Mozilla

An misean atá againn ná troid ar son an Idirlín mar acmhainn phoiblí dhomhanda atá oscailte agus ar fáil do chách; acmhainn a chuireann daoine chun tosaigh; áit inar féidir d'eispéireas féin ar líne a mhúnlú, agus áit ina mbraitheann tú cumhachtach, neamhspleách, agus slán sábháilte.

Is comhphobal domhanda é Mozilla: teicneolaithe, smaointeoirí agus cruthaitheoirí atá ag comhoibriú chun Idirlíon beo inrochtana a chothú, sa chaoi go mbeidh daoine ar fud an domhain in ann páirt a ghlacadh ar an nGréasán ar bhonn eolais. Creidimid go bhfuil an comhoibriú domhanda seo ar ardán oscailte riachtanach d'fhorbairt an duine aonair agus dár dtodhchaí coitianta.

Léigh Forógra Mhozilla chun tuilleadh eolais a fháil faoi na luachanna agus na prionsabail atá dár stiúradh.

Breathnaigh ar an bhfíseán thuas chun foghlaim fúinn: cé muid féin, cárbh as muid, agus cén chaoi a bhfuilimid ag cur feabhais ar an nGréasán ar do shonsa.