Perquai è nossa empermischun da proteger tias datas persunalas la basa per tut quai che nus faschain
Rimnar pauc
Per nus èsi impurtant da savair pauc da tai
Tut las interpresas en il sectur tecnologic ramassan datas per optimar lur products. Quai na sto dentant betg cumpigliar tantas infurmaziuns persunalas. Las unicas datas che nus vulain, èn quellas che gidan la finala puspè a tai. Nus ans dumandain sez: Avain nus propi basegn da questas datas? Per tge scopo las duvrain nus? E cura las pudain nus puspè stizzar?
Arcunar a moda segira
Nus lavurain il chau giu da la persuna per proteger tias datas persunalas
Igl è cumplitgà da segirar datas – almain duessi esser uschia. Perquai prendain nus mesiras spezialas per classifitgar las datas che nus avain e resguardar las reglas che dian co nus memorisain e protegin mintga tip da datas. E nus optimain permanentamain noss process. La protecziun da tias datas ha prioritad absoluta per nus. Nus investin en quella. Nus ans engaschain per quella. E nus gidain schizunt autras interpresas en quel grà.
Nagins secrets
Da nus ta pos ti fidar, nus essan adina transparents
Nus n'avain naginas intenziuns zuppadas. Noss model da fatschenta na sa basa betg sin l'abus da tia confidenza. Nossas Infurmaziuns davart la protecziun da datas è formulada cler e net. Sche ti vulessas vegnir a savair mintga detagl davart las datas che nus ramassain – noss code è avert. E nus era.
-
Pertge pos ti sa fidar da Firefox?
Perquai che nus dain la prioritad a las persunas. Nus vegnin sustegnids dad in'organisaziun senza finamira da profit. Nus avain gia da bell'entschatta vulì proteger l'internet e tuts che l'utiliseschan.
-
Nus resguardain tia sfera privata en mintga product
Ils products da Firefox èn auters – perquai ch'els èn concepids en emprima lingia per proteger tia sfera privata.