Amsewḥel n udellel – abeckiḍ uffir mgal adellel yeɛekkumen.

Ddeqs n udellel, ihi drus n ṣṣbeṛ… D lawan ad teḥbes tidderwect-a.

Amdan n menwala yettwali azal n 4,000 n udellel deg wass. Ma tɣileḍ ddeqs, amsewḥel n udellel ad yuɣal d ameddakel-ik amaynut.

Amsewḥel n udellel d aseɣzan i izemren ad yettwaseqdec i usewḥel n udellel, daɣen iteddu s nat n tarrayin. Tamezwarut d asewḥel n telɣut n uqeddac aberraḥ akken adellel ur itezzi ara ad iban ɣef usebter-ik. Tis snat d asewḥel n tnegzumin n usmel web i izemren ad ilint d adellel.

Adellel-a izmer ad yili d tividyutin iẓeddmen, d adellel izemren ad k-yedfeṛ deg Web, d ineḍfaṛen, d inagan n tuqqna, atg. Akken ad tesqedceḍ imsewḥalen n udellel, tzemreḍ ad tnadiḍ izegrar yellan deg yiminig-nneɣ. Firefox, d amedya kan, yesɛa tabdart-a n yizegrar n usewḥel yettwaqeblen. Sit ɣef tebdart-a (neɣ ɣef imsewḥalen n udellel yettwaqeblen i yiminig-ik) daɣen wali anwa i icudden ɣer wayen teḥwaǧeḍ.

Af amsewḥel n udellel i k-m-iwulmen

Yella AdBlocker Ultimate ara ak-yekksen akk adellel, Maca ẓeṛ d akken kra n yiɣmisen akked tesɣunin tḥemmleḍ senden ɣef udellel. Ddeqs n yimdanen i yessewḥalen adellel-nsen, izmer ad d-yeglu s lexṣara-nsen.

Isfuyla nudelllel udhimen weɛren. Sewḥel-iten s Popup Blocker akken ur ǧin ad teǧǧeḍ ad ak-d-banen tikkelt-nniḍen.

AdBlock d yiwen seg imsewḥal n udellel i yettwassnen deg Chrome, Safari akked Firefox. Seqdec-it akken ad tesweḥleḍ adellel deg Facebook, YouTube akked Hulu.

Rnu amḍiq i tunigin war aḍfaṛ s usewḥel n ugbur

Deg Firefox, tzemreḍ ad tṣeggmeḍ iɣewwaren n Tbaḍniḍ neɣ Asewḥel n ugbur akked ad tesɛuḍ afus ɣef yineḍfaren i yettaznen adellel.

Fren aswir n taɣellist

Akken ad tebduḍ, sit ɣef umuɣ Firefox ukessawen s ayeffus n usfaylu n yinimig. D kraḍ n yizirigen iglawanen wa ɣef wa. Deg umuɣ adruram, sit ɣef Asewḥel n ugbur. Ilaq ad twaliḍ asfaylu udhim amidadi s ddeqs n yisumar n ufran.

Ddu s wudem fessusen ɣer uskar n tizeɣt

Ma yella iberriḥen ur tt-ṭuṛṛun ara daɣen ma yella ineḍfaṛen akked inagan n tuqqna ur sluɣuyen ara lxaṭer, aɣewwaṛ amezwer yessek ad k-iqadd. Akken ad tekkseḍ ineḍfaṛen deg uskar amezwer, seqdec asfaylu Tunigin tusligt.

Sali taɣect-ik s uskar uǧhid

Ma yella ddeqs n udellel yessexseṛ ass-ik, aska uǧhid ilaq-ak. Askar-a ad isewḥel ineḍfaṛen yettwassnen akked inagan n tuqqna deg yisfuyla meṛṛa n Firefox.

Xdem-it s timmad-ik/m askar n usigen

Iɣewwaren udmawanen ad ak-mudden afran unnig. Ad tiemireḍ ad tt-tgezmeḍ di ṛṛay ɣef wayen ara tesweḥleḍ deg yineḍfaṛen, inagan n tuqqna d wayen-nniḍen. Ma tserḥeḍ inagan n tuqqna n usmel web, ad tuɣaleḍ s wudem awurman ɣer uskar udmawan.

Ur ttaǧǧa ara lǧerrat, sewḥel ineḍfaṛen

Tekki ɣef tnaka n yineḍfaṛen akked ad tizmireḍ ad tesweḥleḍ ineḍfaṛen s snat n tarrayin. Yiwen n ubrid i usewḥel n yineḍfaren ad yettwag ticki txeddmeḍ deg usfaylu uslig. Abrid-nniḍen d asewḥel n yineḍfaṛen deg yisfuyla meṛṛa. Err deg uqerru-k d akken ma tferneḍ dima asewḥel n yineḍfaṛen, kra n yisebtar zemren ur d-ttalin ara akken iwata.

Awi taleqqimt beṛṛa n yinagan n tuqqna

Inagan n tuqqna ttaznen-ten yismal web aniɣer i trezzuḍ. Ttidiren deg uselkim-ik daɣen ttɛassan ayen i txeddmeḍ deg yismal. Ticki takebbanit tessuli ssuma-is acku telliḍ tettwaliḍ ibiyiten n temesrifegt ass-nni, d wagi i d axeddim n yinagan n tuqqna.

Deg Firefox, tzemreḍ ad tesweḥleḍ meṛṛa inagan n tuqqna neɣ wid i xedmen yimakaren. Ḥader iman-ik seg usewḥel n yinagan n tuqqna i izemren ad ṛzen kra n yismal.

Azen izen Ur yiṭṭafaṛ ara

Ma yella ur tebɣiḍ ara yir tikli srid i yettwaseqdacen i udellel, tzemreḍ ad tazneḍ i yismal tabrat tuḥdiqt “tanemmirt maca ulac tanemmirt” s usefqed n uɣewwar n Firefox Ur yi-ṭṭafaṛ ara. Attekki s lebɣi-ik, maca ismal web ara ttekkin ad ḥebsen aḍfaṛ-ik imiren kan.

Tunigin s zreb s useqdec n yimsewḥal n udellel

Tikwal, amseḥel n udellel yezmer ad imudd tallelt i yiminig-ik akken ad yeddu s zreb. Ticki yettali-d udellel, yezmer ad yerr asmel ẓẓay. Ihi, ad yawi ugar n wagud akken ad d-yaf ayen i tettnadiḍ ladɣa ma tceɣleḍ deg umdal n udellel-nniden.

Ma tebɣiḍ ad tissineḍ ugar ɣef yisewḥal n udellel, llan imeyyaten n yisiɣzaf i Firefox akked yiminigen-nniden. Ma tebɣid ad tɛerḍeḍ imsewḥal i yesseqdac Firefox, Sit dagi i usader n yiminig i zeggiren tabadnit.