Jahecháma Microsoft’s Internet Explorer mba’éva oumaha henyhẽmbyre opavave nunga mohendahápe Microsoft ndive, péicha Microsoft oipota eiporu ikundahára Edge, oñembohekóva ijypykuérõ.
Microsoft ojoko Internet Explorer jeporu aréma, kóva ome’ẽ ikundahára Edge-pe hekopyahúva Windows 10-pe. Upéicharõ jepe, ojeporu’ívo Edge ome’ẽ pa’ũ Internet Explorer ojeporumemejey hag̃ua, kóva hetave oiko ojokupytyve rupi ñemurãnguéra ndive.
Ko’ápe ñamoñondivéta Firefox Browser ha Internet Explorer ndive tekorosã, ijeporu ha avei ijeku’ekuaápe. Roipytyvõta eikumbykuaa hag̃ua mba’eichitépa iñambue peteĩ kundahára ipyahúva Firefox ichagua, oiporúva he’iháicha ñanduti, kundahára ikatúva oiporu tembiapohápe téra jepokuaaguirei.
Tekorosã ha ñemigua
| Tekorosã ha ñemigua |  |
 |
|---|---|---|
| Kundaha Ñemigua reko |  |
|
| Ejoko kookie tapykuehoha mbohapyháva ijeheguiete | |
|
| Ejoko scritps criptomineriagua | |
 |
| Ejoko tapykuehoha avaatygua | |
|
Eipurúramo gueteri Internet Explorer, tekorosã añoite ikatúma nemboguerovia ko’ãva rehegua. Microsoft’s pe myakãhára Microsoft pegua he’imavoi hetaiterei tapicha oipurúramo gueteri pe Internet Explorer iñanduti kundahára tuichavévaramo ikatutaha ojehu chupekuéra “mba’evai”.
Microsoft ohejáma Internet Explorer ñemboguata, he’iséva ojehúva tenonderã umi apañuãi guasu tekorosã rehegua tuichaiterei. Microsoft he’imavoi opa hendápe oñembyaikuaaha oimeraẽvaichagua apopyre Internet Explorer rehegua.
Upéicharõ, ¿Mba’e ejapokuaa ne mba’apohaguasu oipurúrõ tembiporu’i tuja oikóva Internet Explorer ndive año? Ore ro’ekuaa ndéve ani embojehe’a viru jevy’a ndive. Añetehápe roipota eiporu jepysokue ojokupyutýva kundahára tuja ndive Windows peg̃uarã. Ko jepysokue omoneĩ poruhárape ombojurujávo ijehegui heta URLs Internet Explorer pegua ha ojejey Firefox-pe oikundahávo tendatee ambuévape.
Jepurúva
| Jepurúva | |
|
|---|---|---|
| Ñemboheta ijeheguíva jejoko | |
|
| Ñeikundaha tendayke ndive | |
|
| Techaukaha ñangarekoha | |
|
| Myanyhẽha ijeheguíva moĩmba | |
|
| Poravorã Jehekaha | |
|
| Moñe’ẽrã ñe’ẽme | |
|
| Moñe’ẽrã reko | |
|
| Jehaipy ñemoĩporã | |
|
| Jepysokue ñanduti/Tembiporu’i | |
|
| Tembiporu mba’erecha japyhyha kundahárape | |
|
Jepy’apyrãma, 4% térã 5% opavave mohendaha mesa arigua jeporu ojegueru Internet Explorer-gui. Ikatukuaa oje’e kóva ndahetaiha, hákatu ja’eporãvo he’ise hetaiterei tapichápe og̃uahẽha mba’e iporãmba’ỹva ñandutípe imbeguévo henyhẽngue ha ijehechápe, kuatiarogue ndojehechaporãiva, ha avei apañuãi tekorosãgua ja’emavavoi kuri.
Jahechávo, mba’érepa jaiporu Internet Explorer ha’e umi ñangarekohára oha’ãvo mba’éichapa oiko iñandutikuéra renda kundahára tujápe térã mba’apohaguasúpa oreko tembiporu’i ivaíva ñemuhápe g̃uarã omba’apóva Internet Explorer kundahára ndive año.
