Lo manifiesto de Mozilla

Introducción

Internet s'ha convertiu, per cada día, en una parte mas important d'as nuestras vidas.

Lo prochecto Mozilla ye una comunidat mundial de personas que creye que la obridura, la innovación y la oportunidat son fundamentals pa la integridat d'Internet. Dende 1998 treballamos chuntos pa garantizar que Internet se desenvuelva en beneficio d'a sociedat. Somos conoixius, mas que mas, per haber creyau lo navegador Mozilla Firefox.

Lo prochecto Mozilla tiene una forma de treballo basada en a comunidat que le permite creyar software de codigo ubierto de primera calidat y desenvolver nuevas clases d'actividatz colaborativas. Creigamos comunidatz de personas dedicadas a aconseguir una millor experiencia en Internet pa totz.

Como que resultau d'estes esfuerzos, hemos elaborau qualques principios que consideramos fundamentals pa que Internet contine beneficiando tanto a lo bien publico como a los aspectos comercials d'a vida. Contino enumeramos estes principios.

Los obchectivos d'o manifiesto son:

1. definir una visión d'Internet que los participants de Mozilla deseyen que alcance la Mozilla Foundation;
2. poder comunicar-nos con a chent, tiengan u no conoixencias tecnicas;
3. aconseguir que los colaboradors de Mozilla sían orgullosos d'o que somos fendo y que esto nos motive a continar; y
4. fornir un punto de partida pa que atras personas amilloren esta visión d'Internet.

Estes principios no se fará realidat ells soletz. Fa falta chent que fagan Internet ubierto y participativo - chent actuando como individuos, treballando chuntos en grupos y liderando a otri. La Mozilla Foundation ye compromesa a abanzar en os principios indicaus en o Manifiesto Mozilla. Convidamos a los de demás a unir-se a nusatros y fer d'Internet un millor puesto pa totz.

Principios

1. Internet ye una parte integral d'a vida moderna: un component clau pa la educación, la comunicación, la colaboración, los negocios, l'entretenimiento y pa la sociedat en o suyo conchunto.
2. Internet ye un recurso publico mundial que ha de seguir estando ubierto y accesible.
3. Internet ha d'enriquir la vida d'os sers humans.
4. La seguranza y la protección d'os datos d'os usuarios en Internet son fundamentals y no han de considerar-se como bella cosa opcional.
5. Los usuarios han de tener la posibilidat de definir la Web y la suya propia experiencia en o ret.
6. La efectividad d'Internet como recurso publico pende d'a interoperabilidad (protocolos, formato de datos, conteniu), la innovación y la participación descentralizada en totz.
7. Lo software libre y de codigo ubierto promueve lo desenvolvimiento d'Internet como recurso publico.
8. Los procesos transparents basaus en a comunidat promueven la participación, la responsabilidat y la confianza.
9. Lo embrecamiento comercian en o desenvolvimiento d'Internet traye muitos beneficios; un balance entre lo proveito comercia y lo beneficio publico ye critico.
10. Maximizar los aspectos de beneficio publico d'Internet ye un obchectivo important que mereixe lo nuestro tiempo, atención y compromís.

Dillá d'o Manifiesto de Mozilla

I hai diferents maneras de fer creixer los principios d'o Manifiesto de Mozilla. Femos una ampla gama d'actividatz y esperamos contar con a mesma creyatividat que los participants de Mozilla han contrimostrau en atras arias d'o prochecto. Pa las personas que no sían fundament involucradas con o prochecto Mozilla, una forma basica y muit efectiva d'emparar lo manifiesto ye usar Mozilla Firefox u qualsiquiera d'os atros productos que represeentan los principios d'o manifiesto.