Mozilla دے ڈیٹا رازداری عمومی سوالات

اساں منافع دی بجائے لوکاں کیتے کھڑے ہیں۔

لوکاں کیتے ایہ ڄاݨݨ اوکھا تھی سڳدا ہے جو او اڄ کل استعمال تھیندے کہیں وی سافٹ ویئر یا خدمات کنوں کیا جھانجھ رکھیندے ہن۔ اساݙی زندگیاں کوں طاقت بخشݨ والی ٹیکنالوجی پیچیدہ ہے تے لوکاں دے کول تفصیلاں ڄاݨݨ دا وقت کائنی۔ ایہ ہݨ وی Firefox کیتے درست ہے، جتھاں اساکوں معلوم تھیندا ہے جو لوک اپݨے براؤزر وِچ ہڈ دے تلے کیا تھیندا پیا ہے ایندے بارے ٻہوں سارے مختلف خیالات رکھیندے ہن۔

Mozilla وچ اساں تہاݙی ذاتی معلومات دا احترام تے حفاظت کریندے ہیں:

• اساں دی رازداری دے اصولاں دی پیروی کریندے ہیں جیڑھے Firefox ڈیسک ٹاپ تے موبائل براؤزر وِچ رازداری کیتے اساݙے نقطہ نظر کوں تشکیل ݙیندے ہن۔
• اساں صرف اُوہو ڈیٹا کٹھا کریندے ہیں جیندی ساکوں بہترین مصنوعات تیار کرݨ کیتے لوڑ ہوندی ہے۔
• اساں لوکاں کوں انہاں دے ڈیٹا تے آن لائن تجربات دے کنٹرول وچ رکھدے ہیں۔
• اساں "کوئی سرپرائز کائنی" دے اصول تے کاربند ہیں، یعنی اساں ایں ڳالھ کوں یقینی بݨاوݨ کیتے سخت محنت کریندے ہیں جو لوکاں دی Firefox دی سمجھ حقیقت نال میل کھاندی ہے۔

ہیٹھلے سوال جواب ایہ سمجھݨ کیتے تہاݙی مدد کریسن جو Firefox تے Mozilla کنوں کیا کیا امیداں رکھوں:

میں ویب تے تقریباً ہر چیز کیتے Firefox استعمال کریندا ہاں۔ Mozilla دے تساں لوکاں کوں میݙے بارے ٻہوں ساریاں چیزاں ضرور معلوم تھیسن، ٹھیک ہے؟

Firefox، او ویب براؤزر جیڑھا تہاݙے آلے یا کمپیوٹر تے چلدا ہے، تہاݙا انٹرنیٹ دا گیٹ وے ہے۔ تہاݙا براؤزر انہاں ویب سائٹاں دے بارے ٻہوں ساریاں معلومات منظم کریسے جیڑھا تساں ݙیکھدے او، لیکن او معلومات تہاݙے آلے تے رہندیاں ہن۔ Mozilla وہ کمپنی جیڑھی Firefox بݨیندی ہے، اینکوں نہیں کریندی (جݙاں تائیں تساں اساں کنوں نہ پچھو)

واقعی، تساں میݙی براؤزنگ تاریخ کوں کٹھا نہوے کریندے؟

Mozillaاتنا نہیں ڄاݨدا جتنا تساں ایں بارے توقع کریسو جو لوک ویب کوں کیویں براؤز کریندے ہن۔ ہک براؤزر بݨاوݨ والے دے طور تے، ایہ دراصل اساݙے کیتے ہک وݙا چیلنج ہے۔ ایں سانگے اساں آپٹ ان ٹولز بݨیندے ہیں، جیڑھے دلچسپی رکھݨ والے صارفین کوں انہاں دے ویب دے بارے وِچ اساکوں بصیرت فراہم کرݨ دی اجازت ݙیندے ہن۔ براؤزنگ جے تساں اپݨی براؤزنگ دی تاریخ کوں Firefox تفصیلاں وِچ ہم آہنگ کریندے او، تاں اساں نہیں ڄاݨدے جو او تاریخ کیا ہے — کیوں جو ایہ تہاݙے آلے دے ذریعے ڳجھا ہے۔

ایویں لڳدا ہے جو ویب تے موجود ہر کمپنی میݙا ڈیٹا خرید تے فروخت کریندی پئی ہے۔ تساں شاید مختلف کائنوے۔

