Ore romopyenda yvypórape viru rendaguépe
Ikatu hína hasy opavavépe ndoikuaáivo mba’etépa oha’arõta oimeraẽva software térã mba’epururã ojepurúva ko ára rupi. Umi tembiporupyahu omongu’éva ñande rekove ijetu’u ha, tuichaháicha, mavakuéra ndoguerekói pa’ũ oikuaa hag̃ua mba’emimi. Kóva añetegua Firefox ohecháva avei, ojejuhuhápe opaite tapicha emiandu juavýva umi mba’e oikóva ikundahápe rehegua.
Mozilla omomba’e ha omo’ã ne maranduete:
- Ore rohapykueho peteĩ Mba’ekuaarã ñemigua ñepyrũha ombohekóva ñande ñemoag̃ui Firefox ñemigua ndive, pumbyry oku’éva ha mohendaha mesa ariguáva rehe.
- Roñongatúnte marandu roikotevẽva rojapo hag̃ua apopyre iporãvéva.
- Romoĩ yvypórape oma’ẽ hag̃ua imarandu ha hembiasakue ñanduti pegua rehe.
- Roike ñepyrũrãme “mba’etuicha’ỹre”, he’iséva romba’apo hetaha ikatu hag̃uáicha pe oikumbýva opavave Firefox rehegua ha’eha pe oikovavoi.
Umi porandu ha mbohovái upeigua ne pytyvõta eikumby hag̃ua mba’etépa eha’arõta Mozilla ha Firefox-gui:
- Aiporu Firefox ajapo hag̃ua opamba’e ñandutípe. Mozilla oikuaáne heta mba’e cherehegua, ¿ajépa?
-
Firefox, pe kundaha omba’apóva ne mba’e’oka térã ne mohendahápe, ha’éta esẽkuaaha ñandutígui. Ne kundaha oguerekóta heta marandu umi tenda eikeha rehegua, hákatu umi marandu opytáta ne mba’e’okápe. Mozilla, mba’apoha Firefox apohare noñongatúi (ndete mba’e nderejeruéiramo chupe).
- ¿Peichaite? ¿Peẽ napeñongatúi kundaha rembiasakue?
-
Mozilla ndoikuaái nde eha’arõháicha mba’éichapa tapichakuéra oikundaha ñandutípe. Peteĩ atyguasu kundaha apoháramo, upéva ha’e tembiaporã tuicha mba’eva oréve. Upévare romoheñói tembiporu nde eiporavokuaáva, omoneĩva poruhárape tape porã ñeikundaha rehegua. Embojuehérõ ne kundaha rembiasakue opaite Firefox ñemohendapyrére, ore ndoroikuaái tapykuere, ombopapapy rupi ne mba’e’oka.
- Hi’ã chéve opaite mba’apoha ñandutiguáva ojogua ha ovende che marandu. Upéicha avei peẽ napeneambuéi.
-
Mozilla novendéi ha ndojoguái ne mba’ekuaarã.
- Eha’arõmi, ¿upéicharõ mba’éicha peguerekóta viru?
-
Mozilla ha’e atyguasu oimeraẽvachagua. Heñóiva tekoha apopyrã ijayvu jurujávaramo ary 1998-pe, Mozilla ha’e atyguasu oma’ẽ ha omba’apóva ñanduti resãirãre. Hetave virurepy og̃uahẽ Mozilla Corporation jopói ambue hekaha oiporúva Firefox ha ñe’ẽme’ẽ ñemyasãi rehegua arapy tuichakue jave. Ikatu eikuaave mba’éichapa rojapo pirapire temimombe’u viru reheguáva ary paha og̃uahẽvo.
- Iporã, umi ñepyrũgua ndahasýi kuri. ¿Mba’eichagua mba’ekuaarã pembyaty?
-
Mozilla ombyaty mba’ekuaarã Firefox ypykue rupi orepytyvõva roikumby hag̃ua mba’éichapa opavave oiporu kundaha. Ko’ã mba’ekuaarã oguereko kuaaukaha peichaguánte nde réra térã ñanduti veve kundahára rendápe. Emoñe’ẽve ãva rehegua marandu ñemigua reheguápe ñemigua ha avei emoñe’ẽkuaa kuatiaita mba’ekuaarã ñembyatyguáva ko’ápe.
Ore kuatiakuéra opavave omoñe’ẽkuaa ha péicha ikatu ohechakuaa ro’éva guive añeteha, tomombe’u oréve oikotevẽva iporãve ha ani romokañy mba’eve.
- ¡Ko kuatia ijetu’u chéve g̃uarã! ¿Ikatúpa ere chéve hasy’ỹ hag̃uáicha guaraníme?
-
Oĩ mokõi mba’ekuaarã mboja’opy rombyatýva ijypykue rupi peteĩchagua Firefox opavavépe g̃uarãva.
