Telechargiar Mozilla VPN per Windows…

Tia telechargiada da Mozilla VPN duess cumenzar automaticamain. Sche quai na capita betg,
reaviescha la telechargiada u returna per telechargiar per in auter apparat.

  1. 1. Avrir la datoteca

    Va en tes ordinatur da telechargiadas e clicca duas giadas sin la datoteca .msi

  2. 2. Lantschar l'applicaziun

    Ina trav da progress vegn a cumparair ed il process d'installaziun vegn a cumenzar

  3. 3. S'annunziar u sa registrar

    Endatescha tia adressa dad e-mail per t'annunziar u ta registrar e cumenza

  4. 4. Activar il VPN

    Tscherna ina posiziun da la glista da las posiziuns recumandadas per ina connexiun svelta e stabla u tscherna manualmain tia posiziun giavischada e mida lura la clavella sin ON

Dovras agid per cumenzar?

Qua chattas las dumondas las pli frequentas en connex cun la configuraziun da Mozilla VPN

Pertge duess jau utilisar Mozilla VPN

Essend che l'internet dominescha adina pli fitg nossa vita da mintgadi, daventan era la protecziun da datas e la segirezza online adina pli impurtantas. In VPN, ina rait virtuala privata, creescha in tunnel criptà tranter tes apparats e l'internet. Quel garantescha che la connexiun resta segira e privata e ta protegia en duas modas impurtantas:

  1. El zuppa tia adressa IP reala: quai gida a proteger tia identitad e renda nunvisibla tia posiziun per las websites che ti visitas.
  2. Criptadi da tes traffic d'internet: uschia na po nagin spiunar tias activitads en l'internet.

Co poss jau savair che il VPN funcziuna?

Mozilla VPN mussa indicaturs visuals dal status actual, tant en la trav d'utensils sco era sin il visur da partenza da l'applicaziun. Uschia èsi simpel da vegnir a savair sche tia activitad en l'internet è protegida u betg. Quests indicaturs ta permettan da t'atschertar che tia navigaziun è privata e segirada. Ultra da quai pos ti – durant che ti es connectà – visitar https://monitor.firefox.com/ per verifitgar sche tia adressa IP è zuppentada. Per ulteriurs detagls, consultescha per plaschair Co poss jau intervegnir sche Mozilla VPN è connectà?.

Co poss jau agiuntar in auter apparat?

Agiuntar in ulteriur apparat pos ti simplamain cun telechargiar ed installar la software Mozilla VPN e lura s'annunziar en tes Firefox Account existent sin il nov apparat. Per ulteriurs detagls, consultescha per plaschair Co agiuntar apparats a tes abunament da Mozilla VPN.

Datti tschertas praticas recumandadas en connex cun il diever dad in VPN?

Sch'igl è tia finamira da proteger tes traffic cun l'internet ed a medem mument mantegnair ina buna sveltezza, èsi recumandabel da tscherner in server ch'è uschè datiers da tia posiziun fisica sco pussaivel. Quai augmenta la reliabilitad e la sveltezza da tia connexiun cunquai che tes traffic cun l'internet na sto betg far in detur pli grond avant che arrivar a sia destinaziun previsa en il web.

Sch'igl è tia finamira da pertschaiver l'internet sco sche ti fissas en in'autra part dal mund, lura pos ti tscherner in server en il lieu giavischà e tut las websites che ti visitas vegnan visualisadas sco sche ti fissas là.

Sche ti vuls ta proteger anc meglier, pos ti activar las protecziuns cunter reclamas, fastizaders da reclama e malware cun ir a Parameters > Funcziuns per la protecziun da datas. Resguarda che quai po avair per consequenza che tschertas websites na funcziunan betg pli endretg u na chargian betg. Perquai stos ti eventualmain deactivar temporarmain las protecziuns correspundentas sche ti fruntas sin quest problem.

La finala pos ti render il VPN – sin apparats cumpatibels – anc pli clever cun excluder tschertas applicaziuns (p.ex. Netflix) dal VPN.

Dovras ti anc ulteriur agid?

Ti pos contactar noss team da support directamain ord l'applicaziun Mozilla VPN cun cliccar sin Parameters > Ir per agid > Contactar il support. Ti pos era ans contactar via nossa pagina da support.