انٹرنیٹ بجلی تے واہندے پاݨی دے وانگ ضروری تھی ڳیا ہے، ایں سانگے تہاݙے کیتے بہترین براؤزر دا انتخاب پہلے کنوں کتھائیں زیادہ اہم ہے۔ انٹرنیٹ ہک ٻیا دفتر ہے، ہک استاد تے کݙاہیں کݙآہیں طبی مشیر، اتنے تائیں جو تہاݙا اصل ڈاکٹر یہ پسند کریسے جو تساں اپݨیاں علامتاں کوں آن لائن نہ ݙیکھو۔
نوے ݙہاکے دی آدھل اِچ، Netscape، Internet Explorer تے AOL زمین دی تزئین تے غلبہ حاصل کیتا۔ ایہ ہک آسان وقت ہا جݙاں ڈائل اپ انٹرنیٹ دا میٹھا راڳ پورے ملک وِچ وڄدا پیا ہا۔ تساں ویب ورقیاں دے لوڈ تھیوݨ دے انتظار وِچ صبر دا مطلب سیکھ گھدا ہا۔ اوں ویلھے، جیڑھا کجھ اہمیت رکھیندا ہا او براؤزر دی رفتار ہئی۔
اڄ ہک انج کہانی ہے۔ اشتہارات، پرائیویسی ہیکس، سیکیورٹی دیاں خلاف ورزیاں، تے جعلی خبراں تہاکوں براؤزر وِچ ٻیاں خصوصیات کوں ݙیکھݨ تے مجبور کر سڳدیاں ہن۔ براؤزر تہاݙی رازداری دی حفاظت کیویں کریندا ہے؟ کیا ایہ ٹریکرز کوں ویب تے تہاݙی پیروی کرݨ دی اجازت ݙیندا ہے؟ کیا ایہ ہکے لنڳے ملٹی ٹاسک تے ٻہوں سارے کمپیوٹر تے انٹرنیٹ آپریشنز کوں ہینڈل کرݨ کیتے بݨایا ڳیا ہے؟
جے تساں سوچیندے پئے او جو نجی یا تکھا براؤزر رکھݨ دا کیا مطلب ہے، تاں اتھاں ترائے چیزاں دا بریک ڈاؤن ہے جیڑھا براؤزر دے کول ہووݨا چاہیدا اے۔
رفتار کیتے بݨیا ہویا براؤزر
ہک براؤزر ہݨ وی ہک ٹول ہے، لہذا ایہ سمجھ اِچ آندا ہے جو تساں ایں کم کیتے بہترین کوں منتخب کرݨا چاہسو۔ جے تساں ہک انسان او جیویں زندہ رہݨ کیتے کم کرݨ دی ضروری ہے، تاں تہاکوں تیز رفتار انٹرنیٹ براؤزر دی ضرورت ہوسے۔ ذہن وِچ رکھݨ کیتے ہم چیز ہک براؤزر ہے جیڑھا تھرڈ پارٹی ٹریکرز کوں چلیندا ہے ایں براؤزر نال زیادہ سست تھیوݨ دا امکان ہے جیڑھا نہیں کریندا۔ تریجھے فریق دیاں ٹریکرز کوکیاں ہن، تے جݙاں تساں انہاں کوں نہیں ݙیکھ سڳدے، او قیمتی وقت کڈھیندے ہوئیں سائٹ دے پس منظر وِچ چلدے پئے ہن۔ براؤزر جتنے زیادہ تھرڈ پارٹی ٹریکرز کوں روکیندا ہے، ایہ اتنا ای تکھا چل سڳدا ہے۔
ایہ Firefox براوزر کوں منتخب کرݨ دی ٻہوں ساریاں وجوہات وِچوں ہک ہے: Firefox تریجھے فریق دے ٹریکرز کوں بطور ڈیفالٹ بلاک کریندا ہے۔ اساݙے کول ٻیاں وی وجوہات ہن تے اساں انہاں کوں بعد اِچ ݙیکھسوں۔
ہک براؤزر جہڑا حفاظت کوں پہلے رکھدے۔
چھیکڑی وݙے پیمانے تے ڈیٹا دی خلاف ورزی یاد ہے؟ جے کائنی، تاں شاید ایں واسطے کہ ایویں اکثر تھیندا ہے۔ کمپنیاں گاہک دے ڈیٹا کوں روکیندیاں ہن، جیویں کہ انہاں دی ذاتی یا مالی معلومات، تے ہیکرز اینکوں چور کر گھندے ہن۔ جے تساں حفاظت کوں ترجیح ݙیندے پئے او ، تاں ہک محفوظ انٹرنیٹ براؤزر تہاݙے کیتے بہترین براؤزر ہے۔
کجھ طریقے ہن جنہاں نال برزؤزر اپݨے صارفین کوں محفوظ رہݨ وِچ مدد کر سڳدا ہے۔ ہک براؤزر جیڑھا نویں نکور سیکیورٹی ٹیک دے نال اپ ٹو ڈیٹ ہے تہاݙے کمپیوٹر تے ویب سائٹس کوں اݨ بھاوݨے وزٹرز، جیویں میلویئر یا کمپیوٹر وائرس کنوں بچاوݨ وِچ مدد کر سڳدا ہے۔
ݙوجھا ٻہوں زیادہ صارف دا ڈیٹا ذخیرہ نہیں کریندا پیا۔ ہیکرز او چیز چوری نہیں کر سڳدے جیڑھی اتھاں کائنی، ایہا وجہ ہے جو Firefox اپݨے صارفین دے بارے معلومات دی کم از کم مقدار رکھیندا ہے۔ Firefox ڄاݨدا ہے جے تساں براؤزر تے اپݨا عمومی مقام استعمال کریندے او پر تہاݙا ناں کائنی ٻلپن دا پلوڑ زناور یا تہاݙا من بھانوݨا رنگ۔
