Iseqdacen n Windows 64-ibiten i d-yessadren Firefox zemren ad awin lqem-nneɣ 64-ibiten s wudem amezwer. Aya yemmal-d d akken ad tawiḍ ugar n lqem n tqellist seg Firefox, mačči aya maca daɣen drus n uɣelluy. Acḥal drus? Des usekyed-nneɣ, Firefox 64-ibiten yessenɣas aɣelluy s 39% ɣef tmacinin s 4GAṬ n tkatut RAM neɣ ugar.
Acu-t umgired yellan gar 32-ibiten akked 64-ibiten?
Ha-t-a wayen i ilaqen ad t-tissineḍ: isnasen 64 yibiten zemren ad awḍen ɣer tkatut meqqren rnu ur shilen ara i uɣelluy am yisnas n 32 yibiten. Daɣen, s uεeddi seg 32 ɣer 64 yibiten, yiwet n tmahilt n tɣellist iwumi qqaren Tarusi tagacurant n tallunt n tansa (ASLR) tetteddu akken iwata akken ad k-teḥrez mgal imakaren. Iseqacen n Linux d macOS, ur tqelliqet ara, tesεam yakan Firefox yettusfernen i 64 yibiten.
Amek ara tawiḍ Firefox 64-ibiten?
Ma tesselkameḍ Windows 64-ibiten (dagi ara twaliḍ), Firefox izmer ad yili yakan 64-ibiten. Wali dagi lqem-ik n Firefox (Deg usfaylu “Ɣef Firefox”) daɣen nadi ɣef “(32-ibiten)” neɣ “(64-ibiten)” deffir n wuṭṭun n lqem:
- Ma twalaḍ "(32-bit)" ticki tesselkameḍ Firefox 56.0 neɣ aqbur, asader n lqem aneggaru n Firefox ad k-yessali s wudem awurman ɣer 64-ibiten.
- Ma yella twalaḍ "(32-bit)", kečč tselkameḍ Firefox 56.0.1 neɣ lqem akk amaynut, ihi yezmer aselkim-inek·inem ur yessawaḍ ara ad yeččar takatut taddayt i ilaqen i 64-ibiten (3 GB n RAM neɣ ugar). Tzemreḍ ad tesbeddeḍ s ufus Firefox 64-ibiten Firefox, ma tebɣiḍ.