Poruharakuéra Windows 64 bits pegua omboguejýva Firefox ikatu oguereko 64 bits ijypykuévaramo. He’ise eguerekoha Firefox rembiapokue hekorosãva, peteĩ avei oñembyai sa’ivéva. ¿Michĩvehaáicha? Ore ñeha’ã rupi ko’ág̃a peve, Firefox 64 bits omomichĩ jejavy 39% máquina 4 GB RAM térã hetave.
¿Mba’épe iñambue 32-bit ha 64-bit?
Ápe oĩ mba’eñemi: tembiporu’ikuéra 64 bits ikatu oguerekove mandu’arenda ha sa’ive oñembyaikuaáva tembiporukuéra 32 bits-vagui. Avei, opóvo 32 gui 64 bits-pe, peteĩ tekorosã rehegua jeregua renda kundaharape pa’ũ(ASLR) oikoporãve eñemo’ã hag̃ua tapicha ñañágui. Linux ha macOS poruhára, ani peñemyangekói, emba’apomahína Firefox oikoporãvéva 64 bits peg̃uarã.
¿Mba’éicha erekokuaa Firefox 64 -bits?
Eiporuramohína Windows 64 bits (ápe rohechauka mba’éichapa ojehechajeýta), nde Firefox ikatúma ha’e 64 bits. ehechajey Firefox pyahu (ovetã “Firefox Rehegua”) ha oheka “(32-bit)” térã “(64-bit)” tembiapo papapy rehegua:
- Ehecháramo “(32-bit)” ha emohembiapórõ Firefox 56.0 térã itujavéva, ñembohekopyahu Firefox ipyahuvévape hekopyhuva’erã ijehegui 64 bits-pe.
- Ehecháramo “(32-bit)” ha emohembiapórõ Firefox 56.0.1 térã upeigua, ikatu ne mohendaha ndorekói mandu’arenda 64-bits (3 GB de RAM peg̃uarã térã hetave). Eipotáramo, ikatu emohenda nde pópe Firefox 64-bits orekóva.