Ñemurã jokoha – ñemurã echa’e’ỹha rovake.

Hetaiterei ñemurã, sa’i py’aguapy… Ejokohápema pe tavyraireko.

Tapicha ohecha 4,000 ñemurã peteĩ árape. Hetaireímarõ ndéve, ñemurã jokoha ha’éta ne irũ.

Peteĩ maranduñemurã jokoha ha’e tembiaporape ojeporukuaáva ani hag̃ua ojehecha maranduñemurã, ha omba’apo mokõi hendáicha. Peteĩhápe maranduñemurã jokoha omboyke jehecha apopyvusúgui, péicha pe ñemurã nosẽi nde kuatiaroguépe. Ambue hendáicha umi maranduñemurã jokoha ndohechaukái ñanduti renda vore ikatúva ha’e ñemurã.

Ko’ã ñemurã ikatu ha’e ta’ãngamýi ryapu maranduñemurãva, ñemurã nderapykuehóva ñandutípe, tapykuehoha, kookie mbohapyháva ha hetave. Eiporu hag̃ua maranduñemurã jokoha, ikatu eheka maranduñemurã rembiporu’i jokoha eiporukuaáva ne kundahápe. Firefox, techapyrã, oguereko ko tembiporu’i rysýi ñemurã jokoha moneĩmbyre. Eikutu ko tysýi ( térã maranduñemurã jokoha moneĩmbyre ne kundahápe g̃uarã) ha ehecha mba’etépa pe eikotevẽva.

Eheka ñemurã jokoha ndéve g̃uarãite

Oĩ AdBlocker Ultimate omboguéva maranduñemurã, hákatu ehechava’erã oĩha jehaipyre oikotevẽva ko maranduñemurã rehe. Hetaiterei tapicha ojokóramo maranduñemurã ikatu oheja chupe okápe.

Maranduñemurã iñapysẽva, umi ivaivéva. Ejoko Popup Blocker ndive ha araka’eve nderehechamo’ãi ambue mba’eporu iñapysẽva.

Peteĩ ñemurã jokoha ojeporuvéva Chrome, Safari ha Firefox-pe ha’e AdBlock. Eiporu ejoko hag̃ua ñemurã Facebook, YouTube ha Hulu-pe.

Emoheñói tenda ijehapykuehokuaa’ỹva tetepy jokoha ndive

Firefox-pe ikatu eiporu ko ñemboheko Ñemigua térã Tetepy jokoha eñangarekove hag̃ua jehapykuehoha oikuave’ẽva ñemurã.

Eiporavo ne ñemo’ã ra’ãha

Eñepyrũ hag̃ua, eikutu Firefox poravorãme yvate akatúa gotyo mba’erechahápe. Ojehecha mbohapy tairenda ojo’áripa. Pe poravorã ojepysóvape, eikutu Tetepy jejoko. Ehecháta ovetã apysẽ hovýva heta jeporavopyrã ndive.

Tereho py’aguapýpe Standard reko ndive

Ehechaitereíramo ñemurã ojapovai nderehe ha nandepy’apýi tapykuehoha ha kookie mbohapyháva nde rapykuehóramo, upéicharõ pe Estándar reko ha’eva’erã pe eikotevẽva. Emboyke hag̃ua Estándar reko, eiporukuaa ovetã Kundaha ñemíme.

Eñemohatã pe ijayvu mbaretéva ndive

Ehechaitereíramo ñemurã ojapovai nderehe, upéicharõ pe Estricto reko ouporãta ndéve. Ko teko ojoko tapykuehoha ha kookie mbohapyháva oĩva opaite Firefox rovẽtáme.

Ejapo ndete ayvu nemba’etepyrépe

Pe ñemboheko momba’epyréva ome’ẽve poravopyrã. Ikatu eiporavo mba’etépa pe ejokótava, oikehápe tapykuehoha, kookie ha hetave. Emoneĩramo kookie tendaitégui, reimétama Momba’epyre rekópe.

Emo’ã nde rapykuere, jehapykueho jokoha

Eikutu pe Tapykuehoha ha ikatu ejoko umi tapykuehoha mokõi hendáicha. Peteĩhápe ejoko tapykuehoha eime jave ovetã ñemíme. Ambue hendáicha katu ejokokuaa opaite ovetãme. Ehechakuaáke ejokóramo umi tapykuehoha opa ára, ikatu hína peteĩva kuatiarogue nahenyhẽporãi.

Ejapyhy michĩmi kookie

Ko’ã Kookie omoheñóiva ñanduti renda eikehague. Oiko ne mohendahápe ha ohechapaite ne rembiapo tenda pegua. Peteĩ aerolínea omopu’ãramo jeho repy nde ehecha rupi jeho repy pe árape, péva ojapo kookie.

Firefox-pe, ikatu ejoko opaite kookie mbohapyháva térã avei umi omoheñóiva tapykuehohára añómte. Ehecháke ejokóramo opaite kookie ikatu oimeraẽ tenda ndokoporãmbái.

Send ejehapykueho’ỹ hag̃ua

Ndereipotáiramo nde reko ñandutípe ojeporu ñemurã, ikatu eguerahauka tendakuérape ñe’ẽmondo he’íva ndereipotaiha jehapykueho eikutúvo jeporavorã Tapykueho’ỹ Firefox guive. Ejapo ndejehegui, hákatu umi ñanduti renda ohechakuaáta kóva, nanderapykuehomo’ãvéima upe rire.

Embopya’eve maranduñemurã rupive

Heta jey, maranduñemurã jokoha ikatu nepytyvõ ne kundaha ipya’eve hag̃ua. Henyhẽkuévo ñemurã, ikatu omombegueve ñanduti renda. Upéicha avei, nemombegueve ejuhu hag̃ua umi ehekáva ehecháramo ambue ñemurã emboty hag̃ua.

Eikuasérõ mba’éichapa ejokóta ñemurã, oĩ heta moimbaha ejoko hag̃ua maranduñemurã Firefox peg̃uarã ha ambue kundahárape. Eiporusérõ maranduñemurã jokoha Firefox mba’éva, eikutu ápe emboguejy hag̃ua peteĩ kundahára omotenondéva nde rekoñemi.