Persunalisescha tes navigatur Firefox

Designs da Firefox ta permettan da midar l'apparientscha da tes navigatur. Els defineschan il schema da colurs per menus dal navigatur e paginas dal sistem da Firefox e pon perfin agiuntar in maletg en il fund davos da tia trav d'utensils da Firefox.

Firefox ha in design dal sistem predefinì ed ultra da quai variaziuns cleras, stgiras e da pliras colurs.

In maletg cun ils designs predefinids integrads en Firefox cun la variaziun clera, stgira e da pliras colurs.

Ti chattas ulteriurs designs persunalisads gratuits sin addons.mozilla.org. Svutra en ils designs cun las meglras valitaziuns, da trend ed ils pli recumandads. U tschertga designs tenor categorias, tranter auter musica, stagiun, sport e natira. Creescha tia experientscha tenor tes gust. Animals gnocs, robots maligns, bellas cuntradas – i dat millis pussaivladads per far tes agen Firefox.

In maletg da trais designs persunalisads da Firefox: in design violet stgir e rosa cun accents alvs ed oranschs, in design besch cler cun in maletg aquarel dad utschels e flurs da tscharescha ed in design nair stgir e verd cun in muster da circuits electronics.

Fa dapli cun Firefox

Va per il navigatur svelt, lev ed orientà a la protecziun da datas che vegn sustegnì dad ina organisaziun senza finamira da profit e che funcziunescha sin tut tes apparats.