Mozilla تہاݙے بارے ڈیٹا کائنی وچیندی، تے اساں تہاݙے بارے ڈیٹا مُل کائنی گھندے۔

انتظار کرو، تساں پیسہ کین٘ویں کماندے ہو؟

Mozilla تہاݙی اوسط تنظیم کائنی۔ 1998 وِچ ہک کمیونٹی اوپن سورس پروجیکٹ دے طور تے قائم کیتا ڳیا، Mozilla ہک مشن تے مبنی تنظیم ہے جیڑھا زیادہ نروئے انٹرنیٹ کیتے کم کریندی ہے۔ Mozilla Corporation دی آمدݨ دا زیادہ تر حصہ Firefox ویب براؤزر دی ڳول دی شراکت تے دنیا بھر وِچ تقسیم دے سودیاں دے ذریعے حاصل کردہ رائلٹی نال ہے۔ تساں اپݨی سالانہ مالیاتی رپورٹ وِچ ایں بارے ودھیک ڄاݨ سڳدے او جو اساں کیویں پیسہ کماندے ہیں۔

ٹھیک ہے، او پہلے کجھ سافت بالاں ہن۔ تساں کیڑھا ڈیٹا کٹھا کریندے او؟

Mozilla ڈیٹا دا ہک محدود سیٹ بذریعہ ڈیفالٹ Firefox کنوں جمع کریندا ہے جیڑھا اساکوں ایہ سمجھݨ وِچ مدد کریندا ہے جو لوک براؤزر دا استعمال کیویں کریندے ہن۔ او ڈیٹا تہاݙے ناں یا ای میل ایڈریس دے بجائے بے ترتیب سنڄاݨ کنندہ نال منسلک ہے۔ تساں ایندے بارے اساݙے پرائیویسی نوٹس تے پڑھ سڳدے او تے تساں ایہ ڈیٹا کٹھا کرݨ کیتے مکمل دستاویزات پڑھ سڳدے او۔

اساں اپݨیاں دستاویزات کوں عوامی بݨیندے ہیں تاں جو کوئی وی ایں ڳالھ دی تصدیق کر سڳے جو اساں کیا آہدے ہیں، اساکوں ݙساؤ جو کیا اساکوں بہتر کرݨ دی لوڑ ہے، تے ایہ اعتماد ہے جو اساں کجھ لُکیندے پئے ہیں۔

او دستاویزات میݙے کیتے خوش آئند ہن! کیا تساں میکوں سادہ انگریزی وِچ ݙے سڳدے او؟

اساں Firefox دے آپݨے ریلیز ورشناں وچ ڈیفالٹ ݙو ونکیاں دا ڈیٹا کٹھے کریندے ہیں۔

پہلا او ہے جینکون اساں "تکنیکی ڈیٹا" آہدے ہیں۔ ایہ خود براؤزر دے بارے ڈیٹا ہے، جیویں آپریٹنگ سسٹم جیندے اوتے ایہ چلدا پیا ہے تے غلطیاں یا کریشاں دے بارے وِچ معلومات۔

ݙوجھا او ہے جینکوں اساں "انٹریکشن ڈیٹا" آہدے او۔ ایہ Firefox دے نال کہیں ڄݨے دی مصروفیت دے بارے ڈیٹا ہے، جیویں کھلے ہوئے ٹیباں دی تعداد، صارف دیاں ترجیحاں دی حیثیت، یا براؤزر دی مخصوص خصوصیات دے استعمال دی تعداد، جیویں سکرین شاٹس یا کنٹینرز۔ مثال دے طور تے، اساں ایں ڈیٹا کوں بیک بٹن دے لحاظ نال جمع کریندے ہیں، او تیر جیڑھا تہاݙے براؤزر دے اولتے کھٻے کونے وِچ ہے جیڑھا تہاکوں پچھلے ویب ورقے تے ایں طراں نیویگیٹ کرݨ ݙیندا ہے جیویں اساکوں معلوم تھیندا ہے جو کہیں بیک بٹن استعمال کیتا ہے، لیکن ایہ نہیں ݙسیند۔ کیڑھے مخصوص ویب ورقیاں تائیں رسائی حاصل کیتی ویندی ہے۔

بھلا تساں Firefox دے پری ریلیز ورشناں وچ ٻیا ڈیٹا کٹھا کریندے ہو؟

ایں طراں، اوتے بیان کردہ ڈیٹا دے علاوہ، اساکوں Firefox دے پری ریلیز ورژن وِچ بطور ڈیفالٹ کریش تے خرابی دیاں رپورٹاں وصول تھیندیاں ہن۔

اساں اپݨے مطالعے وِچوں کہیں ہک کیتے پری ریلیز وِچ اضافی ڈیٹا وی جمع کر سڳدے ہیں۔ مثال دے طور تے، کجھ مطالعے دی ضرورت پوندی ہے جینکوں اساں "ویب سرگرمی ڈیٹا" ڈیٹا آہدے ہیں، جیندے وِچ کجھ ویب سائٹاں دے بارے URLs تے ٻیاں معلومات شامل تھی سڳدیاں ہن۔ ایندے نال اساکوں Firefox کوں بہتر بݨاوݨ کیتے مخصوص سوالاں دے جواب ݙیوݨ وِچ مدد ملدی ہے، مثال دے طور تے، مشہور ویب سائٹاں کوں مخصوص مقامات وِچ بہتر طریقے نال کجھ مربوب کیا ونڄے۔

