Va per il navigatur Firefox per Chromebook

Ussa che ti has in Chromebook èsi temp dad ir per il navigatur navigatur Firefox independent cun protecziun automatica da la sfera privata – per proteger tias datas persunalas.

Pertge installar Firefox per Chromebook?

Era sch'in Chromebook ha gia installà Chrome, ta porscha l'installaziun e l'utilisaziun da Firefox sco navigatur da standard in pèr avantatgs:

  • Protecziun permanenta cunter il fastizar: gia en sia configuraziun da standard è la protecziun avanzada cunter il fastizar da Firefox activada per proteger tias datas persunalas da fastizaders da reclama encunuschents, da fastizaders da social media e da scripts da criptominieras che ta suondan en il web.
  • Sustegn da tecnologia independenta: cunquai che la gronda part dals navigaturs sa basan ozendi sin Chromium datti pli paucas opziuns che na pavlan betg la maschina dals coloss dominants da la industria tecnologica. Davos Firefox stat ina organisaziun senza finamira da profit che vul crear in meglier internet. Cun utilisar Firefox sustegnas ti questa idea.

Èsi difficil dad installar Firefox per Chromebook?

I fiss bel sch'i fiss pli simpel, ma tes Chromebook fa tut per tegnair tai en l'ecosistem da Google Play. Nus essan dentant da l'avis ch'i vala la paina dad installar il navigatur Firefox sin tes Chromebook – e nus avain resursas per ta gidar sch'igl è necessari. I dat duas vias per installar Firefox sin tes apparat.

Installescha Firefox dal Google Play Store: sin versiuns pli novas da Chrome OS (Chromebook basà sin x86 cun Chrome OS 80 u pli nov) datti l'opziun d'installar l'app Firefox per Android. Questa app è vegnida sviluppada per apparats mobils.

Telechargiar da Google Play

Installescha Firefox sco applicaziun Linux: questa via pretenda in pèr ulteriurs pass, ma i vala la paina. Sche ti installeschas il navigatur Firefox sco applicaziun per Linux, survegns ti il navigatur per computers desktop e tut ils avantatgs ch'el porta, inclus la protecziun avanzada cunter il fastizar, in'administraziun da pleds-clav integrada, access a millis supplements (inclus la bloccada da reclamas UBlock Origin) e designs per persunalisar l'apparientscha da tes navigatur. Ulteriuras infurmaziuns davart l'installaziun dal navigatur Firefox per computers desktop Chromebook.