Mozilla دا منشور
تعارف
انٹرنیٹ ساݙی حیاتی دا ہک اہم حصہ بݨدا ویندے۔
Mozilla پروجیکٹ لوکاں دی ہک عالمی بیادری ہے جیڑھے یقین رکھیندے ہن جو کشادگی، اختراع، تے مواقع انٹرنیٹ دی مسلسل صحت دی کنجی ہن۔ اساں 1998 کنوں رل تے کم کیتا ہے تاں جو ایہ یقینی بݨایا ونڄ سڳے جو انٹرنیٹ کوں ایں طراں تیار کیتا ڳیا ہے جیندے نال ہر کہیں کو فائدہ تھیوے۔ اساں MozillaFirefox ویب براؤزر بݨاوݨ کیتے مشہور ہیں۔
Mozilla پروجیکٹ عالمی معیار دے اوپن سورس سافٹ ویئر بݨاوݨ تے نویں ونکی دیاں سانجھیاں سرگرمیاں تیار کرݨ کیتے کمیونٹی تے مبنی نقطہ نظر دا استعمال کریندا ہے۔ اساں انٹرنیٹ دے تجربے کوں اساں سبھݨیں کیتے بہتر بݨاوݨ وِچ شامل لوکوں دیاں کمیونٹیاں بݨیندے ہیں۔
انہاں کوششاں دے نتیجے وِچ، اساں اصولاں دا ہک مجموعہ تیار کیتا ہے جیڑھے اساکوں یقین ہے جو عوام دی بھلائی دے نال نال زندگی دے تجارتی پُکھاں کوں فائدہ پُڄاوݨ کیتے انٹرنیٹ کیتے اہم ہن۔ اساں ہیٹھ درج انہاں اصولاں کوں بیان کریندے ہیں۔
منشور دے اہداف ایہ ہن:
- انٹرنیٹ کیتے ہک وژن بیان کرو جینکوں Mozilla دے شرکاء چاہندے ہن جو Mozilla Foundation کوں اڳوں تے ودھایا ونڄے۔
- لوکاں نال الاؤ بھانویں انہاں دا تکنیکی پس منظر ہووے بھانویں نہ ہووے۔
- Mozilla دے بھائیوالاں کوں اساں جیڑھا کجھ کریندے ہیں اوندے اوتے فخر ہے تے اساکوں جاری رکھݨ دی ترغیب ݙیوو؛ تے
- ٻنھاں لوکاں کوں انٹرنیٹ دے ایں ویژن کوں اڳوں تے ودھاوݨ کیتے ہک فریم ورج مہیا کرو۔
ایہ اصول اپݨے طور تے زندہ کینا تھیسن۔ انٹرنیٹ کوں کھلا تے شراکت دار بݨاوݨ کیتے لوکاں دی ضرورتی ہے۔ افراد دے طور تے کم کرݨ والے، گروپاں وِچ رل تے کرݨ والے، تے ٻنہاں دی رہنمائی کرݨ والے۔ Mozilla FoundationMozilla مینی فیسٹو وِچ بیان کردہ اصولاں کوں اڳوں تے ودھاوݨ کیتے سرٻدھ ہے۔ اساں ٻنہاں کوں دعوت ݙیندے ہیں جو او اساݙے نال شامل تھیون تے انٹرنیٹ کوں ہر ہک کیتے ہک بہتر جاہ بݨاؤ۔
اصول
- انٹرنیٹ جدید زندگی دا ہک لازمی حصہ ہے — تعلیم، مواصلات، تعاون، کاروبار، تفریح تے مجموعی طور تے معاشرے وِچ ہک اہم جزو۔
- انٹرنیٹ ہک عالمی عوامی وسیلہ ہے جہڑا کھلا تے پہنچ وچ رہوݨا چاہیدا ہے۔
- انٹرنیٹ کوں انفرادی انسانی حیات کوں بہتر بݨاوݨاں چاہیدا ہے۔
- انٹرنیٹ تے افراد دی سلامتی تے رازداری بݨیادی ہن، انہاں کوں اختیاری کائنی سمجھݨاں چاہیدا۔
- افراد کوں انٹرنیٹ تے انٹرنیٹ تے آپݨے تجربے تشکیل کرݨ دی صلاحیت ہووݨی چاہیدی ہے۔
