لائنیکس مُفت، اوپن سورس، اَتے لوڑ مطابق ہِے، پَر اِیہ آن لائن سیکیورٹی اَتے رازداری دے مسئلیاں کنوں محفوظ کائنی۔ ٻئے آپریٹنگ سسٹم دے صارفاں آلی کار، لائنیکس دے صارفاں کوں سنسر شپ، نگرانی اَتے ہیکنگ دا سامھݨاں کرݨاں پون٘دا ہِے۔
Mozilla VPN کیا ہے؟
Mozilla VPNہِک ورچوئیل پرائیویٹ نیٹ ورک سروس ہِے جہڑی اوپن سورس سٹیٹ آف دی آرٹ انکرپشن دا استعمال کرین٘دی ہِے اَتے تُہاݙے نیٹ ورک دی کئیں سرگرمی کوں لاگ، ٹریک یا شیئر کائنی کرین٘دی۔ اِیہ تُہاکوں 30+ مُلخاں وِچ 500 کنوں وَدھ سرورز نال جڑݨ دی اجازت ݙین٘دا ہِے۔
لائنکس کیتے Mozilla VPN کوں چݨوں؟
- تِکّھا اَتے قابلِ اعتماد: Mozilla VPN WireGuardپروٹوکول استعمال کرین٘دا ہِے، جہڑا ٻئے وی پی این پروٹوکولز دے مقابلے وِچ چَنڳی کارکردگی اَتے استحکام پیش کرین٘دا ہِے۔
- کُئی لاگز کائنی:Mozilla VPNتُہاݙے نیٹ ورک دی سرگرمی دا کُئی لاگ نِھیں رکھین٘دا۔ اَساں تُہاݙی ٹریفک دی جاچ یا اِیہ ریکارڈ نِھسے کرین٘دے جو تُساں کہڑے ویب سائٹاں اُتے وین٘دے ہِیوے۔
- وادھو حفاظتی خاصیتاں: اَساں اشتہاراں، ٹریکرز اَتے مالویئر کوں بلاک کرݨ کِیتے ڈی این ایس بلاکنگ دا استعمال کرین٘دے ہِسے۔ جݙاں جو ہِک براؤزر صرف ویب سائٹاں کوں تُہاکوں میلوئیر ݙیوݨ اَتے تُہاکوں ٹریک کرݨ کنوں روک سڳدا ہِے۔
- ڈیوائس دی سطح دی انکرپشن: وی پی این دے برعکس جہڑے صرف تُہاݙے براؤزر ٹریفک کوں انکرپٹ کرین٘دے ہِن، Mozilla VPNتُہاݙی ڈیوائس دی ساری ٹریفک کوں انکرپٹ کرین٘دا ہِے، تُہاݙے سبّھے ایپلیکیشناں اَتے گیماں سمیت۔
- ملٹی-ہاپ رؤٹنگ: وادھو تحفظ کِیتے، Mozilla VPNتُہاݙی ٹریفک کوں انکرپٹ کر سڳدا ہِے اَتے اِیکوں ہِک دی بجائے ݙُو مقاماں کنوں روٹ کر سڳدا ہِے، جین٘دے نال کئیں کِیتے وی تُہاݙی آن لائن سرگرمی دا پتہ لاوݨ اَوکھا تھی وین٘دا ہِے۔
- سادہ اَتے بدیہی انٹرفیس: ہِک کلک دے نال سروس نال جُڑو۔ تُساں آپݨیاں لوڑاں دے مطابق آپݨیاں ترتیباں اَتے ترجیحاں کوں وی آپݨی مرضی دے مطابق بݨا سڳدے ہِیوے۔
- اِیہ نیٹ دی غیرجانبداری کوں بحال کرݨ وِچ مَدَت کرین٘دا ہِے: Mozilla VPNانٹرنیٹ فراہم کرݨ آلیاں کوں تُہاݙی بینڈوتھ کوں تھروٹل کرݨ کنوں، یا اُنّھاں ویب سائٹاں یا خدمتاں کو بلاک کرݨ کنوں روک کے تُہاݙی آن لائن سرگرمیاں دا کنٹرول ولدا گِھنّݨ وِچ مَدَت کرین٘دا ہِے جو اُوہ نِھیں کرین٘دے، اُنّھاں کوں بھان٘دا کائنی، یا جو اُنّھاں دی آپݨی پیشکش دے نال مقابلہ کرین٘دے ہِن۔
- جی یو آئی ڳاہک Mozilla VPNدے کول جی یو آئی ڳاہک (گرافیکل یوزر انٹرفیس) ہِے، جݙاں جو کُجھ وی پی این فراہم کرݨ آلے صرف سی ایل آئی ورژن (کمانڈ لائن) فراہم کرین٘دے ہِن۔
Mozilla VPNاستعمال کر کے، تُساں آپݨی آن لائن سرگرمیاں دا کنٹرول وَلدا گِھن سڳدے ہِیوے اَتے آپݨی رازداری اَتے ڈیٹا دی راکھی کر سڳدے ہِیوے۔ اَڄّو Mozilla VPNڈاؤن لوڈ کرو اَتے 30 ݙِین٘ہ دی رقم وَلاوݨ دی گارنٹی نال چَساں چاؤ کئیں لاگ، کئیں پریشانی اَتے کئیں خطرے مُتُّوں۔
Linux تے Mozilla VPN انسٹال کین٘ویں کروں
ڄیکر تُساں حمایت یافتہ یوبنٹو ریلیز وِچوں ہِک استعمال کرین٘دے ہِیوے تاں، لانچ پیڈ: اُتے میزبان موزیلا وی پی این آفیشل پیکجز کوں انسٹال کرݨ دے ݙو طریقے ہِن۔
- یوبنٹو کمانڈ لائن موڈ: کمانڈ لائن موڈ ٹولز دا استعمال کرین٘دے ہوئے Mozilla VPNکوں انسٹال کرݨ دے بارے وِچ تفصیلی ہدایتاں کِیتے، ݙیکھوکیویں انسٹال کروں Mozilla VPNلائنیکس کمپیوٹر اُتے
- یوبنٹو گرافیکل صارف انٹرفیس: اِیں مضمون اُتے ون٘ڄو اَتے نجی پیکیج آرکائیوز کوں شامل کرݨ دے سیکشن وِچ ݙِتّیاں ڳئیاں ہدایتاں اُتے عمل کرو۔
ٻِیا اِیہ جو، غیر حمایت یافتہ لائنیکس ڈسٹری بیوشنز کِیتے، تُساں آفیشل گِٹ ہَب ذخیرہکنوں سورس کوڈ گِھن اَتے مرتّب کر سڳدے ہِیوے۔