Abstrahà da la dumonda sche ti tschertgas in navigatur svelt u tecnologia independenta che protegia tia sfera privata, chattas ti en las suandantas FAQ las respostas a las dumondas las pli impurtantas en connex cun Firefox.
navigatur Firefox è l'unic navigatur pli grond, sustegnì dad in'interpresa senza finamira da profit che na venda betg tias datas persunalas a firmas da reclama. Il medem mument gida el da proteger tias datas persunalas. T'infurmescha davart ils Navigaturs Firefox ed auters products.
Ti pos simplamain telechargiar il navigatur Firefox per computers desktop qua. Firefox funcziuna sin apparats da Windows, Mac e Linux e stat era a disposiziun per Android ed iOS. Fa la segira che ti telechargias noss navigatur dad ina da las paginas fidadas da Mozilla/Firefox.
Gea! Il navigatur Firefox è gratuit. E liber. I na dat nagins custs zuppads e sumegliant. Per l'utilisaziun na stos ti pajar nagut e nus na vendain era betg tias datas persunalas.
Dumondas sumegliantas: È il navigatur Firefox gratuit? Custa Firefox?Na, nus na crajain betg che Chrome saja meglier che Firefox e quai è il motiv: Sch'insatgi dumonda tgenin navigatur che saja il meglier, vul la persuna atgnamain savair tgenin navigatur che saja il pli svelt ed il pli segir. Firefox vegn actualisà mintga mais per far la segira che ti hajas il navigatur il pli svelt che respecta automaticamain tia sfera privata.
Dumondas sumegliantas: È Firefox meglier che Chrome? È Firefox meglier che Google? È Firefox pli segir che Chrome? Respecta Firefox pli fitg la sfera privata che Chrome?La protecziun da tia sfera privata è nossa emprima prioritad. Nus garantin che l'installaziun da Firefox sin tes apparats è absolutamain segira – ma fa la segira che ti telechargias noss navigatur dad ina website fidabla da Mozilla/Firefox sco nossa pagina per telechargiadas.
Firefox n'è betg mo segir per utilisar, el gida era da segirar tias datas ed infurmaziuns privatas. Il navigatur Firefox blochescha automaticamain ils fatizaders enconuschents da terzas partidas, fastizaders da medias socialas, criptominiers ed improntaders ed impedescha che quels ramassian tias datas. Ulteriuras infurmaziuns davart la protecziun da datas en noss products.
Dumondas sumegliantas: È Firefox bun per la protecziun da datas? È Firefox segir? È Firefox meglier per la protecziun da datas?Na. Quai n'avain nus ni fatg en il passà ni vegnin nus a far quai en l'avegnir. Anzi – nus ta protegin da blers incumbensaders da reclamas che han questa intenziun. Ils products da Firefox èn concepids per proteger tia sfera privata. Quai è in'empermischun.
Firefox n'è betg plaun… almain ozendi betg pli. L'onn 2017 avain nus restructurà cumplettamain il motor da noss navigatur (numnà Quantum) per far la segira che Firefox possia tegnair pass cun ils auters navigaturs pli gronds sin il martgà. Ultra da quai gidan nossa bloccada da fastizaders da chargiar anc pli svelt las paginas-web. Quai vul dir che Firefox è svelt sco ina frizza senza far cumpromiss en connex cun tia sfera privata.
Firefox na sa basa betg sin Chromium (il project open-source che furma la basa da Google Chrome). Per propi essan nus in dals davos navigaturs pli gronds per ils quals quai n'è betg il cas. Firefox funcziunescha sin noss motor Quantum, sviluppà aposta per Firefox da maniera che nus pudain garantir che tias datas vegnian tractadas cun respect e restian privatas.
Google è la maschina da tschertgar da standard en Firefox. Quai munta che ti pos far retschertgas en il web directamain via la trav d'adressas. T'infurmescha davart las preferenzas da la maschina da tschertgar e la modificaziun da configuraziuns predefinidas.
Firefox na dispona betg dad in VPN (virtual private network) integrà, ma i dat dus products da Mozilla/Firefox che ti pos utilisar supplementarmain cun il navigatur navigatur Firefox per proteger ubain tes navigatur (Firefox Private Network) u tia colliaziun da WLAN (Mozilla VPN) da tes apparat, sco era tia adressa IP.
Dumondas sumegliantas: Zuppenta Firefox tia adressa IP?Firefox vegn sviluppà da la Mozilla Corporation, ina societad affiliada che appartegna per tschient pertschient a l'organisaziun senza finamira da profit Mozilla Foundation, e s'orientescha als princips dal Manifest da Mozilla. T'infurmescha qua davart ils realisaturs da Firefox.
Dumondas sumeglianantas: Tgi è il proprietari da Firefox? A tgi appartegna navigatur Firefox? Appartegna Firefox a Google? Appartegna Mozilla Firefox a Google?