Ko’ãva ha’e kundahára mba’ekuaarã heseguaitéva, ha’éva pe apopyvusu oku’éva oiporúva ha marandu jejavy reheguáva.
Mokõiha ha’e pe oñehenóiva “mba’ekuaarã oñondivegua”. Ko’ãva ha’e mba’ekuaarã Firefox jeporu añetéva rehegua, tendayke ijurujáva, poruhára oguerohoryvéva rekotee, térã mboy jevýpa ojeporu kundaha rembiapoite ha’éva mba’erechaha japyhy térã ñeñongatuha. Techapyrã, rombyaty ko’ã mba’ekuaarã pe votõ guevihápe, pe hu’y yvategua asu gotyo ne kundahápe omoneĩva eikundaha hag̃ua tapykue gotyo tenda ypyveguápe ohechaukáva oĩ hague oiporúva pe votõ, hákatu nde’íri mba’ete kuatiaroguépe oikékuri.
- ¿Pembyatýna mba’ekuaarã Firefox rembiapo ñepyrũ rehegua?
-
Ja’eporãséramo, añete. Avei umi mba’ekuaarã oje’émava, og̃uahẽ oréve marandu jejavyguáva ijypykue rupi pe Firefox rembiapo oĩmba’ỹva gueteri rupive.
Ikatu avei rombyaty mba’ekuaarã juapypyre tembiapo oĩmba’ỹva gueteri peteĩva ore apopy kuaaapy. Techapyrã, heta jehapykueho oikotevẽ ro’éva “mba’ekuaarã omỹiva ñandutípe”, ikatuhápe oike URL kundaharape ha avei ambue marandu oimeraẽva ñanduti renda reheguáva. Kóva oipytyvõta ombohovái hag̃ua porandu Firefox oikoporãve hag̃ua, techapyrã, mba’éichapa ikatu emoñondivéta ñanduti renda ojehechavéva oñemoñe’ẽasátava.
Mozilla Firefox rembiapo ñepyrũguáva ha’e jehechaukaha okakuaáva, hekopyahu py’ỹiva ha hembiapo oñeha’ã meméva. Rombyaty hetave mba’ekuaarã tembiapo oĩmba’ỹva gueteripe rojapóva romboaje rire roikumbykuaa hag̃ua mba’éichapa omba’apo ko’ã tembiapoite ojeporura’ãva. Ikatu emboyke ko’ã mba’ekuaarã ñembyaty jeguerohoryvéva rupive.
- Hákatu, ¿ma’erã pembyaty mba’ekuaarã?
-
Ndajaikuaáirõ mba’éichapa omba’apo kundahára, avei tembiapoite oiporúva tapichakuéra, ndaikatúi rojapo ha rome’ẽ apopyre iporãva nde reipotaháicha. Romba’apo rojapo hag̃ua tembiporu mba’ekuaarã ñembyatygua ha ñehesa’ỹijo ombohapétava apopyre ha’evéva osẽ hag̃ua ha romomba’ehápe opavave rekoveñemi.
- Ko mba’ekuaarã ñembyaty ndaipotái. ¿Ikatúpa ambogue?
-
Añete. Poruhára oguerekórõ ñangarekoha ha’e pe mba’ekuaarã ñemigua ñepyrũha. Romboheko péva Firefox ryepýpe ore kuatiarogue ñemigua moĩporã, roguerekóva mba’e tuichavévaramo umi oguerekoséva ñangarekoha Firefox ñemigua ryepýpe. Ikatu eipe’a mba’ekuaarã ñembyaty ápe.
- ¿Mba’e oĩ umi mba’ekuaarã che mba’ete rehegua?
-
Roguerovia umi mba’ekuaarã ñemomichĩ rehegua ha avei ndorojeruremo’ãi roikotevẽ’ỹva.
Nereikotevẽi peteĩ mba’ete eiporu hag̃ua Firefox. Umi mba’ete eikotevẽva embojuehe hag̃ua mba’ekuaarã mba’e’okakuéra ndive, hákatu rojeruréta ndéve ñandutiveve kundaharape. Ndoroikuaaséi nde réra, ogarenda, aramboty térã pumbyry papapy.
- Oiporu ñemurã ñandutiguáva omba’evende hag̃ua. ¿Ojogua umi tapicha mba’ekuaarã omoma’ẽ porãve hag̃ua iñemurã ñandutípe?
-
Nahániri, ndorojoguái yvypóra mba’ekuaarã omyakã hag̃ua ñemurã.
Rojeruréramo oreirũ ñemurãguávape oiporu hag̃ua mba’ekuaarã ha’etéva umi ñanduti renda ha avei mbohetaha oikuaáva poruhára rehegua mba’e kundaha térã mba’e’okápa oiporu.
- Ajépa, hi’ã chéve pemo’ã añetehápe ñeniguáva.
-
Heẽ, rojapo.