Mozilla دے Firefox دے پری ریلیز ورژن ترقیاتی پلیٹ فارم ہن، جیڑھے تجرباتی خصوصیات دے نال اکثر اپ ڈیٹ تھیندے ہن۔ ایہ تجرباتی خصوصیات کیویں کم کریندیاں ہن اینکوں سمجھݨ کیتے اساں ریلیز دے بعد جیڑھا کجھ کریندے ہیں ایں کنوں پہلے ریلیز وِچ زیادہ ڈیٹا کٹھا کریندے ہیں۔ تساں ترجیحاں وِچ ایں ڈیٹا کوں جمع کرݨ نال آپٹ آؤٹ کر سڳدے او۔

پر تساں کوئی وی ڈیٹا کیوں کٹھا کریندے ہو؟

جے اساں نہیں ڄاݨدے جو براؤزر کینجھی کارکردگی دا مظاہرہ کریندا پیا ہے یا لوک کیڑھیاں خصوصیات استعمال کریندے ہن، تاں اساں بہتر نہیں بݨا سڳدے تے تہاݙی مطلوبہ بہترین بݨتر فراہم نہیں کر سڳدے۔ اساں ڈیٹا کٹھا کرݨ تے تجزیہ کرݨ والے ٹولز بݨاوݨ وِچ سرمایہ کاری کیتی ہے جیڑھی اساکوں لوکاں دی رازداری دا احترام کریندے ہوئے اپݨی پروڈکٹ دے بارے ہوشیار فیصلے کرݨ دی اجازت ݙیندے او۔

ڈیٹا کٹھا کرݨ اڄݨ وی میکوں وڳڑیندے۔ بھلا میں ایں کوں بند کر سڳداں؟

جیا۔ صارف دا کنٹرول اساݙے ڈیٹا دی رازداری کے اصولاں وِچوں ہک ہے۔ اساں اونکوں اپݨے پرائیویسی ترتیباں ورقہ تے Firefox وِچ عملی جامہ پویندے او، جیڑھا کہیں وی شخص کیتے ہک سٹاپ شاپ دے طور تے کام کریندا ہے۔ Firefox وِچ انہاں دی رازداری۔ تساں اتھاں ڈیٹا جمع کرݨ بند کر سڳدے او۔

میݙے کھاتے دے ڈیٹا دا کیا تھیسی؟

اساں ڈیٹا کوں کم از کم کرݨ دے وݙے منݨ والے ہیں تے اینجھاں چیزاں نہیں منگدے جنہاں دی اساکوں لوڑ ہے۔

تہاکوں Firefox استعمال کرݨ کیتے اکاؤنٹ دی ضرورت کائنی۔ تمام آلات تے ڈیٹا دی مطابقت پذیری کیتے کھاتے درکار ہن، لیکن اساں تہاں کنوں صرف ہک ای میل پتہ طلب کریندے ہیں۔ اساں تہاݙا ناں، پتہ، سالڳنڈھ تے فون نمبر جیہاں چیزاں نہیں ڄاݨݨ چاہندے۔

تساں اپݨے مارکیٹنگ مکس دے حصے دے طور تے ڈیجیٹل اشتہارات استعمال کریندے او۔ کیا تساں اپݨے آن لائن اشتہاراں کوں بہتر طریقے نال نشانہ بݨاوݨ کیتے لوکاں دا ڈیٹا مُل گھندے او؟

کو، اساں ٹارگٹ اشتہار بازی کیتے لوکاں دا ڈیٹا مُل نسے گھندے۔

اساں اپݨےمشتہرین بھائی والاں کوں صرف فریق اول ڈیٹا استعمال کرݨ دا آہدے ہیں جیڑھا ویب سائٹاں تے پبلشرز کوں تمام صارفین دے بارے ڄاپدا ہے، جیویں جو تساں جیڑھا براؤزر استعمال کریندے پئے او تے تساں جیڑھے ڈیوائس تے او۔

ٹھیک ہے، ایویں لڳدا ہے جو تساں واقعی ایں رازداری دے سامان تے میݙی پٹھ بھرائی کریندے پئے او۔

جیا، اساں کریندے ہیں۔

Mozilla انٹرنیٹ دی حفاظت کین٘ویں کریندے ایں بارے ودھیک لبھو۔