- عوامی وسائل دے طور تے انٹرنیٹ دی تاثیر دا انحصار انڈر آپریبلٹی (پروٹوکول، ڈیٹا فارمیٹس، مواد) جدت طرازی تے دنیا بھر وِچ مرکز گریز شرکت تے ہے۔
- مفت تے کھلا ماخذ سافٹ ویئڑ عوامی وسیلے دی حیثیت نال انٹرنیٹ دی ترقی کوں فروغ ݙیندن۔
- برادری تے مبنی شفاف اعمال شرکت، احتساب تے اعتماد کوں فروغ ݙیندن۔
- انٹرنیٹ دی ترقی وِچ تجارتی شمولیت ٻہوں سارے فائدے آنیندی ہے۔ تجارتی منفاع تے عوامی فائدے دے درمیان توازن ضروری ہے۔
- انٹرنیٹ دے عوامی فائدے دے پُکھاں کوں ودھاوݨ ہک اہم مقصد ہے، جیڑھا، وقت، توجہ تے عزم دے لائق ہے۔
Mozilla دے منشور کوں ودھاوݨ
Mozilla مینی فیسٹو دے اصولاں کوں اڳوں تے ودھاوݨ دے ٻہوں سارے مختلف طریقے ہن۔ اساں سرگرمیاں دی ہک وسیع رینج دا خیر مقدم کریندے ہیں، تے ایں تخلیقی صلاحیت دا اندازہ لیندے ہیں جیڑھی Mozilla دے شرکاء پروجیکٹ دے ٻئے شعبیاں وِچ ݙکھایا ہے۔ انہاں افراد کیتے جیڑھے Mozilla پروجیکٹ وِچ تہہ دلوں شامل کائنی، مینو فیسٹو کوں سپورٹ کرݨ دا ہک بنیادی تے ٻہوں مؤثر طریقہ ایہ ہے جو MozillaFirefox تے ٻنہاں بݨتراں کوں استعمال کیتا ونڄے جیڑھیاں منشور دے اصولاں کوں مجسم کرن۔
Mozilla Foundation دا عہد
Mozilla Foundation اپݨیاں سرگرمیاں وِچ Mozilla مینی فیسٹو دی حمایت کرݨ دا عہد کیتا ہے۔ خاص طور تے، اساں کریسوں:
- مینی فیسٹو دے اصولاں دی حمایت کرݨ والی اوپن سورس ٹیکنالوجیز تے کمیونیٹیز دی تعمیر تے اونکوں فعال کرݨ؛
- مینی فیسٹو دے اصولاں دی حمایت کرݨ والیاں عظیم صارفی بݨتراں دی تعمیر تےفراہمی؛
- انٹرنیٹ کوں ہک کھلا پلیٹ فارم رکھݨ کیتے Mozilla اثاثیاں (دانشورانہ املاک جیویں کاپی رائٹس تے ٹریڈ مارک، انفراسٹرکچر، فنڈز، تے ساکھ) دا استعمال کرو۔
- عوامی مفاد کیتے بݨائے ڳئے معاشی قدر رکھݨ آلے ماڈلاں کوݨ فروغ ݙیوو، تے
- عوامی گفتگو تے انٹرنیٹ انڈسٹری دے اندر Mozilla مینی فیسٹو دے اصولاں کوں فروغ ݙیوو۔
فاؤنڈیشن دیاں کجھ سرگرمیاں — فی الحال صارفین دیاں بݨتراں دی تخلیق، ترسیل تے فروغ — بنیادی طور تے Mozilla Foundation مکمل ملکیتی ذیلی کمپنی Mozilla Corporation دے ذریعے کیتی ویندی ہے۔
کانڈھا
Mozilla Foundation انہاں تمام لوکاں کوں دعوت ݙیندا ہے جیڑھے Mozilla مینی فیسٹو دے اصولاں دی حمایت کریندے ہن اساݙے نال شامل تھیوݨ کیتے، تے انٹرنیٹ دے ایں ویژن کوں حقیقت بݨاوݨ کیتے نویں طریقے ڳولن۔