Mozilla VPN
Va per protecziun e sfera privata online cun Mozilla VPN per Android
Ta protegia cun ina tutgada sin tes telefon Android grazia a Mozilla, in dals nums ils pli fidads dal sectur tecnologic.
Dà in'egliada als pretschs & a la disponibilitad
Tia sfera privata è nossa empermischun
Sco sviluppadra dal navigatur-web Firefox e sco ina da las protecturas las pli ferventas da la protecziun da datas en la rait s'engascha Mozilla cun corp ed olma per tia sfera privata e tia segirezza cura che ti es online.
Fa la segira che tias datas èn protegidas cunter attatgaders ed egliadas mirvegliusas – tant a chasa sco era en raits WLAN publicas – cun Mozilla VPN. Per il pretsch dad in café survegnan tias datas persunalas sin tes apparat Android in criptadi avanzà via il protocol WireGuard®. Utilisescha Mozilla VPN per streamar shows, giugar games, administrar tias finanzas, per far cumpras e per tut tschellas activitads online, savend che tia connexiun è segira.
Tge che ti survegns cun Mozilla VPN:
- Protecziun per maximalmain 5 apparats
- Access a servers en passa 30 pajais
- Criptadi a nivel da l'apparat
- Nagina restricziun dal volumen da datas transferibel
- Naginas registraziuns da tias activitads online – mai
Ta protegia en l'internet, era cura che ti es en viadi
Mintgatant na stattan las datas mobilas betg a disposiziun ed il WLAN public è l'unica opziun. Grazia a Mozilla VPN sin tes apparat Android na stos ti mai ta far quitads cun endatar in pled-clav a l'eroport u cun far cumpras online en il café da tes quartier – ta connectescha cun ina tutgada e gia funcziuna la chaussa.
Ina tutgada cun il det per ta connectar
L'utilisaziun da Mozilla VPN per Android è fitg simpla. Tutga in buttun e tia connexiun è criptada automaticamain cun il protocol avanzà WireGuard®. Bel e finì!
Dapli che 500 servers en passa 30 pajais
Cun Mozilla VPN pos ti definir la posiziun da tes telefon Android cun tscherner in da passa 30 pajais. Quai munta che ti navigheschas sco sche ti fissas en il pajais che ti has tschernì. Quai è in'opziun divertenta ed interessanta per scuvrir il web dad ina nova perspectiva.
In abunament per enfin a 5 apparats
Cun Mozilla VPN pos ti connectar 5 differents apparats dad Android, iOS, Mac, Windows e Linux. Utilisescha la software sin tes telefonin, desktop, laptop, tablet ed auter pli.
Sveltezza fenomenala. Quantitads illimitadas da datas.
Gioga online, streamescha films e navighescha en il web cun sveltezza impressiunanta sin tes apparat Android – e tut quai cun in volumen da datas illimità.
Nagins protocols. Nagins fastizaders. Nagina violaziun da la sfera privata.
Blers purschiders da VPN protocolleschan tias activitads sin lur servers. Quai na faschain nus betg. Mozilla VPN na fastizescha mai tias activitads online – quai cuntraschess a tut quai che nus represchentain sco interpresa. Per nus han tia sfera privata e tia segirezza la prioritad absoluta.