẓeḍwa inmettiyen | |
|
Di Firefox, nesɛa amḍan d amqqeran n iseqdacen iḥemmlen ayen nxeddem ɣef usnerni n tbaḍnit srid. Amedya, lqem aneggaru n Firefox yegber tamahilt s yisem n Ammesten mgal aḍfaṛ yettwaseǧehden (ETP), yermed s wudem amezwer i akk iseqdacen deg umaḍal. ETP yessewḥal ugar n 2,000 ineḍfaren, ula d ineḍfaṛen n iẓeḍwa imettanen am Facebook, Twitter, akked LinkedIn. Yesɛa daɣen tamahilt tusliɣt s yisem Firefox Monitor ara k-id issawḍen isalli s wudem awurman ma yella awal-ik uffir tḥuza-t trewla n yisefka neɣ ma yesra ad yettusnifel. Rnu ɣer ummesten-agi, Askar n tunigin tusligt n Firefox ad yekkes s wudem awurman talɣut-ik n tunigin am umazray akked inagan n tuqqna, ur d-ittaǧa tigert si lǧeṛṛa-k mi tfukeḍ tiɣimit-ik.
Nwekked-d melmi kan tuṭṭfa-nneɣ deg tbaḍnit akked tefrawant deg wayen yerzan isefka n useqdac deg ulɣu amaynut n tbaḍnit i d-yeqqaren “Deg Mozilla, numen belli tabaḍnit d tagejdant i internet adawsan.”
Google Chrome d iminig aɣelsan s yimiḍanen akk, s tmahilin am tunigin tiɣelsanin n Google, tid i yettɛawanen deg ummesten n yiseqdacen s uskan n ulɣu i d-yeqqaren d awezɣi ad t-tzegleḍ mi ara ttinigen deg yismal imihanen neɣ deg usader n yifuyla imihanen.
Ɣer tidet, Chrome d Firefox sɛant i sin taɣellist iǧehden. I sin ɣur-sen taɣawsa isem-is “amsersu” i iferrqen ikalan n yiminig akken yir ismal web ur tḥazen ara iḥricen n uselkim-ik n ufus neɣ ibenk-nniḍen.
Ɣas akken Chrome ibeggen-d iman-is d iminig Web yettwaḍemnen, amagrad-ines n tbaḍnit yella fell-as wawal. Tidet kan, Google ileqqeḍ-d amur meqqren isetqelliqen n yisefka n yiseqdac-ines, rnu ula d adeg, amazray n unadi d tirza ɣer yismal. Google yeqqar ɣef ulqaḍ-agi n yisefka ixeddem-itt akken ad yesnerni tanfiwin-ines – am wakken ara ad ak-d-nefk tallalt ad tafeḍ atriku neɣ lqehwa am win i d-tuɣeḍ yakan neɣ terziḍ ɣur-s uqbel. Ɣas akken, llan wid yellan mgal, ayen i d-isebganen belli Google ileqqeḍ amur meqqren n yisefka i yiswan-ines n tesnulzuzt. Qqaren-d belli ḥerrzen talɣut-inek tusligt ɣef yimakaren, maca mačči akka i yella lḥal. Google isedduy netta s timmad-is azeṭṭa n udellel meqqren deg umaḍal, tajmilt tmeqqrant ad tuɣal ɣer yisefka ara d-leqqḍen seg yiseqdacen-nsen.
Ɣer taggara, d kečč kan ara tt-igezmen deg ṛṛay ma tebɣiḍ neɣ xaṭi ad tjeṛṛdeḍ ajeṛṛid s beṭṭu n tɣawsiwin am umazray-ik n unadi d umazray-ik n lqeḍyan. Maca mayella am kečč am tugget n medden, ahat tnudaḍ deg internet ɣef kra n tɣawsiwin i tesmenyifeḍ ad qqimen d tibaḍniyin.
Tixxutert
| Tixxutert | |
|
|---|---|---|
| Asewḥel n tɣuri tawurmant | |
|
| Tunigin deg yiccaren | |
|
| Amsefrak n tecraḍ | |
|
| Yeččaray tiferkiyin s wudem awurman | |
|
| Iɣewwaṛen n umsedday n unadi | |
|
| Aḍris ɣer umeslay | |
|
| Askar n tɣuri | |
|
| Asenqed n tira | |
|
| Isiɣzaf/Izegrar Web | |
|
| Afecku n tuṭṭfa n ugdil deg yiminig | |
|
Deg wayen yerzan timahilin, s Firefox s Chrome ttaken-d i sin tamkerḍit hrawen n yisiɣzaf d yizegrar, akaram n Chrome i yugaren akk iminigen-nniḍen, yetteddu akken iwata akked yimeẓla-nniḍen n Google am Gmail d yisemliyen Google.
Ulamma ur hraw ara am temkerḍit n yisiɣzaf n Chrome, Firefox, am useɣẓan n uɣbalu yeldin s umḍan ameqqran n yiwiziwen urmiden, yessumur-d amḍan ur nettwaman ara n yisiɣzaf ixataren.
Firefox ɣur-s daɣen tamahilt iwakken ad teẓreḍ accaren-ik ineggura d wid yeldin, amazray n yinig d tecraḍ deg yibenkan-ik akk.
