am yiminig kan Firefox, iminig Brave d ilelli, n uɣbalu yeldin, yettqader daɣen tudert tabaḍnit n yiseqdacen. Brave d amaynut i d-yusan ɣer umaḍal n yiminigen: win t-id-yenulfan d Brave Software, yeffeɣ-d i tikkelt tamezwarut deg yennayer 2016. Deg umagrad-a, ad nserwes gar yiminig Firefox d yiminig Brave seg tlata n taggayin: tudert tabaḍnit, tanfa d uεebbi.
Taɣellist d Tabaḍnit
| Taɣellist d tbaḍnit |  |
 |
|---|---|---|
| Askar n tunigin tusligt |  |
|
| Issewḥal inagan n tuqqna n uḍfar n uḥric wis kraḍ s wudem amezwer | |
|
| Issewḥal isekripten n uwgelhan | |
|
| Issewḥal ineḍfaren n yiẓeḍwa inmettiyen | |
|
Iminig Brave, am tuget n yiminigen-nniḍen, yebna s tengalt n uɣbalu yeldin Chromium sɣur Google. Aqbalu yeldin anamek-is yal yiwen yezmer ad iseqdec tangalt taɣbalut, ad tt-yeṭṭef d llsas i wakken ad d-yesnulfu ayen yebɣa — am yiminigen Opera d Edge. Maca mačči akk iminigen yebnan ɣef Chromium kifkif-nsen neɣ ula d nutni n uɣbalu yeldin.
Brave yemgarad ɣef yiminigeb-nniḍen isuddimen n Chromium s ticki n wazal ameqqran i tudert tabaḍnit n yiseqdacen — aṭas aṭas asewḥel n yineḍfaren, isekripten d udellel s wudem amezwer. Ihi, ihi mi ara tseqdaceḍ iminig Brave, ideggen n usmel web i d-yeskanen adellel ad d-banen d tallunt tilemt. Tikkwal, isebtar ur d-ttalin ara akken iwata, ayen ara ak·akem-yeǧǧen ad tferneḍ iminig-nniḍen neɣ ad terreḍ aɣewwar ‘ammesten yermed’’ ɣer uɣewwar ’ammesten yensa', ayen ara isensen ammesten n tudert tabaḍnit d tɣellist.
Internet s umata amur ameqqran deg-s yetttwaxellaṣ s uskan n udellel, d ayen i yettɛawanen deg uklas n ugbur i tebɣiḍ ad t-tesneqdeḍ, baṭel. Brave yeɛreḍ ad ibeddel tamudemt-a s lḥir i iteg deg yiseqdacen-is ad sxedmen anagraw Brave, i yellan deg tidet d tiɣerɣert-is n udellel. Akken ara ijerred yiwen useqdac, Brave ad d-yesken ayen i wumi isemma "adellel yettqadaren tudert tabaḍnit" tid i izemren ad d-ttwaskanent d rrbaḥ ayen iwumi yeqqar ajuṭu n lwelha agejdan i yettusemman daɣen s yisem BAT. Syagi, iseqdacen n Brave zemren ad fernen ad ṣerfen BATs-nsen s usefrek n yismal neɣ imdanen i ḥemmlen, i izemren s timmad-nsen ad rren BATs ɣer tedrimt n tidet.
Yettban-d waya d ayen iweɛren neɣ d tikti i igerrzen, ahat aya icudd ɣer uswir n tmuɣli-k·m i udellel n uskan ɣef internet. Tuget n yiseqdac n internet gzan belli agbur igerrzen yesra tadrimt, qeblen belli idrimen tekken-d seg udellel.
Seg tama-nniḍen n cciɛa, s yiminig Firefox, nesmenyaf ad neǧǧ lecɣal fessusit. Firefox yessewḥal s wudem amezwer aṭas n yineḍfaren, akripṭuminar d yineḍfaren n yidsilen umḍinen n wis tlata akken ur ak·akem-ṭṭafaren ara. Maca, Firefox, beṛṛa n uskar n tunigin tusligt, iferren ulac asewḥel n uskan n udellel ɣef ubani. Anamek-is, alamma tesbeddeḍ yiwen seg yiseɣzaf i yettwafeṣṣlen ilmend n yiswi-a.
Llant kra n tmahilin n tɣellist deg Brave i yesran ad tent-id-nesbeggen, am yileqman iwurmanen n tuqqna n HTTPS (i d-yettmuddu Firefox s useɣzaf). Brave d Firefox yal yiwen deg-sen yettmuddu i yiseqdacen amsefrak n wawal uffir d tezmert n usenqed n tddadanin-nsen n tɣellist deg yal akud. Brave yeskan tiddadanin am umḍan n yineḍfaren i yessewḥal segmi ara teldiḍ iccer amaynut. Firefox yeskan tilɣa yemcuban mi ara twaliḍ aneqqis-ik·im n tbaḍnit sani i tzemreḍ ad tkecmeḍ melmi tebɣiḍ s usiti ɣef aɣar deg ufeggag n tansiwin.
Deg taggara ad d-nini ɣas akken taneɣruft n usukkes n tedrimt n Brave s yijiṭuten n uwelleh izaduren zemren ad ilin d uddisen aṭas i waṭas n yiseqdacen, ɣas akken i sin yiminigen Brave d Firefox ttmuddun s umata aṭas n yiberdan yemgarraden i ufaṛes seg termit n tunigin tusligt, taɣellsant.