Pe ambue apýra gotyo, Firefox ha’e peteĩva kundahára ojeporuvéva, ha henyhẽma hetaitereichagua jeporupyrã oikoitéva, Pocket ichagua oguerekóva tetepy ojehayhúva eikévo peteĩteĩva tendayke ipyahúvape. Ore jeheka juajupyre ha pe ñanduti kundaharape renda, térã Tenda iporãva rohenoiháicha, avei ome’ẽ ñe’ẽporã hekóva nde techaukaha ha teramoĩ oĩmava, tembiasakue, tendayke ijurujáva ha ojehekavéva. Ha peteĩ mba’ete reigua Firefox mba’éva eike hag̃ua opaite ne ñembohekópe ha avei ambue Firefox apopyrépe oimeraẽva mba’e’okápe emoñepyrũvo tembiapo. Avei, eikuaávo ne kundahára omba’apo añeteha omo’ã hag̃ua ne mba’ekuaarã teetéva.
Jeguerahakuaa
| Jeguerahakuaa | |
|
|---|---|---|
| Ojeporukuaa apopyvusúpe g̃uarã | |
|
| Ojeporukuaa pumbyry apopyvusúpe g̃uarã | |
|
| Oñembojuehe pumbyry ndive | |
|
| Ñe’ẽñemi ñangarekohára | |
|
| Ñe’ẽñemi ha’etéva | |
|
Microsoft oipe’áma kundahára Internet Explorer, ndojokupytyvéima rupi avave iOS rembiapokuére, ha araka’eve ndojeporukuaáire Android ndive. He’iséva, ndereipurúi mba’éramo mohendaha oku’éva térã mesa arigua Windows ndive, ndaikatumo’ã eike techaukaha, kundaha rembiasakue, ñe’ẽñemi ñongatupyre ha ambue marandu kundahára ipyahuvéva ombojuehéva opaite mba’e’okápe.
Firefox oiko oimeraẽva platafórmape, oĩhápe Windows, macOS, Linux, Android ha iOS. He’iséva avei ikatuha embojuehe opaite ne marandu oĩva platafórmape. Upévare, eikundaháramo mohendaha oku’ekuaávape Windows ndivegua, ikatu eheja hague guive eikundahávo ne iPhone térã Android mba’e’okápe. Ko ovetã ijypykueichava’erã oĩva ñanduti kundahára ipyahúvape, ha ejuhu’ỹtava Internet Explorer ryepýpe.
Ñeha’ã tuichaháicha
Ojapo nda’aréi, Internet Explorer ha’ehague kundahára ojehayhu ha ojeporuvéva arapy tuichakue jave. Ko’ág̃a iñambue umíva ha avei tembiporupyahu, hákatu Internet Explorer noñakãrapu’ãi ha opyta hendáicha. Microsoft ojerure opavave iporuhárape anive hag̃ua oiporu Internet Explorer ha, hendaguépe, omoambue ikundahára pyahu Edge omba’apóva Chromium ndive.
Ore ñemoñe’ẽ ha’e eho hag̃ua kundahára jeroviaha ndive ha iñemíva hembiasakue ome’ẽva tembiapokueita opaite mba’e’okápe. Embohovakévo ojohovaitére, ehechakuaáta tuichaha iñambue ojuehegui. Firefox ha’e tenondegua opaite tenda oñeha’ãhápe. Ejuhúramo nde jaryimi oipurúramo Internet Explorer, upépe ehechamava’erã ha embobuejy Firefox oiporukuaa hag̃ua.
Umi moñondive oñembohekopyre ápe ñemboheko ijypykuéva ndive ha kundahára peteĩchagua oñeguenohẽmbyre kóicha:
Firefox (81) |
Internet Explorer (11)
Kutiarogue hekopyahu 45 ára haguépe osẽ hag̃ua tembiapo ipyahuvévape ndohechaukáiva mbohekopyahu ipaháva.