Aserwes Firefox Browser wd Microsoft Edge

Akked Windows10, Microsoft yessenked-d iminig-is Edge akken ad yemyezwar akked Firefox d Chrome s usbeddi-ines seg tazwara d iminig amezwer deg yimelyan n PCs yettwasenzen. Ɣas akken, iseqdacen ur uzzilen ara ad t-sqedcen, ɣer taggara, iberreḥ-d Microsoft s lebɣi-s ad iɛawed aserreḥ n Edge am yiminig i yebnan ɣef Chromium (Chromium d asenfar n uɣbalu yeldin n Google)

Dagi ad nserwes iminig-nneɣ Firefox Browser d Chromium-yebnan ɣef Microsoft Edge deg wayen yerzan tabaḍnit, tixxutert d uɛebbi akken ad ak-nɛiwen ad tegzuḍ akken iwata anwa iminig i ilaqen i wayen tesriḍ d yismenyifen-ik.

Taɣellist d Tabaḍnit

Taɣellist d tbaḍnit Firefox Edge
Askar n tunigin tusligt Ih Ih
Issewḥal inagan n tuqqna n uḍfar n wis kraḍ Ih Ih
Issewḥal isekripten n uwgelhan Ih Ih
Issewḥal ineḍfaren n yiẓeḍwa inmettiyen Ih Ih

Edge yettwarna ɣer tɣerɣert n Windows 10 yerna itteddu deg twennaḍt n usersu, anamek-is iferreq ahilen yerna yessewḥal yir ahilen ad xeẓren deg uselkim-ik. Deg-s SmartScreen i yettnadin tisellit n yismal yerna issewḥal ismal ideg yella ccekk. I usnerni n tbaḍnit, Edge ad k-isireg ad tesqedceḍ tabyumitrit neɣ PIN s Windows Hello deg wadeg n wawal uffir i usesteb srid.

Deg Firefox, nettzuxxu aṭas s ummesten n tɣellist d tudert tabaḍnit n yiseqdacen-nneɣ. Tasertit-nneɣ n tbaḍnit d tafrawant rnu s tutlayt fessusen. Nexdem ayen akk yellan fell-aɣ akken ad neḍmmen tefses d sshala i tɣuri-ines. S ummesten yettwaseǧhaden mgal aḍfar s wudem amezwer, nessewḥal s wudem awurman ugar n 2000+ n yineḍfaren. Ineḍfaren d iferdisen-nni imecṭaḥ n tengalt yettaɛraḍen ad d-leqḍen ayen akk i txeddmeḍ ɣef yismal n Internt yemgaraden akken ad d-suffɣen tugna yeddsen s ttfaṣil fell-ak, ayen yettarran tudert-inek tusligt deg wugur ayagi akk akken ad ssiwḍen ɣer udellel ifazen.

Ad ak-d-yessken ummesten n tbaḍnit ineḍfaren d yinagan n tuqqna i ɛerḍen yisebtar ad ǧǧen, akked wacḥal i yessewḥel Firefox ɣef lǧal-ik.

Deg Firefox, askar uslig n tunigin iseffeḍ s wudem awurman tilɣa n tunigin-ik am wawalen uffiren, inagan n tuqqna d umazray, ur d-ittaǧǧa ula d lǧerra seld ad tmedleḍ tiɣimit. Edge deg tama-nniḍen, yesseklas amazray n tunigin deg uskar-is uslig (isem-is “InPrivate”) d tawuri fessusen i yiwen ad d-iɛawed lebni n umazray ummid n tunigin-ik, ɣas tunigin-ik mmugent s uskar amagnu neɣ s uskar InPrivate.

Iminigen i sin meḥsub mgadan deg wayen yerzan awgelhen n yisefka. D acu kan, mayella tabaḍnit d tefrawant deg uẓeṭṭa sɛant azal ɣur-k, ihi iban d Firefox i d afran igerrzen da.

Sader Firefox Browser

Tixxutert

Tixxutert Firefox Edge
Asewḥel n tɣuri tawurmant Ih Uhu
Tunigin deg yiccaren Ih Ih
Amsefrak n tecraḍ Ih Ih
Yeččaray tiferkiyin s wudem awurman Ih Ih
Iɣewwaṛen n umsedday n unadi Ih Ih
Aḍris ɣer umeslay Ih Ih
Askar n tɣuri Ih Ih
Asenqed n tira Ih Ih
Isiɣzaf/Izegrar Web Ih Ih
Afecku n tuṭṭfa n ugdil deg yiminig Ih Uhu

Firefox d iminig arurad yerna n uɣbalu yeldin, anamek-is iseqdacen zemren ad sagnen tarmit-nsen n tunigin akken bɣan. Firefox ad isireg i useqdac ur nezgi ara ad isagen agrudem n useqdac s usnes n yisental yemgaraden d tawila n ufeggag n yifecka. Imi iminig-nneɣ seg wasmi yella n uɣbalu yeldin nesɛa amḍan meqqren aṭas n yineflayen yettmuddun afud, rnan-d tamkerḍit hrawen n yizegrar d yiseɣzaf n yiminig.