Tixxutert
| Tixxutert | |
|
|---|---|---|
| Asewḥel n tɣuri tawurmant | |
|
| Tunigin deg yiccaren | |
|
| Amsefrak n tecraḍ | |
|
| Yeččaray tiferkiyin s wudem awurman | |
|
| Iɣewwaṛen n umsedday n unadi | |
|
| Aḍris ɣer umeslay | |
 |
| Askar n tɣuri | |
|
| Asenqed n tira | |
|
| Isiɣzaf/Izegrar Web | |
|
| Afecku n tuṭṭfa n ugdil deg yiminig | |
|
Ayen i izemren ad yesseqhem kra n yiseqdacen imaynuten n Brave d zzerb deg usali n yisebtar deg yiminig. Taɣzint n wakuden-a n usali arurad d isebtar-a i d-yettalin s zzerb ugar mi ara tesweḥleḍ meṛṛa adellel i d-iteddun deg-sen. Ihi, drus ara yilin i usali, ɣef waya ad yeṭṭef drus n wakud.
S tewtilin n useqdec ilaw n RAM igerrzen, iminig Brave d aẓayan ugar ɣef FirefoxFirefox. Brave yettwasuli-d s waṭas n tmahilin yemgaraden akked “yizegrar” i izemren ad ttekkin deg useqdec-ines ɛlayen n RAM. Firefox, seg tama-nniḍen, ad ak·akem-yeǧǧ ad tferneḍ anwi izegrar akked yisiɣzaf i tebɣiḍ ad ternuḍ.
Asagen n yiferdisen d yisental n ugrudem n useqdac, d tamahilt tufrint n yiseqdacen n Firefox acḥal-aya n yiseggasen, tamɣiwent-nneɣ s yineflayen-ines ifazen rnan-d tamkarḍit meqqren aṭas n yizegrar d yiseɣzaf n teɣbalut yeldin i yettakken azref ugar i usagen d tmahilin. Timahilin i d-iteddun yid-s Firefox mi ara d-tsaliḍ, yella deg-s ufecku-nneɣ ameqqran n tuṭṭfa n ugdil, timahilin n unekcum d umsidef s Pocket — taɣbalut ara yeǧǧen i yiseqdacen ad skelsen s zzerb amagrad i tquri ticki ɣef yal ibenk.
Brave yessefrak daɣen tamkarḍit tameqqrant n yiseɣzaf i yellan deg tḥanut web Google Chrome yerna yettmuddu aṭas n tmahilin yemgaraden deg yiminig am wahil n tarrazt i d-yettwabedren deg Brave, d usefrek n usader n torrents deg yiminig.
Aɛebbi
| Aɛebbi | |
|
|---|---|---|
| Tilin n unagraw n wammud | |
|
| Tilin n unagraw n wammud n uziraz | |
|
| Mtawi akked uziraz | |
|
| Asefrek n wawal uffir | |
|
| Awal uffir agejdan | |
|
Tazmert n umtawi n wawalen-ik·im uffiren, iseɣzaf, isefka n umasal, izegrar d yisemenyaf-nniḍen ɣef meṛṛa ibenkan-ik·im d yinagrawen n wammud d tamahilt i yellan d iseggasen aya s Firefox. Isefka i yemtawin, i yettwawgelhen daɣen anamek-is ulac win ara ikecmen ɣer-sen seg beṛṛa.
Iminig Firefox yettmuddu daɣen i yiseqdacen tazmert n ujerred ɣef Firefox Account. Mi ara tesɛuḍ amiḍan Firefox d tasarut swayes ara ldin amtawi gar yibenkan, rnu ad tesɛuḍ ibaɣuren-nniḍen n yifarisen am Firefox Monitor i yettɛassan tansiwin-inek·inem n yimayl , rnu ad ak·akem-id-iselɣu ma yella tettekkaḍ deg trewla n yisefka yettwassnen.
Brave melmi kan daɣen yesɛa tazmert n umtawi n yisefka gar yinagrawen n wammud d yibenkan yuzzlen, d tezmert-nniḍen n umtawi n yijuṭuten-inek·inem n lwelha igejdanen.
Aktazal amatu
Mi ara nserwes sin-agi n yiminigen, Firefox d Brave i sin yid-sen ttakken-d aswir εlayen deg tsertit n tbanit d tɣellist s wudem amezwer, yella s wudem amezwer seg twaledyawt tamezwarut.
Brave’s advertising replacement idea is a twist on the current model of paid ad placement and paid search. But again, some busy Internet users will probably not want to get too involved with the management of micro payments to sites in exchange for their time and attention.
S umata, Brave d iminig arurad, aɣelsan ara yesεun ayen ara ijebbden iseqdacen n tedrimt tawgelhent. Maca i tuget meqqren n yimdanen n internet, Firefox ad yeqqim tifrat igerrzen tushilt.
Iserwas i yettwagen da, mmugen am wid yettwagen akked yiɣewwaren imezwer d yileqman n tuffɣa n yiminigen akka:
Firefox (81) |
Brave (1.14.81)
Asebter-a yettwaleqqam yal tlata wagguren akken ad d-iban deg yileqman ineggura, akken yezmer daɣen ur d-ttbanen ara yileqman ineggura.