Ma yella Chrome tettunefk-as tegnit d yizegrar akked yiseɣzaf, Firefox yesɛa taggayt yemmestnen akken ilaq n tmahilin yettwaselɣen, am ufecku n tuṭṭfa n ugdil yesɛan azal d ameqqran, d ufecku n uskar n tɣuri i tekksen ayen akk yellan deg usebter slid aḍris n umagrad ara teqqareḍ.
Ma yella aqettun n waccaren i tesεiḍ ldin, ayagi ad yuɣal ɣer lebɣi-inek/inem deg useqdec n ugrudem. Firefox isumer-d adrurem adlawan ɣef waccaren-ik akk yeldin anawlu afnaẓ-nsent yal tikkelt mi ara tebɣuḍ ad telliḍ amaynut. Google Chrome yesmenyaf ad ten-yefneẓ akk ala iccer asnaraf ara d-ibanen. Ugur yellan akked waya mi ara tesɛuḍ aṭas n waccaren yeldin seg yiwen n usmel web, ad tettwaliḍ ala asnaraf-nni kan.
Ma yella d aggan, wid i aɣ-iṭṭafaren ad ak-inin yiwet si tɣawsiwin i ḥemmlen aṭas yeɛnan iminig-nneɣ d tazmert-ines ad ak-yeǧǧ ad tesnekzeḍ akked tṣeggmeḍ amur ameqqran n yiferdisen n ugrudem aseqdac akken tesriḍ. Chrome ad ak-yeǧǧ ad teffreḍ kra n yiferdisen n ugrudem aseqdac, maca ulac aṭas n usireg, ma yella d asenkez n tɣawsiwin almend n yismenyifen-inek. Acu kan, yewwi-d ad d-nini belli Chrome d Firefox ssishilen asnifel n urwes d usentel n yiminig-inek.
Aɛebbi
| Aɛebbi | |
|
|---|---|---|
| Tilin n unagraw n wammud | |
|
| Tilin n unagraw n wammud n uziraz | |
|
| Mtawi akked uziraz | |
|
| Asefrek n wawal uffir | |
|
| Awal uffir agejdan | |
|
Fiḥel ma nenna-d dakken ileqman n Firefox d Chrome llan i yinagrawen n wammud n tnarit d uriraz i yettwassen (Windows, macOS, Linux, Android, iOS).
Chrome d Firefox daɣen ad ak-ǧǧen ad temtawiḍ iferdisen am wawalen uffiren, ticraḍ n yisebter d waccaren yeldin ɣef yakk ibenkan-inek. Firefox ɣur-s taɣellist-nniḍen n wawal uffir agejdan ara yeǧǧen inekcam d wawalen uffiren yettwaskelsen ddaw taggayt-nniḍen n usekkeṛ d tsarut. Ma yella tesɛiḍ amiḍan deg taɣellisFirefox, tzemreḍ ad tazneḍ s ufus iccer yeldin ɣer uniraw-inek n yibenk-ik aziraz neɣ seg yibenk aziraz ɣer uniraw. Ayagi iteddu s wudem awuram akked Chrome ma yella tferneḍ lqem-a deg yismenyifen-inek. Ulac tuzzna s ufus seg yibenk ɣer wayeḍ, tetteddu kan ma yili yella wayen i tebɣiḍ ad t-txedmeḍ am ukemmel n tɣuri n umagrad i mazal urɛad tekfiḍ. Maca yezmer ad yili umtawi s wudem awurman ur yelhi ara ma yella aṭas n yiseqdac ttinigen mi ara qqnen ɣer umiḍan-inek n Google.
Aktazal amatu
Akka nettwali d tidet ma nenna-d Firefox d Chrome msawan idis ɣer yidis deg tewtilin n uɛebbi d tnafa, Chrome yesɛa abaɣur fessusen deg tnafa s ssebba n tkarḍa-ines tameqqrant n yiseɣzan d tmahilin n yizegrar. Maca tawtilt n tbaḍnit, Firefox iɛedd-t s tεessast-nneɣ ɣef uḥraz n yisefka deg uskar uqqin n yiseqdacen-nneɣ akked umuddu n yimeẓla ilelliyen usliɣen am yimsefrak n wawal uffir ara ak-d-iɛeggnen mi ara tili tkerḍa n yisefka ideg ddant talɣutin-inek n tbaḍnit.
I yiswan n uxeddim, ur ak-yekkis waccema ad tesqedceḍ isin n yiminigen—Firefox i ma yili tudert tusligt d nettat i yezwaren, ma d Chrome ma yili mazal-ik txeddmeḍ deg unagraw n umεiwn Google. Maca, s umḍan igemmen n yiwellihen deg yisefka-nneɣ udmawanen, Firefox d netta kan i d ufrin igerrzen i lebda i wid akka am nekkni i yettḥadaren tudert-nsen tusligt deg internet.
Iserwas i yettwagen da, mmugen am wid yettwagen akked yiɣewwaren imezwer d yileqman n tuffɣa n yiminigen akka:
Firefox (81) |
Chrome (85)
Asebter-a yettwaleqqam yal tlata wagguren akken ad d-iban deg yileqman ineggura, akken yezmer daɣen ur d-ttbanen ara yileqman ineggura.