Mozilla VPN

Ta protegia online cun Mozilla VPN per iOS

Va per segirezza svelta e simpla per tes iPhone u iPad, grazia a Mozilla, in dals nums ils pli fidads dal sectur tecnologic.

Dà in'egliada als pretschs & a la disponibilitad

Garanzia da restituziun da 30 dis

Tia sfera privata è nossa empermischun

Ti pos ta sentir protegì dad attatgaders ed egliadas mirvegliusas cura che ti es online – tant a chasa sco era en viadi – grazia a Mozilla VPN. Per in pretsch mensil favuraivel utilisescha quel il protocol avanzà WireGuard® per criptar las datas persunalas sin tes iPhone, iPad e sin ils blers auters apparats. Quai ta pussibilitescha da streamar emissiuns, giugar games, far cumpras e da suandar tias activitads dal mintgadi en l'internet, savend che ti es protegì.

Sco sviluppadra dal navigatur-web Firefox e sco ina da las cumbattantas las pli ferventas per la protecziun da datas en l'internet, s'engascha Mozilla per che ti possias ta sentir segir e respectà mintga giada che ti es online.

Tge che ti survegns cun Mozilla VPN:

  • Protecziun per maximalmain 5 apparats
  • Access a servers en passa 30 pajais
  • Criptadi a nivel da l'apparat
  • Nagina restricziun dal volumen da datas transferibel
  • Naginas registraziuns da tias activitads online – mai

Ta protegia en l'internet cura che ti es en viadi

Utiliseschas ti in WLAN public? Nagin problem. Grazia a Mozilla VPN pos ti ta sentir segir cura che ti controlleschas tes conto da banca en in café u midas tes pleds-clav al chantun da la via: ti pos far tut quai che ti fas normalmain sin tes iPhone u iPad – en tutta pasch.

Connexiun cun in singul clic

L'utilisaziun da Mozilla VPN è fitg simpla. I basta da tutgar in buttun per criptar tia connexiun e zuppentar l'adressa IP sin tes iPhone u iPad cun agid dal protocol avanzà WireGuard®.

Ta connectescha cun passa 500 servers en tut il mund

Fa cumpras davent da la Svizra. Streamescha dal Canada. Navighescha da l'Australia. Cun Mozilla VPN pos ti definir la posiziun da tes iPhone u iPad cun tscherner in da 30 pajais ed uschia scuvrir in mund entir plain cuntegn fascinant.

Va per l'access per enfin a 5 apparats

Cun in singul abunament pos ti utilisar Mozilla VPN sin enfin a 5 differents apparats dad iOS per iPhone ed iPad, Android, Mac, Windows e Linux.

Sveltezza maximala. Datas illimitadas.

Gioga games en l'internet, streamescha tias emissiuns preferidas e navighescha en l'internet cun sveltezza fenomenala – e quai senza quitads per il volumen da datas da Mozilla VPN: i ina dat nagina limita.

Tias datas restan privatas. Punct.

Tscherts purschiders da VPN registreschan tias activitads sin lur servers. Mozilla VPN na ta fastizescha betg en l'internet – anzi, nus ans dustain ferventamain cunter questa pratica. Quai è ina part fundamentala da nossa filosofia d'interpresa.