Windows è in dals sistems operativs ils pli populars en il mund. En consequenza èn apparats Windows savens l’object en mira da hackers e pon esser spezialmain vulnerabels sche ti na prendas betg mesiras da precauziun. Ti pos proteger tia vita digitala cun utilisar in VPN per criptar tias activitads online, parallel cun auters pass, sco actualisar regularmain tia software, crear ferms pleds-clav unics ed utilisar alias da Relay per proteger tia adressa dad e-mail.
In VPN creescha in «tunnel» criptà per tias datas d’internet tranter tes computer Windows e l’internet. Uschia vegn zuppentada tia posiziun envers las websites che ti visitas. Quai gida ad impedir che terzas partidas e spiuns vegnian a savair chaussas da tai ch’els na ston betg savair.
Tgenins èn ils avantatgs dad utilisar Mozilla VPN sin mes apparat Windows?
- Impedescha che tias activitads online vegnian rimnadas e cundivididas cun terzas partidas u incumbensaders da reclama.
- Sche ti guardas savens videos online u streameschas musica, pos ti eventualmain evitar ch’il volumen da datas transferibel vegnia limità u che la transmissiun vegnia ralentada da tes purschider d’internet cun utilisar in VPN.
- Ti pos excluder tschertas apps cun agid da la funcziun «split tunnel». Quai pussibilitescha da manar tschertas apps tras il VPN, fertant che autras passan dasper il tunnel.
- L’utilisaziun dad in apparat Windows en ina rait WLAN publica, betg segirada renda las datas da tes traffic d’internet pli vulnerablas envers spiuns da la rait. In VPN po gidar a garantir che tias datas restian privatas cun agiuntar in ulteriur ferm nivel da protecziun.
L’app Mozilla VPN na vegn ni ad utilisar memia blera da la memoria da tes apparat Windows ni ralentar tes computer ni consumar memia blera battaria.
Mozilla VPN vegn sustegnì sin Windows 10 e Windows 11 e ti pos utilisar il program sin enfin a tschintg apparats. Per cumenzar pos ti t’inscriver sin mozilla.org e telechargiar l’app sin l’apparat Windows.