Mozilla VPN
Segirescha tia connexiun cun l'internet cun Mozilla VPN per computers desktop
Cun Mozilla, in dals nums ils pli fidabels dal sectur tecnologic, survegns ti segirezza simpla e svelta sin tes computer desktop e laptop.
Dà in'egliada als pretschs & a la disponibilitad
Tia sfera privata è nossa empermischun
Mozilla VPN ta pussibilitescha da ta connectar a moda segira e da proteger tias datas dad egliadas mirvegliusas ed evitar ladernitschs da datas cura che ti es online. Mozilla VPN utilisescha il protocol avanzà WireGuard® per criptar datas persunalas sin tes laptop u computer desktop – per enfin a 5 apparats. Streamescha emissiuns, gioga games, fa cumpras e viva tes mintgadi online, savend che ti es segir.
Sco sviluppadra dal navigatur-web Firefox e sco ina da las cumbattantas las pli ferventas per la protecziun da datas en l'internet, s'engascha Mozilla per che ti possias ta sentir segir e per che ti vegnias respectà mintga giada che ti es online.
Tge che ti survegns cun Mozilla VPN:
- Protecziun per maximalmain 5 apparats
- Access a servers en passa 30 pajais
- Criptadi a nivel da l'apparat
- Nagina restricziun dal volumen da datas transferibel
- Naginas registraziuns da tias activitads online – mai
Ta protegia cura che ti utiliseschas in WLAN public
Noss VPN protegia tia connexiun cun l'internet cunter attatgaders e spiuns, uschia che ti pos far cumpras online en il café, controllar tes conto da banca en il tren e far tias fatschentas en l'internet dapertut senza ta far quitads per la segirezza.
Protecziun da datas cun in singul clic
L'applicaziun Mozilla VPN criptescha tia connexiun cun l'internet e zuppenta l'adressa IP da tes telefonin u tablet cun agid dal protocol avanzà WireGuard®.
Ta connectescha cun servers en tut il mund
Navighescha da la Brasilia. Fa gieus davent dal Giapun. Streamescha dal Mexico. Mozilla VPN ta permetta da midar la posiziun da tes telefon u computer cun tscherner in da 500 servers.
Protegia enfin a 5 apparats
Cun tes abunament survegns ti access illimità a noss servetsch segir da VPN sin tes smartphone, tablet e computer desktop per iOS, Android, Mac, Windows e Linux.
Sveltezza fenomenala, naginas restricziuns
Streamescha videos, gioga games, fa cumpras e navighescha sco ina frizza. Mozilla VPN na vegn ni a limitar tes volumen da datas ni a ralentar tes smartphone.
Tia sfera privata ha prioritad
Nus da Mozilla na ramassain naginas datas davart tia persuna e nus na registrain era betg tias activitads online – ni via noss VPN ni via in da noss auters products. La protecziun da tias datas è il coc da nossa missiun.