چھیکڑی پر کم از کم، ہک محفوظ براؤزر کوں تہاݙے اکاؤنٹس تے نظر رکھݨ وِچ مدد کرݨ کیتے ٹولز پیش کرݨے چاہیدے ہن۔ انہاں چتاوݨیاں دے بارے سوچو جیڑھیاں سیدھیاں تہاݙے ای میل تے ونڄن جے تہاݙے کہیں اکاؤنٹ دی خلاف ورزی تھیندی ہے یا آئیکنز جیڑھے تہاکوں ݙسیندے ہن جو آیا کوئی ویب سائٹ انکرپٹد ہے، (یعنی، جے تہاݙا کریڈٹ نمبر کہیں شاپنگ سائٹ تے درج کرݨ چنڳاں خیال ہے)
Firefox تہاکوں محفوظ رکھݨ کیتے کجھ نواں پیش کریندا پیا ہے: Mozilla Monitor۔ ایہ ہک مفت سروس ہے جیڑھی تہاݙے اکاؤنٹس تے کوئی عوامی ہیک تھیوݨ دی صورت وِچ تہاکوں آگاہ کریسے تے تہاکوں ݙسیسے جو آیا تہاݙے اکاؤنٹس ماضی وِچ ہیک تھئے ہن۔ ہک ٻئی صاف خصوصیت گرین لاک ہے۔ ایہ براؤزر ونڈو دے اوتلے کھٻے پاسے ہک چھوٹے ساوے آئیکن دی طراں لڳدا ہے۔ جے تساں Firefox تے ہو تے ساوا جندرا ݙیکھدے او، تاں ایندا مطلب ہے جو ویب سائٹ انکرپٹڈ تے محفوظ ہے۔ جے جندرا سرمئی ہے، تاں تساں کہیں وی حساس معلومات کوں داخل کرݨ بارے ݙو واری سوچ سڳدے ہو۔
ہک براؤزر جہڑا آپݨے کم نال کم رکھدے۔
ویب تے رازداری ہک گرم بٹن دا مسئلہ ہے۔ جے رازداری تہاݙیاں ترجیحاں دی تندیر وِچ پہلے نمبر تے ہے، تاں تساں ایویں براؤزر کوں تلاش کرݨ چاہندے او جیڑھا اینکوں سنجیدگی نال گھندا ہووے۔ اپݨے کیتے بہترین پرائیویٹ براؤزر دا انتخاب کریندے ویلھے، ٹریکنگ پالیسی ݙیکھو تے ݙیکھو جو براؤزر تہاݙے ڈیٹا کوں کیویں ہینڈل کریندا ہے۔ یہ تکنیکی سوالاں دی طراں لڳدے ہن، پر ایہا وجہ ہے جو کجھ براؤزر ٻنہاں دے مقابلے زیادہ نجی ہوندے ہن۔
ٹریکرز او تمام پریشان کن "کوکیاں" سنیہے ہن جیڑھے تہاکوں ایئر لائن سائٹاں تے ملدے ہن۔ ایہ تھرڈ پارٹی ٹریکرز ڄاݨدے ہن جو تساں کتھاں کلک کریندے او تے تہاݙے رویے دا تجزیہ کرݨ کیتے استعمال کیتا ونڄ سڳدا ہے۔ ہک نجی براوزر کوں صارفین کوں تھرڈ پارٹی ٹریکرز کوں بند کرݨ دا اختیار ݙیوݨا چاہیدا ہے، پر مثالی طور تے، انہاں کوں بطور طے شدہ آف کر ݙیوݨا چاہیدا ہے۔
ٹریکرز کوں ٹریکنگ کنوں روکݨ دا ٻیا طریقہ براؤز کرݨ کیتے پرائیویٹ موڈ استعمال کرݨ ہے۔ کوئی بھی براؤزر جیڑھا نجی ہووݨ دا دعویٰ کریندا ہے اونکوں نجی موڈ وِچ براؤزنگ دی پیشکش کرݨی چاہیدی اے۔
چیک کرݨ دا ہک آسان طریقہ براؤزر دے مواد دی ترتیب دے ورقہ تے رازداری دی پالیسی تے ونڄݨ ہے۔ پرائیویسی ویب پیج کوں ایہ ݙساوݨا چاہیدا ہے جو آیا تہاݙا ڈیٹا سانجھا کیتا ڳیا ہے تے کیوں۔ ایہا وجہ ہے جو Firefox رازداری دا نوٹس پڑھݨ آسان تے ڳولݨ آسان ہے۔
تہاݙے کیتے بہترین براؤزر دا انتخاب کرݨ گھر دا انتخاب کرݨ جیہاں ہے۔ تساں اپݨے اختیارات دی پٹ پھلور کرݨ چاہندے او، کجھ پرکھ پرچول کرݨ چاہندے او تے ایندی بنیاد تے فیصلہ کرݨ چاہندے او جو تہاݙے کیتے کیا اہم ہے۔
Firefox میں ، اساں یک ایجھا براؤزر بݨاوݨ کیتے سخت محنت کیتی ہے جیڑھا پہلے دی نسبت دوگنا تکھا ہے تے صارفین کوں اوندی آن لائن زندگی تے زیادہ کنٹرول فراہم کریندا ہے۔