Addenda a lo Manifiesto de Mozilla
Compromís per una Internet saludable
La internet ubierta y global ye lo recurso de comunicación y de colaboración mas poderoso nunca visto. Encarna belunas d'as nuestras esperanzas mas fundamentals quanto a lo progreso humano. Ofreix nuevas posibilidatz d'aprendizache, de desenvolvimiento d'un sentimiento de pertenencia común a la humanidat y de resolución de problemas urchents a los quals la chent fa frent per tot los cabos.
En o zaguer decenio, hemos visto que esta promesa s'ha concretau de muitas maneras. Pero hemos visto que lo poder d'Internet s'ha feito servir tamién pa amplificar las divisions, incitar a la violencia, promover l'odio y manipoliar intencionadament los feitos y la realidat. Hemos parau cuenta que habremos de formular mas clarament las nuestras aspiracions quanto a l'uso d'internet. Lo femos agora.
- Nos comprometemos per una internet que incluiga a totz los pueblos d'a planeta: un entorno en o qual las caracteristicas demograficas d'una persona no determinen lo suyo acceso a Internet, ni las suyas oportunidatz ni calidat d'experiencia en linia.
- Nos comprometemos per una Internet que promueva lo dialogo civil, la dignidat humana y la libertat d'expresión individual.
- Nos comprometemos per una Internet que valore lo pensamiento critico, las discusions argumentadas, lo conoiximiento compartiu y los feitos verificables.
- Nos comprometemos per una Internet que catalice la colaboración entre diversas comunidatz que treballan chuntas per lo bien común.
Los nuestros diez principios
-
Principio nº 1
Internet fa parte integra d'a vida moderna — un component clau en a educación, a comunicación, a colaboración, os negocios, l'entretenimiento y la sociedat en conchunto.
-
Principio nº 2
Internet ye un recurso publico global que ha de seguir estando ubierto y accesible.
-
Principio nº 3
Internet ha d'enriquir la vidat de totz los sers humanos.
-
Principio nº 4
La seguranza y privacidat d'os individuos en internet ye fundamental y no se puede considerar opcional.
-
Principio nº 5
Los individuos han de tener la posibilidat de modelar Internet y las suya experiencias en o ret.
-
Principio nº 6
La efectividat d'Internet como un recurso publico pende en a interoperabilidat (protocolos, datos, formatos, contenius), la innovacion y la participación descentralizada mundial.
-
Principio nº 7
Los software libre y de codigo fuent ubierto favoreix lo desenvolvimiento d'Internet com recurso publico.
-
Principio nº 8
Los procesos transparents basaus en a comunidat promueven la participación, la responsabilidat y la confianza.
-
Principio nº 9
La inversión comercial en o desenvolvimiento d'Internet traye muitos beneficios; un equilibrio adequau entre los beneficios comercials y l'interés publico ye crucial.
-
Principio nº 10
Difundir y amplificar los beneficios d'Internet pa totz ye un obchectivo important, que mereix adedicar-le tiempo, atención y compromís.