Карыстальнікі ў 64-разрадных Windows, якія сцягваюць Firefox, тыпова атрымліваюць нашу 64-разрадную версію. Гэта азначае, што вы атрымаеце больш бяспечную версію Firefox, якая таксама завісае значна менш. Наколькі менш? У нашых тэстах дагэтуль 64-разрадны Firefox знізіў збоі на 39% на машынах з 4 ГБ аператыўнай памяці і больш.
У чым розніца паміж 32-разраднай і 64-разраднай версіямі?
Вось галоўнае, што трэба ведаць: 64-разрадныя праграмы могуць выкарыстоўваць больш памяці і маюць меншую імавернасць збояў, чым 32-бітныя праграмы. Акрамя таго, з пераходам з 32 на 64 біты функцыя бяспекі пад назвай рандамізацыя размяшчэння ў адраснай прасторы (ASLR) працуе лепш, каб абараніць вас ад зламыснікаў. Карыстальнікі Linux і macOS, не шкадуйце, вы ўжо атрымліваеце асалоду ад Firefox, які аптымізаваны для 64 разрадаў.
Як атрымаць 64-разрадны Firefox?
Калі ў вас 64-разрадная Windows (вось як праверыць), ваш Firefox можа быць ужо 64-разрадным. Праверце версію Firefox (у вакне “Пра Firefox”) і знайдзіце “(32-біт)” або “(64-біт)” пасля нумара версіі:
- Калі вы бачыце “(32-біт)” і ў вас Firefox 56.0 ці старэйшы, абнаўленне да апошняй версіі Firefox павінна аўтаматычна абнавіць вас да 64-разраднай версіі.
- Калі вы бачыце “(32-біт)” і ў вас Firefox 56.0.1 або навейшай версіі, ваш камп'ютар можа не адпавядаць патрабаванню па мінімальнай памяці для 64-разраднага (3 ГБ аператыўнай памяці і больш). Але вы можаце ўручную ўсталяваць 64-разрадны Firefox, калі хочаце.