Supplements ed extensiuns dal navigatur Firefox

Extensiuns – era enconuschentas sco supplements da Firefox – èn funcziuns spezialas che ti pos telechargiar ed installar per agiuntar ulteriuras funcziunalitads ed utensils a tes navigatur. Supplements ta permettan da persunalisar tes navigatur Firefox ed enritgir tia moda e maniera da duvrar il web.

I dat supplements da Firefox che eviteschan che Facebook ta persequiteschia en il web, translateschan text en ina autra lingua, controlleschan l'ortografia u la grammatica da tes texts u embelleschan la cumparsa da tes navigatur. Ti chattas questas e millis dad autras extensiuns gratuitas sin addons.mozilla.org.