Seg wasmi i yekcem Edge ɣer tenɣubliḍt n Chromium s usekkar ussid, ilaq ad teḥṣum ad yeṭṭef akud deg ummsten, aṭas aṭas ma yella ddeqs n wahilen ara yettummestanen ɣef tikkelt. Acu kan, s tenɣubliḍt n Chromium ad d-tili tkarḍa meqqren aṭas n yisiɣzen akked uswir iwatan i waggan n ugrudem n useqdac ur yesɛi ara Edge uqbel ad yekcem ɣer Chromium.

Edge ɣur-s timahilin i inefεen aṭas i ugrudem n useqdac, am teskant n waccaren-nsent i izemren ad sishilent tawaledyawt n waccaren ilaqen ma yella aṭas i teldiḍ. Tamahilnt-nniḍen s wazal-is ad ak-teǧǧ ad terreḍ di rrif accaren ur tseqdaceḍ ara maca ur tebɣiḍ ara ad ten-tmedleḍ.

Firefox isumer-d agrudem s udrurem n waccaren, ara iḥerzen talɣut ɣef waccaren i d-ibanen, yessezray-iten-id s udrurem aglawan deg umḍiq n usemẓi-nsen almend n teɣzi n favicon. Daɣen yal mi ara teldiḍ iccer amaynut, tamahilt-nneɣ href="/kab/firefox/pocket/" data-cta-type="link" data-cta-name="Pocket feature"Pocket tsumer-ak-d imagraden ugbur yesεan azal meqqren. Daɣen akked Pocket, tzemreḍ ad teskelseḍ imagraden, tibidyutin, d igburen-nniḍen s yiwen n usiti, akken ad ten-teɣreḍ mbeεd.

Firefox d Edge i sin yid-sen ttaken-d iskaren n tɣuri ifazen. S Firefox; sit kan ɣef tignit-nni tamecṭuḥt deg ufeggag n unadi syen iminig ad yesfeḍ akk iferdisen ur nemεin ara rnu ad ak·akem-d-yesken amagrad s wudem zeddigen. Deg Edge, sit kan ɣef tignit n yidles ameẓẓyan akked ɣef yiminig akken ad tesεuḍ agrudem n useqdac yeṣfan i isehlen i tɣuri.

Firefox daɣen yegber ddeqs n tmahilin ara terreḍ gar yifassen-ik am Ummesten mgal aḍfar yennernan, afecku n tuṭṭfa n ugdil n usliɣ, tuzna n yifuyla meqqren d wayen-nniḍen.

Beṛṛa n tewwurt, Firefox yesεa aṭas n tmahilin d yiseddayen yeddan deg yiminid rnu wejdent i usider s sshala. Γas akken i sin yiminigen sεan aqettun n yizegrar d yiseɣzaf yellan, amṣada n Edge d Google tɣerɣert n Chromium irennu-as deg ubaɣur deg tewtilin n uqettun n yimḍanen.

Sader Firefox Browser

Aɛebbi

Aɛebbi Firefox Edge
Tilin n unagraw n wammud Ih Ih
Tilin n unagraw n wammud n uziraz Ih Ih
Mtawi akked uziraz Ih Ih
Asefrek n wawal uffir Ih Ih
Awal uffir agejdan Ih Ih

S Internet Explorer, telmed Microsoft seg lexṣaṣ-ines deg meṛṛa tiɣerɣar, yerra Edge yella s sshala ɣef iOS, Android, Windows, macOS, qrib daɣen deg Linux.

Firefox yella deg iOS, Android, Windows, macOS d Linux i yiseggasen. Akken tzemreḍ ad terǧuḍ seg yal iminig atrar, ad ak·akem-yeǧǧ ad tkecmeḍ s , ad ak·akem-yeǧǧ daɣen ad semtawiḍ isefka am wawalen uffiren, amazray n tunigin, ticraḍ n yisebtar d waccaren yeldin ɣef uselkim, tafelwit n uselkim d tiliɣri. Ad ak·akem-yeǧǧ daɣen ad tsemtawiḍ ɣef meṛṛa tiɣerɣar.

Edge ad ak·am-imudd tisirag ad teqqneḍ ɣer umiḍan-inek icudden ɣer Microsoft syen ad tkecmeḍ i wakken ad tsemtawiḍ inurifen-inek·inem, amazray, awalen uffiren, d wayen-nniḍen gar uselkim-inek·inem d yibenkan iOS neɣ Android.

Aktazal amatu

Aside from sucking up a lot of computing power, Edge running on Chromium has answered a lot of users’ needs for functionality and features. But there’s still a lot to account for in terms of the browser’s privacy protections. It’s our assessment that Firefox is still a better choice for most people to use in their daily lives, based not only on functionality but more importantly on our transparency in how we collect user data, what exactly we collect, and what we do with it. Because our parent company is Mozilla, a non-profit organization dedicated to internet privacy and freedom, we simply have a different set of priorities when it comes to users’ data.

Ɣer taggara, ulamma nessumer-d aseqdec n Firefox, iminig yufraren ad yeqqim d win i yeddan d lebɣi-k kan kečč s usefrek n yisiɣzaf, aggan n yifecka n tunigin, arured, tabaḍnit d tɣellist.

Iserwas yettwaxedmen da mmugen am wid yettwaxedmen gar yileqman n yileqman n yiminig, akka:
Firefox (81) | Edge (85)
Asebter-a yettwaleqqam yal tlata wagguren akken ad d-iban deg yileqman ineggura, akken yezmer daɣen ur d-ttbanen ara yileqman ineggura.