Mozilla VPN

Protegia tia connexiun online cun Mozilla VPN per Mac

Saja quai sin in desktop Mac, in laptop, in iPad u in iPhone, protegia tes apparat entir cunter attatgaders ed egliadas mirvegliusas cun agid dad in VPN da Mozilla, in piunier sin il sectur da segirezza en l'internet dapi l'onn 1998.

Dà in'egliada als pretschs & a la disponibilitad

Garanzia da restituziun da 30 dis

Tia sfera privata è nossa empermischun

Ti duessas ta sentir segir en l'internet tuttina sche ti es online per motivs professiunals u en tes temp liber. Mozilla VPN ta gida dad utilisar il WLAN public a moda pli intelligenta, cun proteger tia connexiun cun l'internet cunter attatgaders e purschiders d'internet interessads da tias datas. Questa protecziun da datas cun in singul clic è disponibla per Mac ed iOS (sco era per Windows 10, Linux ed Android) e n'ha nagins effects dischavantagius sin la sveltezza. Ed essend ch'i sa tracta dad in VPN da Mozilla cun il protocol WireGuard®, pos ti ta fidar che tias activitads na vegnan betg registradas e che tias datas restan tias – per adina.

Tge che ti survegns cun Mozilla VPN:

  • Criptadi a nivel da l'apparat
  • Servers potents en passa 30 pajais
  • Nagina restricziun dal volumen da datas transferibel
  • Naginas registraziuns da tias activitads online – mai
  • Connectescha maximalmain 5 apparats

Ta senta segir – schizunt en in WLAN dubius

Navighescha grazia a Mozilla VPN cun in bun sentiment cura che ti utiliseschas in WLAN public. El protegia tia connexiun d'internet per che tias datas persunalas restian zuppadas per attatgaders ed egliadas mirvegliusas.

Protecziun da datas adina per mauns

Cun Mozilla VPN vegn tia connexiun d'internet criptada e tia adressa IP protegida cunter attatgaders e purschiders d'internet mirveglius, grazia al protocol avanzà WireGuard®.

Acceda a servers en tut il mund

Tscherna in da passa 500 servers en dapli che 30 pajais per definir la posiziun da tes Mac. Quai ta pussibilitescha da vesair las novitads, far cumpras, streamar e navigar en il web da quasi mintga lieu.

Protegia enfin 5 apparats cun in singul abunament

Tes computer, tablet e smartphone meritan tuts da vegnir protegids. Utilisescha Mozilla VPN per proteger enfin 5 apparats cun Mac ed iOS (u era Windows, Linux ed Android).

I n'è betg necessari da desister da sveltezza

In volumen da datas illimità e naginas restricziuns da sveltezza muntan che ti pos explorar las entgarnas da l'internet sco adina – e quai cun segirezza supplementara.

Tge che ti fas online è tes affar

Giauda il sentiment da segirezza cura che ti utiliseschas Mozilla VPN. Tias datas èn criptadas, tias activitads na vegnan mai registradas e tia sfera privata è adina protegida. Quai empermettain nus a tai.