Mozilla VPN
Protegia tia sfera privata sin apparats mobils cun agid da Mozilla VPN
Protegia tes smartphone e tablet cun in VPN da Mozilla, il piunier fidabel da la protecziun da datas en l'internet.
Dà in'egliada als pretschs & a la disponibilitad
Tia sfera privata è nossa empermischun
Fa la segira che la connexiun d'internet da tes telefonin restia privata, tuttina nua che ti utiliseschas Mozilla VPN, in instrument essenzial creà dals sviluppaders da Firefox.
Mozilla VPN impedescha che attatgaders e spiuns vesian tia adressa IP e zuppa tia posiziun online. Grazia al criptadi avanzà e senza limita da la sveltezza è la navigaziun ed il streaming sin tes smartphone u tablet ultra-svelt, segir e fidabel. Per ina tariffa mensila favuraivla pos ti proteger enfin 5 apparats e ta connectar cun numerus servers en tut il mund.
Tge che ti survegns cun Mozilla VPN:
- Protecziun per maximalmain 5 apparats
- Access a servers en passa 30 pajais
- Criptadi a nivel da l'apparat
- Nagina restricziun dal volumen da datas transferibel
- Naginas registraziuns da tias activitads online – mai
Ta protegia cura che ti utiliseschas in WLAN public
Noss VPN protegia tia connexiun cun l'internet cunter attatgaders e spiuns, uschia che ti pos far cumpras online en il café, controllar tes conto da banca en il tren e far tias fatschentas en l'internet savend che tia adressa IP è protegida.
Protecziun da datas cun in singul clic
L'applicaziun Mozilla VPN criptescha tia connexiun cun l'internet e zuppenta l'adressa IP da tes telefonin u tablet cun agid dal protocol avanzà WireGuard®.
Ta connectescha cun servers en tut il mund
Navighescha da la Brasilia. Gioga games davent dal Giapun. Streamescha da l'Australia. Mozilla VPN ta permetta da midar la posiziun da tes telefon u computer cun tscherner in da passa 500 servers en dapli che 30 pajais.
Protegia enfin 5 apparats
Cun tes abunament survegns ti access illimità a noss servetsch segir da VPN sin tes smartphone, tablet e computer desktop per iOS, Android, Mac, Windows e Linux.
Sveltezza fenomenala, naginas restricziuns
Streamescha videos, gioga games, fa cumpras e navighescha sco ina frizza. Mozilla VPN na vegn ni a limitar tes volumen da datas ni a ralentar tes smartphone.
Tia sfera privata ha prioritad
Nus da Mozilla na ramassain naginas datas davart tia persuna e nus na registrain era betg tias activitads online – ni via noss VPN ni via in da noss auters products. La protecziun da tias datas è il coc da la missiun generala da Mozilla.