Sækja Firefox

Firefox er ekki lengur stutt á Windows 8.1 og eldra.

Sæktu Firefox ESR (Extended Support Release) til að nota Firefox.

Firefox er ekki lengur stutt á macOS 10.14 og eldra.

Sæktu Firefox ESR (Extended Support Release) til að nota Firefox.

Persónuverndarstefna Firefox

Viðbót við stefnuskrá Mozilla

Krafan um heilbrigt internet

Opna, alþjóðlega internetið er öflugasta samskipta- og samstarfstæki sem við höfum nokkurn tíma séð. Það felur í sér margar okkar björtustu vonir um framfarir mannkynsins. Það gefur ný tækifæri til að læra, byggja upp tilfinningu fyrir sameiginlegri mannúð og leysa brýn vandamál sem fólk stendur frammi fyrir alls staðar.

Á síðasta áratug höfum við séð þetta loforð rætast á margan hátt. Við höfum líka séð kraft internetsins notað til að magna upp sundrungu, hvetja til ofbeldis, ýta undir hatur og vísvitandi hagræða staðreyndum og veruleika. Við höfum lært að við ættum að setja fram óskir okkar um mannlega upplifun af internetinu með skýrari hætti. Við erum að gera það núna.

  1. Við erum staðráðin í að viðhalda interneti fyrir allar þjóðir jarðarinnar - þar sem lýðfræðileg einkenni einstaklings ráða ekki aðgangi hans á netinu, tækifærum eða gæðum upplifunar viðkomandi.
  2. Við erum staðráðin í að viðhalda interneti sem stuðlar að borgaralegri umræðu, mannlegri reisn og einstaklingsbundinni tjáningu.
  3. Við erum staðráðin í að viðhalda interneti sem gefur gagnrýnni hugsun gildi, rökstuddum rökum, sameiginlegri þekkingu og sannanlegum staðreyndum.
  4. Við erum staðráðin í að viðhalda interneti sem hvetur til samvinnu milli fjölbreyttra samfélaga sem vinna saman að almannaheill.

10 grundvallaratriði okkar

  1. Meginregla 1

    Internetið er óaðskiljanlegur hluti af nútíma lífi - lykilþáttur í menntun, samskiptum, samvinnu, viðskiptum, skemmtun og í samfélaginu sem heild.

  2. Meginregla 2

    Internetið er víðvær almenningsauðlind sem verður að vera opin og aðgengileg.

  3. Meginregla 3

    Internetið verður að auðga líf einstaklinga.

  4. Meginregla 4

    Öryggi og friðhelgi einkalífs einstaklinga á internetinu er grundvallaratriði og má ekki meðhöndla sem valkvætt.

  5. Meginregla 5

    Einstaklingar verða að hafa möguleika til að móta netið og sína eigin upplifun á netinu.

  6. Meginregla 6

    Skilvirkni internetsins sem opinberrar auðlindar er háð samvirkni (samskiptareglur, gagnasnið, innihald), nýsköpun og dreifðri þátttöku um allan heiminn.

  7. Meginregla 7

    Frjáls og opinn hugbúnaður stuðlar að þróun internetsins sem opinberrar auðlindar.

  8. Meginregla 8

    Gagnsæ samfélagsleg ferli stuðla að þátttöku, ábyrgð og trausti.

  9. Meginregla 9

    Þátttaka viðskiptalegra hagsmunaaðila í þróun internetsins hefur marga kosti í för með sér; jafnvægi milli viðskiptahagnaðar og almannahagsmuna er mikilvægt.

  10. Meginregla 10

    Að leggja áherslu á almannahagsmuni internetsins er mikilvægt markmið, verðugt tíma, athygli og skuldbindingar.